1 Samuweli 15:11 - Emakhuwa Bible

¹¹ “Koothanana omvarawaka omwene Sawuli niwoko ookihiya ahiiwelelaka soolamulasaka.” Samuweli aahitta, anamukhuwelela Yave ohiyu wootheene ole.

1 Samuweli 15:11 Iomraidhean Croise

Epacerero 6:6

Yave aathananihiwa niwoko na ompakawawe mutthu mweelaponimu, ni eyo yaamvoreya vamurimaniwawe.

Epacerero 6:7

Yave aaheera: “Kinoophwata omutthu mwa elapo ya vathi, mwa yoowo kipattunxaaka. Aani kinimwaaphwata atthu ootheene vamoha ni inama soopattuxiwa sitokweene ni sikhaani ni ipalame sa musulu, niwoko kooriipiwa murima woopattuxa.”

2 Samuweli 24:16

Ndyelo aatheteyaawe ntata weera aphwate oYerusaleemu, Yave aathananaxa niwoko na nthorihelonawe, anamweerela ndyelo eera aaphwate atthu: “Paahi! Waatta!” Ehuhuweene yeele ndyelo a Yave aari vanipuroni nimveeriwa* etrigu na Arawuna, muYebusi.

1 Mamwene 11:9

Yave aamunyoonyeriwa Salomoni, niwoko na murimaawe omuhiya Yave Muluku a aYixrayeli, mwa Yoowo iixoonihenre wa yoowo imaara piili.

1 Nyaha 10:13

Sawuli okhwenle hiiho niwoko khaaroromeleiye wa Yave; khiiwelenle masu a Yave, mpaka aaphiyeraawe omukoherera muthiyana uuluma ni minepa sa anamakhwa,

1 Nyaha 21:15

Vano Muluku aamurumihenle ndyelo weera aphwate oYerusaleemu. Vaheera ndyelo arowaka opaka yeeyo, Yave aaweha, anakhurunuwa oruuha ehasara, anamweerela namaphwata ndyelo: “Wookwana! Paahi!” Ehuhuweene yeele, ndyelo a Yave aari vanipuroni nimveeriwa* etrigu na Arawuna, muYebusi.

Yobi 34:27

Yeeyo eneereela omuhiyawaya Muluku, ehipwatthelaka iphirosawe.

Icipo 109:4

Awosa ankoothera ehiyaka onthamwenaaka, mene miyo kimpwaherera mmavekeloni.

Icipo 110:4

Yave aalipela ni kharwa aceendya soowuupuwelasawe: “Nyuwo ti Mutokweenexa a asaserdoti* mahuku ootheene mmukhaleloni mwa Melkhisedeki.”

Icipo 119:136

Nkimmaala wiinla, niwoko Nlamulonanyu khanneetteliwa.

Icipo 125:5

Vaheera Yave onoowoomola yaale antthara iphiro soolavilavi vamoha ni anamapaka soonanara. Murettele okhaleke mwa oYixrayeli!

Icipo 36:3

Maswaawe ti oonanara ni oovariha. Owo khampwattha okhalano miruku naari opaka yooreera.

Icipo 78:41

Imaara imaarasene yannamoota murima Muluku, emutannyaka Ootteela a oYixrayeli.

Icipo 78:57

Yaari oohiroromeleya ni ohiiwelela ntoko makholowaaya, yaapirituwa ntoko muupa woohimuteko.

Okhuma 32:11

Wa soothesene, Moisesi aamudyoonttelela Yave, Mulukwaawe, akhuwelaka: “Yave, heeni munnyoonyeriwaanyu mulokwaanyu owo, mwa yoowo mukhumihalaanyu wExipitu ni ikuru sitokotoko ni ntatananyu noolipaxa?

Okhuma 32:14

Vano Yave aaceendya soowuupuwelasawe ahipakelaka mulokwaawe yoonanara oopopiheraawe.

Yeremiya 11:10

Awosa aahokoleela soottheka sa makholowaaya mwa yaawo yaakhoontte wiiwelela maswaaka, ettharaka miluku sikina weera erumeele. Ipuumba sootheene sa oYixrayeli ni sa oYuda khasiiwelenle wiiraanawaka kaapakenlaaka makholowaaya.

Yeremiya 13:17

Mene nyuwo mwaahiiwa, kinimwiinla muxiirini niwoko na wiixoonawanyu. Kinimwiinlaxa ni maithwaaka anoosareya maithori, niwoko muhuwo wa Yave onooronghiwa wootthukiwani.

Yeremiya 34:16

Vaheera, vano, nyuwosa moohokoleela ottuli ni moohiiriha Nsinanaka, niwoko khula mutthu a nyuwo ohaahokoloxa asilopwana ni asithiyana mwaatapunxaanyu. Nyuwosa moohokoleela waapaka opottha.

