1 Samuweli 16:16 - Emakhuwa Bible

¹⁶ Apwiya yaalamuleleke arumeiyaaya omwaasaasa mmoha ongwera omwiipa makita. Hiiho woorweelakani munepa woonanara wa Muluku, mulopwana owo onoowiipelani makita ni nyuwo munookhurunuwa.”

1 Samuweli 16:16 Iomraidhean Croise

Epacerero 41:46

Yoseefe aarino iyaakha miloko miraru sa oyariwawawe aapacenraawe omurumeela Farawu*, mwene a wExipitu. Vahoolowaya, aamulaxera Farawu*, anapacera weetteetta elapo ya wExipitu yootheene.

1 Mamwene 10:8

Moota anghakalalaaya yaawo ampwaherera okhala ohoolowanyu yiiwaka mahuku ootheene mirukusanyu!

2 Mamwene 3:15

Vano mukiruuhele namakita.” Vanonto namakita amwiipaawe, ikuru sa Yave saamukhuruwela Elixa,

1 Samuweli 10:5

Vahoolowaya munoorowa oGibeya wa Muluku araayawo anakhotto akina a aFilisti. Mwaattamelaka esidade, munoophwanya mukuttula wa maprofeeti okhuruwaka vanttumuxani owiipaka atthakare, akarakaxa, ampetta ni amakita. Vano awosa anoothalihera otthuna wa Muluku.

1 Samuweli 16:14

Munepa wa Yave waamuhiya Sawuli ni munepa woonanara wa Yave wannamuhasula.

1 Samuweli 16:15

Arumeiyi a Sawuli yaamweerela: “Moone, munepa woonanara wa Muluku onimoohasulani.

1 Samuweli 16:17

Sawuli aaweerela arumeiyaawe: “Mwamphwanye mutthu oomwiipa nnenesene ni munruuhe nno.”

1 Samuweli 18:10

Oxaawaya munepa woonanara waarumihiwe ni Muluku waamukhuruwela Sawuli ni ikuru ni aamuttittimuwa mpaanimwawe. Davide eera amwiipaka makita ntoko aakhovelenlaawe. Vano Sawuli avarenleene nivaka,

1 Samuweli 19:9

Vanonto munepa woonanara waarumihiwe ni Muluku waamukhuruwela Sawuli owo akilaathiyeene mpaanimwawe avarenleene nivakanawe. Davide eera amwiipaka makita,