1 Samuweli 12:19 - Emakhuwa Bible

¹⁹ Muloko wootheene waamweerela Samuweli: “Mumvekele Yave Mulukwaanyu mwaha wa arumeiyaanyu weera nihikhwe niwoko, ohiya soottheka sootheene sikina, noomvekela weera nikhaleno mwene.”

1 Samuweli 12:19 Iomraidhean Croise

Epacerero 20:7

Vano, omuhokoloxere mwaneene a muthiyana owo. Owo mprofeeti, onimoovekelela weera weyo ohikhwe. Mene waahimuhokoloxera, osuwele nnenesene weera weyo vamoha ni amusaawo onimookhwa.”

Yobi 37:13

Muluku onruuha mahutte – vakina waattaruxa atthu – vakinatho ohelela etthayaawe ni owoonihera osivelawawe.

Yobi 42:8

Vano murowase mpaka wa murumeiyaaka Yobi, mwaakuxe aximombe athanneeli, ni anapunci a ikhondoolo athanneeli, ni mwaapakele sooveleela soohisa mwiixeerelaka asineenaanyu. Murumeiyaaka Yobi onimoovekelelasani ni Miyo kinimwaakhulela nivekelonawe ni nkinoopakelasani yeeyo mumphwanelaanyu moololoni mpankaanyu. Nyuwosa khamuulumme yeeyo eri ya ekhaikhai mwaha wa Miyo, ntoko opankaawe murumeiyaaka Yobi.”

Okhuma 10:17

Vano, mukileveleletho yootthekaaka ni mumvekele Yave Mulukwaanyu weera aronghe ottaiwaka nihooxo nna noowiiva.”

Okhuma 32:30

Oxaawaya Moisesi aaheerela muloko: “Nyuwosa mootthekaxa, mene kinoowela wa Yave. Apaale kinoowera wiiraanyiha wa yootthekaanyu.”

Okhuma 9:28

Mumvekele Yave, niwoko itari ni maralala a Muluku aatepa. Kinimoohiyani murowaka – khoontthuneyatho okhala mu.”

Yesaya 26:16

Yave awosa yaawaattamelani moovalavelanimwaya; Nyuwo mwaattaruxaanyu, awosa yaaxuuvekela.

Yeremiya 15:1

Vano Yave aakeerela: “Naari Moisesi ni Samuweli yaakhanle ohoolowaka evekelelaka muloko ola, hata hiiho nkaamorela ikharari muloko. Moomole ohoolowaka. Muloko owo opwaheke!

Yeremiya 27:18

Awosa yaareene maprofeeti ookhalano masu a Yave, emudyoonttelele Yave a ikuru sootheene, evekelaka weera ikaruma sihanle Mpaani mwa Yave, vaate wa emwene ya oYuda ni oYerusaleemu sihironghiwe oBabiloniya.

Yeremiya 37:3

Wa soothesene, mwene Zedekiya, aamuruma Yehukali, mwaana mulopwana a Xelemeya, ni musaserdoti* Zefaniya, mwaana mulopwana a Maaseya, wa mprofeeti Yeremiya ni mutthenga ola: “Mwanivekelele wa Yave Mulukwaahu.”

Yeremiya 42:2

mprofeeti Yeremiya, enamweerela: “Dyoontte, mwiiwe yoovekaahu ni mumvekele Yave, Mulukwaanyu, mwa hiyo ni wa ahalahanle ootheene ala. Ntoko munoonaanyu, naarookhalaru ancipale, vano nihanle vakhaani.

Malekiya 1:9

“Vano asaserdoti*, mweerere omukurunuxa Muluku weera animorele ikharari! Weeraka ni moota wa yoovaheene yeela mwa matataanyu Owo onoowaakhulani?” onkoha Yave a ikuru sootheene.

Nuumeru 21:7

Muloko waarowa wa Moisesi oneera: “Noottheka woomukhupanya Yave ni nyuwo. Mumvekele Yave weera avenxe inowa eriyaraahu.” Moisesi aavekelela muloko.

Miteko 8:24

Vano Simeyoni aamwaakhula: “Mukivekelele miyo wa Apwiya weera ehikikhumelele naari etthu emoha ya seiyo munuulumaanyu.”

Yakobe 5:15

Vano, nivekelo nipakiwe munroromeloni nnimulamihe muretta owo. Apwiya eniimvenxe, ni aatthenke, anaaleveleliwe.

1 Yohaane 5:16

Mukina amoona munneiye apakaka yoottheka ehimphiyera mookhwaani, mumvekelele, ni Muluku anaamvahe okumi. Kinaahima yaale yootthekaaya ehimphiyera mookhwaani. Yookhala yoottheka emphiyera mookhwaani. Nkinghima weera evekeleliweke wa yeeyo.

1 Samuweli 12:13

Vanonto, mwene munthanlalaanyu ti ola; mulopwana yoola nyuwosa mwaamvekenlaanyu. Yave ohoovahasani mwene.

1 Samuweli 12:17

Ela ti ehuhu enghephiwa ya etrigu. Kinoomvekela Yave weera oorumiheleni etari ni epula. Ni nyuwosa munoosuwela yeeyo mpankaanyu yoomunanara Yave woomvekela mwene.”

1 Samuweli 12:20

Samuweli aahaakhula: “Muhoove. Moopaka itthu soonanara sootheene iye. Hata hiiho, muhihiye omutthara Yave, mene munrumeele ni murimaanyu wootheene.

1 Samuweli 12:23

Wa miyo, nkiweherenre omutthekela Yave kihiyaka woovekelelasani! Kinimooxuttihasanitho ephiro yooreera ni ya ekhaikhai.

1 Samuweli 7:5

Vano Samuweli aaweerela: “Mwaathukumanyihe aYixrayeli ootheene oMizepa ni miyo kinimoovekelelani wa Yave.”

1 Samuweli 7:8

Yaamweerela Samuweli: “Muhihiyerere onivekelela wa Yave Mulukwaahu weera anoopole mmatatani mwa aFilisti.”

1 Samuweli 8:6

Vanonto, awosa yeerakaru: “Munivarele mwene weera anihoolele,” Samuweli khaahakalanle ni owo aamvekela Yave.