1 Samuweli 12:22 - Emakhuwa Bible

²² Niwoko na Nsinanawe ntokotoko, Yave kharwa oohiyaani. Owo ohoona oreera wookhalihani mulokwaawexa.

1 Samuweli 12:22 Iomraidhean Croise

1 Mamwene 6:13

Miyo kinookhala variyari wa aYixrayeli kihihiyaka mulokwaaka.”

1 Mamwene 8:57

Yave Mulukwaahu akhaleke ni hiyo ntoko aaraawe ni makholowaahu; Owo ahinihiye naari ahinithaame.

2 Mamwene 14:27

Eenre Yave aheera weera onoomalamaliha nsina na oYixrayeli mweelaponimu, aawoopola aYixrayeli amvarelaka muteko Yerobowami, mwaana mulopwana a Yehowaxi.

2 Mamwene 21:14

Kinimwaahiya yaawo eniihalahale a yoohiyeraaka ni kinoowinnyerera amwiittanaaya. Amwiittanaaya ootheene animwaahuhula ni anoowiiyera sootheene,

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

2 Nyaha 15:2

Owo aarowa omukumanano Asa, anamweerela: “Asa vamoha ni muloko wootheene wa oYuda ni oBenyamini, mukiwiriyane: Nyuwo mwakhala ni Yave, Owo onookhala ni nyuwo. Mwamwaasa, Owo onimootthuniherani omphwanya, vaheera mwamuhiya, Owotho onimoohiyani.”

Nehemiya 9:17

Yaakhootta owiiwani ni yaattiwala sootikhiniha mwaapakenlaanyu. Yaahuumiha mirima moovaanyanimwaya, emuthanlaka mutokweene weera ehokoleele mpotthanimwaya. Wa soothesene, Nyuwo ti Muluku onlevelela; moosareya mahala ni ikharari; oopisa onyoonyiwa ni oosareya osivela. Tivawo mwahaahingyaanyu,

Icipo 106:8

Hata hiiho Owo aahaavuluxa eerelaka Nsinanawe weera oonihere ikurusawe sitokotoko.

Icipo 94:14

Vano Yave khahiya mulokwaawe; kharwa athaama yoohiyeraawe.

Okhuma 32:12

Muntthuna weera awExipitu yeere: ‘Owo aahaakhumiha ni murima woonanara weera awiivele mmanyaakoni ni aaphwatele mweelaponimu? Mukurunuxe isarasanyu soowoopiha! Muupuwele moota mukina ni muhiruuhele yoonanara eyo mulokwaanyu.

Yesaya 37:35

“Kinimwaakiha esidade ela ni kinoovuluxa mwa osivelawaka ni wa murumeiyaaka Davide.”

Yesaya 41:17

Oohaawa ni oothoiwa anaasa maahi, mene khaamphwanya; malumaaya ahuumiwa ntthona. Vaheera Miyo, Yave, kinoowaakhula; Miyo, Muluku a oYixrayeli nkaahiya.

Yesaya 42:16

Kinooweettiha oohoona mphironi ahisuwenlaaya; mphironi soohisuwanyeya kinooweettiha. Kinootatuxa epiphi waara ohoolowaya ni iphiro soothipeya kinoothatawaliha. Ti seiyo itthu kineeraaka kipake, ni Miyo nkaahiya.

Yesaya 43:25

Miyo, aani Miyo ti Yoole ommaliha soonanarasanyu moosivelani ni nkuupuwelatho sootthekasanyu.

Yesaya 43:7

ootheene aniitthaneliwa Nsinanaka, mwa yaawo kaapattuxenraaka ovuwawaka, yaawo kiwoopalaaka, kinaapaka.”

Yesaya 48:11

Kimpaka yeeyo kiixeerelaka, aani kiixeerelaka Miyo. Nkirwa kitthunihera weera kaaluxiwe. Ovuwawaka nkinimuvaha mutthu.”

Yesaya 49:15

Weeraka ookhala maayi onimuttiwala mwaniye nlelo onaamwa ni ohinimmorela ikharari mwaana omuyanraawe? Naari amuttiwalaka, Miyo nkoottiwalani!

Yesaya 63:8

Owo eenre: “Vekhaikhai awosa ti mulokwaaka, anamwane asilopwana eneera ehikivarihe”; ni hiiho oothatuwa Mvuluxaaya.

Yeremiya 14:21

Mwaha wa Nsinananyu muhiniramuse; muhiveihe ehicaanyu ya emwene yoovuwaxa. Muupuwelele wiiraanawanyu ni hiyo ni muhimalihe.

Yeremiya 14:7

Ii! Yave! Naari sootthekasahu sinikhalelaka onamoona, dyoontte, munikhavihere moosivelani wa Nsinananyu. Vano ohiroromeleyawahu wootepa; nohootthekelani.

Yeremiya 14:9

Heeni munkhalaanyu ntoko mutthu ovariwe wootutuxereya, ntoko nakhotto ohingwera ovuluxa? Nyuwo muri variyariwahu, Yave, ni hiyo ti awinyu; muhinihiye!

