1 Samuweli 14:6 - Emakhuwa Bible

⁶ Yonatani aamweerela mmiravowaawe aamukuxera kapwitthi: “Nirowe vanipuroni na anakhottweene yaawo oohiineliwa. Yave wookhala woonikhaviheraka, niwoko Yave ongwera ovuluxa aavarelaka muteko hata anakhotto vakhaani hoye hoye ancipale.”

1 Samuweli 14:6 Iomraidhean Croise

2 Samuweli 1:20

Muhilaleiye yeeyo oGati hata muhithalihere mmiseweni sa wAxekeloni weera anamwane asithiyana a aFilisti oohiineliwa ehihakalalaxe.

2 Samuweli 16:12

Apaale Yave onimoona ohaawawaka olelo ni onimwaakakhanyiha yooreera ni onyohola kaakhenlaaka olelo.

2 Mamwene 19:4

Enoowereya weera Yave Mulukwaanyu ohiiwa masu ootheene a mutokweene a anamalaka, mwa yoowo pwiiyaawe, mwene a wAsiriya, aamurumihalaawe omutheya Muluku Mukumi. Yave Mulukwaanyu amuttaruxe niwoko na masu ale. Tivawo, munidyoonttelelele Muluku hiyo nihanle ni okumi.”

2 Nyaha 14:10

Asa aarowa weera angwaneno, ni awosa yaahiirehererela owana mureyareyani na oZefata, waattamela oMarexa.

2 Nyaha 14:11

Vano Asa aamukhuwelela Yave, Mulukwaawe: “Yave, khawoworu onlikana ni Nyuwo, onaakhavihera oolosowa yaawanaka ni oolipa. Ii! Yave, Mulukwaahu, munikhavihere, niwoko nnoororomelani Nyuwo, ni nirweenle waawanano anakhotto ancipale ala mwa Nsinananyu. Ii! Yave, Nyuwo ti Mulukwaahu; muhimuhiye mutthu oowananakani.”

Icipo 135:6

Yave ompaka seiyo sinimusivela, wiirimu ni vathi; mphareiyani ni moowiixeramwaya moothemwene.

Yeremiya 9:23

Yave oneera ha: “Namiruku ahiivuwiheno mirukusawe hata nakuru mukurunimwawe naari namapuha moopuhanimwawe.

Yeremiya 9:25

“Anoophiyera mahuku,” onghima Yave, “Kineeraaka kaattaruxe ootheene yaawo yiineliwe mweerutthuni paahi –

Yeremiya 9:26

awExipitu, aYuda, awEdomi, awAmoni, aMowabe ni ootheene ankhala munikareni na ottaiwene. Vano milokosene seiyo sootheene siri soohiineliwa ni mpakatho ekhapira yootheene ya oYixrayeli ti yoohiineliwa mmurimanimwaya.”

Amosi 5:15

Muthanye yoonanara; musivele mpuha. Mukhalihe ekhaikhai munuulummwa milattu. Apaale Yave, Muluku a ikuru sootheene, anaamorele ikharari yaawo ahalahanle a Yoseefe.

Zefaniya 2:3

Mmwaase Yave, ootheene nyuwo oowiiyeviha a mulaponi, nyuwosa mumpaka yeeyo Owo olamulenlaawe. Mwaasaase ekhaikhai; mwaasaase wiiyeviha; apaale nyuwosa mmwikhaleno wootthawela vanihukuni na isara sa Yave.

Zakariya 4:6

Owo aakeerela: “Masu a Yave wa Zerubabeli ti ala: ‘Khoohiyono ni ikuru hata ni oweraxa, mene mwa Munepaaka,’ oneera Yave a ikuru sootheene.

Nuumeru 10:32

Mwarowa ni hiyo, nnookawana ni nyuwo itthu sooreera sootheene Yave aneeraawe anivahe.”

Nuumeru 31:4

Khula epuumba ya aYixrayeli yaarumiheke okhottoni asilopwana macira muloko.

Matheyo 19:26

Yeesu aahaaweha yaawo ni aawaakhula: “Wa mutthu khoongwereya, mene wa Muluku itthu sootheene sinoowereya.”

aRooma 8:31

Nneereke hai sa itthusene seiya? Muluku aari ni hiyo, taani aniittane ni hiyo?

Deuteronomiyo 32:30

Khoongwereya mulopwana mmoha waattharelela asilopwana macira muloko naari asilopwana eeli waattharelela macira miloko miili ohikhanle weera Mwalaaya ori mwaathumiha naari Yave ori mwaahiya.

aFilipi 3:3

Vano, ti hiyo nri wiineliwa, hiyo ninlapaahu mMunepani wa Muluku, hiyo nniivuwihaahu mwa Kristu Yeesu, ni khaninroromela naari etthu emoha mweerutthuni,

Yoxuwa 14:12

Tivawo, mukivaheke elapo ela ya mmanyaakoni, mwa yeeyo Yave aakiroromelinghaawe nihuku nne. Nyuwo muneenaanyu mwaahiiwa nihuku nne weera awAnaki yaamakawo ni weera isidadesaya saari sitokotoko ni soolipihiwaxa. Vaheera ni ekhavihero ya Yave kinoowoomola ntoko aaroromelinghaawe.”

Ahooleli 15:18

Samesoni aavolaxiwa ntthona, anamukhuwelela Yave: “Mookivaha owina wu otokotoko. Vano kikhweeke ntthona kimorelaka hiiho mmatatani mwa oohiineliwa?”

1 Samuweli 14:5

Mmoha waari mpatta wa ottuttuwani wookela oMikemaxi ni mukina mpatta wa ohitto wookela oGeba.

1 Samuweli 14:7

Mmiravo aamukuxera kapwitthi aamwaakhula: “Mpake yeeyo munuupuwelaanyu. Miyo kinoorowa ni nyuwo.”

1 Samuweli 17:26

Davide aahaakoha asilopwana aattamannaaweno: “Ntthuvelo heeni aneeraawe aakhele mulopwana yoowo anaamwiive muFilisti owo, aakihaka ottittimiheya wa aYixrayeli? muFulisti heeni yoowo oohiineliwa onaadeerera anakhotto a Muluku mukumi?”

1 Samuweli 17:36

Murumeiyaanyu aamwiiva mwatto ni ursu*. muFilisti oohiineliwa ole anaakhale ntoko mmoha a yaawosa, niwoko ohaaderera anakhotto a Muluku mukumi.

1 Samuweli 17:46

Olelo Yave onoowinnyerera mmatatanimwaka ni miyo kinimoohita. Olelo vaava kinoovaha mittembo sa anakhotto a aFilisit ipalame sa wiirimu ni axinama ooluwa a ntuphini ni elapo ya vathi yootheene enoosuwela weera ookhala Muluku oYixrayeli!

1 Samuweli 17:47

Ootheene ari va eniisuwele weera Yave khangwina avarelaka muteko ekatana hoye hoye nivaka. Ekhotto eri yawawe ni Owo onoowinnyererasani ootheene nyuwo mmatatanimwahu.”

1 Samuweli 31:4

Sawuli aamweerela mmiravo aamukuxera kapwitthi: “Ohulule ekatanaawo ni okiiveno weera kihuuliwe muru kikhwelaka mmatatani mwa oohiineliwa ale.” Wa soothesene, mmiravo aamukuxera kapwitthi aahookhwa maririmela ahitthunaka opaka. Vano Sawuli aakuxa ekatanaawe, aniihomana.