1 Samuweli 14:13 - Emakhuwa Bible

¹³ Yonatani aahaapasa awelaka mwaako mmiravowaawe aamukuxera kapwitthi amuttharaka. Yonatani aahaamoroxela vathi, mmiravowaawe anawiivakasa.

1 Samuweli 14:13 Iomraidhean Croise

Icipo 18:29

Mukurunimwanyu kinoowera waawina anakhotto ancipale; ni ekhavihero ya Mulukwaaka kinoowera otupha exiri.

aRooma 8:31

Nneereke hai sa itthusene seiya? Muluku aari ni hiyo, taani aniittane ni hiyo?

Deuteronomiyo 28:7

Yave onimoowinelani mwa amwiittana eniyoowananeni. Awo eniyoorweelaseni mphironi, mene khula mutthu anaatthawele mpattaawe.

Deuteronomiyo 32:30

Khoongwereya mulopwana mmoha waattharelela asilopwana macira muloko naari asilopwana eeli waattharelela macira miloko miili ohikhanle weera Mwalaaya ori mwaathumiha naari Yave ori mwaahiya.

aHeberi 11:34

yaacipiha ikuru sa mooro, ni yaahoopowa wiitha wa ekatana. Ohilipawaya waatatuxiwa ikuru, ni awo yaathatuwa oolipa mukhottoni ni yaahaatthawiha anakhotto a ilapo sikina.

Yoxuwa 23:10

Mmoha a nyuwosa paahi onaawina amwiittana macira muloko, niwoko Yave Mulukwaanyu onoowanelani nyuwosa, ntoko ororomelinghaawe.

Ahooleli 9:54

Woowaakuveya aamulamulela namakuxa a exikudwaawe: “Otholole ekatanaawo, okiive weera eheeriwe: ‘Muthiyana mmoha oomwiiva.’” Vano, murumeiyaawe aamuhoma, anakhwa.

1 Samuweli 14:12

Afilisti a ekhato ele yaamukhuwelela Yonatani ni mmiravowaawe aamukuxera kapwitthi: “Murweeke wenno ni hiyo nnimooxuttihani etthu.” Yonatani aamweerela mmiravowaawe aamukuxera kapwitthi: “Okitthare, Yave oowinnyerera mmatatani mwa aYixrayeli.”

1 Samuweli 14:14

Moowanani woopacera iwe, Yonatani ni mmiravowaawe aamukuxera kapwitthi yaawiiva wookwanaka asilopwana miloko miili wa ettima ekhaanene.