Icipo Soolalamika 5:20

Vano munnittiwalelani mahuku ootheene? Munnithaamelani mweehuhuni yincipale?

Ezekiyeli 20:14

Vaheera, mwaha wa Nsinanaka nkaapanke seiyo kisembihaka ohiirihiwa Nsinanaka vamaithoni wa miloko mwa seiyo saawoonne, Miyo kaakhumihasaaka wExipitu.

Ezekiyeli 20:9

Vaheera moosivelani Nsinanaka, nkaapanke hiiho. Kaasembiha ohiirihiwa Nsinanaka vamaithoni wa miloko sa eriyari ya seiyo yaakhalaayawo, ni ohoolo wa seiyo kiixooniherenlaaka wa aYixrayeli, keerelaka waakhumiha wExipitu.

Malekiya 1:2

“Miyo kohoosivelani mahuku ootheene,” oneera Yave. “Vaheera nyuwosa munkoha: ‘Munisivenle moota heeni?’ Khaahiyono Esawu munneiye Yakobe?” onghima Yave. “Wa soothesene, Miyo koomusivela Yakobe,

Matheyo 11:26

Aani Atiithi, vano eyo yohoosivelihani.

Yohaane 15:16

Nyuwo khamukithanlale Miyo, mene Miyo kohoothanlani nyuwo weera murowe ni mwiime soowiima soohimala weera Atiithi yoovaheeni yeeyo muneeraanyu muvekele mwa Nsinanaka.

aRooma 11:1

Vano kinookoha: Apaale Muluku ookhootta mulokwaawe? Hata vakhaani! Miyo mwaneenaaka ti muYixrayeli, ekhapira ya Abrahaamu, epuumba ya Benyamini.

aRooma 11:29

Samahala ni wiitthana wa Muluku ti woohivirikanyiheya.

1 aKorinto 4:7

Vano, taani ongweerelani weera nyuwo moovirikana ni akina? Eheeni muraanyuno muhaakhenlaanyu? Ni mwaakhenleene, heeni muniixooniheraanyu ntoko khamwaakhenle?

awEfeso 1:12

weera hiyo nri oopacera omuroromela Kristu, nikhale ottottopela wa ovuwawawe.

awEfeso 1:6

Nnimuttottopele niwoko na ovuwa wa mahalaawe, mwa yaawo Owo onivanghaawe mwa Oosiveleya.

Deuteronomiyo 14:2

Nyuwosa ti muloko wootteeliheriwa Yave Mulukwaanyu. Yave ohoothanlani nyuwosa variyari wa miloko sootheene sa elapo ya vathi weera mukhale mulokwaawe woosiveleyaxa.

Deuteronomiyo 31:17

Nihuku nenenenno sinimwaapattela isarasaka ni Miyo kinimwaattiwalasa kaareraka ettuli ni awosa anoophwatiwa. Onimwaarweela ohaawa ni mahooxo matokotoko ni nihuku nno eniyeere: “Mahooxo ala annikhumelelela onihingyaawe Mulukwaahu.”

Deuteronomiyo 31:6

Mukhaleke oolipa ni oominya murima. Muhoove hata muhitteenguwe seiyo, niwoko Yave Mulukwaanyu onookhala ni nyuwo. Khoohiyani meekhiinyu.”

Deuteronomiyo 31:8

Yave muneenaawe onimoohoolelani ni onookhala ni nyuwo. Khoohiyani meekhiinyu. Muhoove hata muhiporore.”

Deuteronomiyo 7:6

Nyuwosa ti muloko wootteeliheriwa Yave Mulukwaanyu. Owo ohoothanlani nyuwosa variyari wa miloko sootheene sa elapo ya vathi weera mukhale mulokwaawe wootthuneyaxa.

Deuteronomiyo 9:5

Khoohiyono niwoko na waakhuleliwawanyu ni Muluku naari oreerawanyu murima muneeraanyu mwakuxe elapwaaya, mene niwoko na otakhala wa miloko iyo. Yave Mulukwaanyu onimoomola ohoolowanyu weera akwanihere yeeyo aaroromelinghaawe ni nlipelo makholowaanyu Abrahaamu, Isaki ni Yakobe.

aFilipi 1:6

Kooviriyeliwa weera Owo aapacenre muteko wooreera mwa nyuwo, anaakwanihere yoowo mpaka nihuku na Kristu Yeesu.

aHeberi 13:5

Muhilamuliweke ni osivela wa musurukhu, ni muhakalaleleke yeeyo murinaanyu, niwoko Muluku mwaneenaawe eenre:“Nkirwa koohiya, naari koothaama.”

Yoxuwa 7:9

aKanaani ni miloko sikina sa elapo ela sinoosuwela yeela ni sinoonirica, siniphwataka mweelaponimu. Vano mmwipake eheeni weera mwaakihe Nsinananyu ntokweene?”

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.