1 Samuweli 14:12 - Emakhuwa Bible

¹² Afilisti a ekhato ele yaamukhuwelela Yonatani ni mmiravowaawe aamukuxera kapwitthi: “Murweeke wenno ni hiyo nnimooxuttihani etthu.” Yonatani aamweerela mmiravowaawe aamukuxera kapwitthi: “Okitthare, Yave oowinnyerera mmatatani mwa aYixrayeli.”

1 Samuweli 14:12 Iomraidhean Croise

Epacerero 24:42

Olelo kiphiyakaru ohimeni koovekela: ‘Yave, Muluku a apwiyaaka Abrahaamu, waari weera mukwaahaaka ti otthunawanyu, mwiiwe nivekelonaka nna:

Epacerero 24:48

Kaahuurama kimulapaka Yave. Kaamutthapela Yave, Muluku a apwiyaaka Abrahaamu, aakihoonle mphironi ya ekhaikhai weera kamwaasere mwanaya musulwaaya munnaya apwiyaaka.

2 Samuweli 5:24

Mwiiwaru oruma wa mikhitto osulu wa nyiri sa balsamu*, mwaakuveke niwoko eyo eniikhale eneneero weera Yave oorowa ohoolowaanyu owiiva anakhotto a aFilisti.”

2 Mamwene 14:8

Vano Amaziya aamurumihela anamitthenga Yehowaxi, mwaana mulopwana a Yehowazi, mwaana mulopwana a Yehu, mwene a oYixrayeli, amutannyaka: “Ngwe niwane.”

Ahooleli 4:14

Debora aamweerela Baraki: “Murowe! Nna nihuku Yave omwinnyerenraawe Sisera mmatatanimwanyu. Yave onrowa muhoolomwanyu!” Hiiho Baraki aakhuruwa mwaako Tabori atthariwaka ni asilopwana macira macireene muloko.

Ahooleli 7:14

Nthamwenaawe aamwaakhula: “Vekhaikhai eyo ti ekatana ya Gidiyoni, mwaana mulopwana aYowaxi, muYixrayeli. Muluku oomwinnyerera aMidiyani ni mukonelingwe moothemwene mmatatanimwawe.”

Ahooleli 7:15

Gidiyoni iiwakaru yooloha ela ni etaphulelowaaya, aamulapa Muluku. Aahokoleela yaakonenlaayawo aYixrayeli anaweerela: “Mvenye! Yave ohinnyerera okonelingwe wa aMidiyani mmatatanimwanyu!”

Ahooleli 9:54

Woowaakuveya aamulamulela namakuxa a exikudwaawe: “Otholole ekatanaawo, okiive weera eheeriwe: ‘Muthiyana mmoha oomwiiva.’” Vano, murumeiyaawe aamuhoma, anakhwa.

1 Samuweli 14:10

Vaheera yaneerela: ‘Ngweeke wenno,’ vano nnoorowa vanipuroniwaya ni eyo eniikhale eneneerowaahu weera Yave oowinnyerera mmatatanimwahu.”

1 Samuweli 14:13

Yonatani aahaapasa awelaka mwaako mmiravowaawe aamukuxera kapwitthi amuttharaka. Yonatani aahaamoroxela vathi, mmiravowaawe anawiivakasa.