1 Samuweli 13:9 - Emakhuwa Bible

⁹ Vano Sawuli aaweerela: “Mukiruuheleke sooveleela soohisa ni sa murettele.” Ni owo aapaka sooveleela soohisa.

1 Samuweli 13:9 Iomraidhean Croise

2 Samuweli 24:25

Davide aamutekelawo Yave altaari*, anapaka sooveleela soohisa ni sa murettele. Yave aahaakhulela mavekelo mwaha wa elapo ni naamala nihooxo naaphwata oYixrayeli.

1 Mamwene 3:4

Mwene aarowa oGibiyoni, niwoko naakhalawo Nipuro Nootteela* vasulu nttumuxa noottittimiheyaxa ni Salomoni aaveleelawo sooveleela soohisa macira muloko valtaarini* ale.

Icipo 37:7

Mukhaleke oomaaleene vamaithoni wa Yave ni mungweherere ni ovilela. Muhinyoonyiwe niwoko na opuha wa atakhali, hata wa yaale amvaanelela soonanara.

Masu a Miruku 15:8

Yave onthanya sooveleela sa atakhali, vaheera nivekelo na oororomeleya ninnamusiveliha.

Masu a Miruku 20:22

Muheere: “Miyo kinoomuliviha mwa yoonanara okipankaawe!” Mungweherere Yave, ni Owo onimoowinihani.

Masu a Miruku 21:27

Sooveleela sa atakhali ti soothanyeya; wootepaxa saaveleeliwaka ni muupuwelo woonanara.

Masu a Miruku 21:3

Opaka ya ekhaikhai ni ya ettiitthu ti yoowaakhuleleya wa Yave opwaha opaka sooveleela.

Yesaya 66:3

Vaheera yoole omveleela emombe ori ntoko mutthu yoowo ommwiiva mutthu ni yoole oniiva eputtiputthi ori ntoko mulopwana ompiritula exiko ya mwaaxaana a mwalapwa. Yoole ompaka yooveleela ya etrigu ori ntoko mulopwana onoonihera ephome ya ekhumba ni yoole onghisa erubani* yoowuupuwelela ori ntoko mulopwana onlapa muluku mukina woolokottha. Awosa aathanla iphirosaya ni minepasaya singhakalalela mitekosaya sa mwiikho.

Deuteronomiyo 12:5

Ohiyanawaya, mwaasaase nipuro Yave Mulukwaanyu aneeraawe athanle variyari wa ipuumbasanyu sootheene weera ahelewo Nsinanawe ntoko woomakawawe. Ti weiwo ontthuneya orowa

Deuteronomiyo 12:6

mukuxaka sooveleelasanyu soohisa ni sa enama, mipatta sanaamuloko, samahala sooreerela, mwa seiyo mwaaroromelinghaanyu omvaha, sooveleela sa otthunawanyu ni matthaara a mihuwosanyu sootheene.

1 Samuweli 14:18

Vanonto Sawuli aamweerela Abiya: “Mukiruuhele Arka* a Muluku.” (Ehuhuweene yeele Arka* yaari ni aYixrayeli.)