1 Pedru 4:9 - Emakhuwa Bible

⁹ Mwaakhelelaneke nnenesene mukina ni mukhwaawe mmavaate, muhittaandawulanaka.

1 Pedru 4:9 Iomraidhean Croise

Epacerero 24:19

Vano amvahakaru owura maahi, aamweerela: “Nkaavahetho maahi akamelowaanyu weera ewureke mpaka waakwana.”

aRooma 12:13

Mwaakawele ootteela seiyo awo anghaawelaaya, ni ngwaakheleke nnene yaawo anoophiyerelani.

aRooma 16:23

Gaiyu, yoowo aanaakhelenle nnenesene miyo ni ekerexa yootheene, onoovahani isalaama. Erasto, namawehaweha milattu sa esidade, ni munnihu Kwarto, anoovahani isalaama.

2 aKorinto 9:7

Khula mutthu avahe ntoko olakenlaawe mmurimanimwawe, ahivahe ni ohovela, naari onyesereriwa, niwoko Muluku onimusivela yoowo omvaha ni ohakalala.

aFilipi 2:14

Mupake sootheene muhittaandawulaka ni muhaakhulanaka,

1 Timootheyo 3:2

Ontthuneyatho weera mutokweene onkosoopa* akhale oohikhalano nthowa, mulopwana a mwaara mmoha, oowehaweha, oowiisumaaliha, oottittimiheya, oowaakhela aletto, ni oowera oxuttiha;

Titu 1:8

Akhale oowaakhela aletto, ootthuna yooreera, a miruku, a ekhaihai, ootteelihiwa, oowiisuumaaliha,

Filemone 1:14

Nkitthunnetho opaka etthu, ohikhanle ni otthuniheriwawanyu, weera yakhalaru etthu muneeraanyu mupake, ehikhale yoonyesereriwa, mene etthu yootthunaanyu.

aHeberi 13:16

Muhittiwale opaka yooreera, naari okawana, niwoko Muluku onghakalalela sooveleela ntoko iyo.

aHeberi 13:2

Muhittiwale oletto, niwoko epakaka yeeyo, akina yaawaakhela andyelo ehisuwelaka.

Yakobe 5:9

Axunna, muhaapaneke mukina ni mukhwaawe weera muhithorihiwe. Mphuki ori vamulako!