Yeremiya 9:1

Ii! Muruwaaka waari naatuuttu a maahi ni maitwaaka ehime ya maithori! Vano kaamwiinla ohiyu ni othana niwoko na okhwa wa mulokwaaka.

Yeremiya 9:18

Awosa erwaase woowaakuveya weera enilalamikele mpaka maithwaahu osareya maithori ni maahi okhwalalela mmakwikhwinimwahu.

Ezekiyeli 18:24

Wa soothesene, oororomeleya ahapuwa moororomeleyanimwawe, anattheka, apakakatho itthu soothanyeya atakhali ampakaaya, onookhala ni okumi? Khasuupuweleliwaru mitekosawe soororomeleya. Owo anaakhwele ohiroromeleya ni soottheka opankaawe.

Amosi 7:3

Vano Yave aakhurunuwa. Yave onlamula sootheene aaheera: “Eyo khayeereya.”

Yoonasi 3:10

Oonaka seiyo awo yaapankaaya ni moota yaahingyaaya iphirosaya soonanara, Muluku aaceendya soowuupuwelasawe ni khaaphwante ntoko aawoopopinghaawe.

Yoonasi 4:2

Owo aamvekela Yave: “Yave, kheehiyono yeela miyo kaahimalaaka nlelo kaaraka owaani? Ti yeeyo miyo kaatthawenlaka oTaresisi. Kaasuwela weera Nyuwo muri Muluku a ikharari, a murima wooreera, oopixa murima, oosareya osivela ni munroromeliha ottaruxa, mene vahoolowaya munooceendya.

Zefaniya 1:6

Yaawo anghapuwa ehiyaka omutthara Yave, hata ehimwaasaka naari ehimukohereraka.

Matheyo 24:13

mene yoowo anaavilele mpaka ommaleloni anaavuluxiwe.

Matheyo 5:44

Mene Miyo kinooleelani: mwaasivele amwiittanaanyu, ni mwaavekelele yaawo anoosoondani,

Luuka 6:12

Wa nihuku nimoha Yeesu aavenya arowaka omwaako weera avekele, ni aamvekela Muluku ohiyu wootheene.

aHeberi 10:38

Yoowo aakhuleliwa ni Miyo anaakhale munroromeloni, mene ahokoleela ottuli, khakisiveliha.”

Yoxuwa 22:16

“Muthukumano wootheene wa Yave oneera ha: ‘Mpanke hai ohimuroromelaxawene wuuwu Muluku a aYixrayeli? Yoosusingheni eheeni wa Yave, mwiitekelaka altaari* ni mumvaanyaka Yoowo?

1 Samuweli 12:23

Wa miyo, nkiweherenre omutthekela Yave kihiyaka woovekelelasani! Kinimooxuttihasanitho ephiro yooreera ni ya ekhaikhai.

1 Samuweli 13:13

Samuweli aamwaakhula: “Moheetta ololo! Khamwiiwelenle nlamulo Yave Mulukwaanyu oovanghaaweni. Mwiiwelenle, saano akhalihaleene omwenaanyu mwaalamulaka aYixrayeli mahuku ootheene.

1 Samuweli 15:10

Vano Yave aamweerela Samuweli:

1 Samuweli 15:3

Vano murowe ni mwaawaneno awAmaleki mphwataka soothesene siri sawaya. Muhimuurele mutthu; mwawiiveke asilopwana, asithiyana, anamwane, ooyariwa vaanaano, imombe, ikhondoolo, ikamelu* ni abuuru.’”

1 Samuweli 15:35

Mpaka okhwawawe Samuweli, owo khaarongwe omoonatho Sawuli aaroomuthananelaru. Vano Yave aathananaxa woomvara Sawuli omwene wa aYixrayeli.

1 Samuweli 15:9

Vaheera Sawuli ni anakhotto yaamuurela Agagi vamoha ni sooreerela sa ikhondoolo ni imombe, aximombe ni iputtiputthi soonenevela – sootheene saari sooreera. Khayaatthunne ophwata itthusene seiye voothevene, vaheera yaaphwata sootheene saari soothanyeya ni soohivareleya muteko.

1 Samuweli 16:1

Yave aamweerela Samuweli: “Mpaka yaakhani muneeraanyu mmwiinlele Sawuli, keenre kimukhootta okhala mwene a aYixrayeli? Musarihe nnyakananyu makhura ni mpwaheke oBeteleheemu. Kinimoorumihani wa Yixai. Koomuthanla mmoha a anamwanaawe asilopwana weera avariwe omwene.”

1 Samuweli 8:6

Vanonto, awosa yeerakaru: “Munivarele mwene weera anihoolele,” Samuweli khaahakalanle ni owo aamvekela Yave.