1 Samuweli 15:22 - Emakhuwa Bible

²² Vanonto Samuweli aamwaakhula: “Weeraka Yave onsiveliwa ni sooveleela soohisa ni sa inama opwaha wiiwelela maswaawe? Fataari omwiiwelela Yave ohikhanle opaka sooveleela; aani fataari omwiiwa ohikhanle inama sooneneva.

1 Samuweli 15:22 Iomraidhean Croise

Epacerero 4:4

Abelitho aamuruuhela Yave mipatta sooneneva sa ikhondoolo ntoko yooveleela wa seiye saari matthaara. Yave aasivelihiwa ni Abeli ni sooveleelasawe

Okhuma 19:5

Vano mwakiiwelela oororomeleyeene ni mwathokorora wiiraanyihawaka, munookhala atthu ootthuneyaaka variyari wa miloko sootheene. Erookhalaru elapo yootheene yawaka,

Masu a Miruku 21:3

Opaka ya ekhaikhai ni ya ettiitthu ti yoowaakhuleleya wa Yave opwaha opaka sooveleela.

Namalaleiya 5:1

Nyuwo mwaarowaka vaNipuroni Nootteela* na Muluku mwiipasoope ni mweettelowaanyu. Fataari yoowo onkhuveela weera iiwe ohikhanle alolo ampaka sooveleela ehisuwelaka weera khaampaka nnene.

Yeremiya 11:4

mwa weiwo kaalamulenlaaka makholowaanyu, kaakhumihaaka wExipitu, muttukutthani enghaniwa eyuuma.’ Keenre: ‘Mukiiwelele ni mpake sootheene kinoolamulelaakani ni munookhala mulokwaaka ni Miyo Mulukwaanyu.

Yeremiya 11:7

Okhuma ehuhuweene yeele kaakhumihalaaka makholowaanyu wExipitu mpaka olelo kannawooperera keeraka: “Mukiiwelele.”

Yeremiya 26:13

Vano, muhiye mweettelowaanyu ni ipakelosanyu soonanara ni mmwiiwelele Yave, Mulukwaanyu. Hiiho Yave onoohiya woopakelani erisa oolakelenlaaweni.

Hoxeya 6:6

Vano, kinghaawela ororomeleya ohikhanle sooveleela; omusuwela Muluku ohikhanle sooveleela soohisa.

Hoxeya 8:13

Awosa ampaka sooveleela enakhuura enama, vaheera Yave khanghakalalela. Okhuma vaanaano va woorowa ohoolo, Owo onimuupuwelela sootakhalasaya ni onoottaruxa sootthekasaya. Awosa anoohokoleela wExipitu.

Matheyo 12:7

Nyuwo mwaasuwenle etaphulelo ya masu ala: ‘Kintthuna ikharari, sihikhanle sooveleela,’ khamwaathoriha atthu oohikhalano milattu.

Matheyo 23:23

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mumvaha mpatta wanaamuloko wa sooreerela sooreeraxa, endro*, ni kominyu*, mene munnattiwala iyo sinnyesereriwa sa nlamulo: ekhaikhai, ikharari, ni ororomeleya. Ontthuneya nyuwo opaka itthusene seiya muhihiyakatho soopacera.

Matheyo 5:24

muhiye toko soovahasanyu vaavaawo valtaarini*, ni murowe weera mwiiraane ni munninyu. Vahoolowaya, muhokoleeleke ni moonihereke soovahasanyu.

Matheyo 9:13

Murowe ni muupuwele etaphulelowaaya ela: ‘Kintthuna ikharari, sihikhanle sooveleela.’ Miyo nkaaweenle owiitthana atthu oororomeleya, mene anamattheka.”

Marku 12:33

Omusivela Muluku ni murimaanyu wootheene, wuupuwelawanyu wootheene ni ikurusanyu sootheene, ni omusivela mukhwiinyu ntoko muniisivelaanyu, ti wootthuneyaxa oopwaha sooveleela soohisiwa ni soovaha sootheene.”

1 Samuweli 13:12

Vanonto, kohuupuwela: ‘aFilisti anookiwanano oGiligali ni miyo nlelo kihaasaanse ekhavihero wa Yave.’ Tivawo koonnaaka weera fataari opaka sooveleela soohisa.”

1 Samuweli 13:13

Samuweli aamwaakhula: “Moheetta ololo! Khamwiiwelenle nlamulo Yave Mulukwaanyu oovanghaaweni. Mwiiwelenle, saano akhalihaleene omwenaanyu mwaalamulaka aYixrayeli mahuku ootheene.