1 Pedru 4:7 - Emakhuwa Bible

⁷ Emalihero ya itthu sootheene yookhuveela. Tivawo, mukhale oowehaweha ni oowiisuumaaliha, weera muvekele.

1 Pedru 4:7 Iomraidhean Croise

Epacerero 19:35

Vano emaara ekinatho yaahaavaha eviinyu atithaya ohiyuweene yoole, ni mwaana muthiyana mukhaani aakonano, owo ahisuwelaka weera ookonano naari aavenyaawe.

Epacerero 6:13

Tivawo Muluku aamweerenlaawe Nowe: “Koolakela waaphwata atthu ootheene, niwoko elapo ya vathi yootheene yoosareya nipuheronaya. Vekhaikhai, kinimwaaphwata vamoha ni elapo yootheene.

Namalaleiya 7:2

Fataari orowa omarironi ohikhanle ofestani, niwoko okhwa ti ommaleloni wa ootheene; akumi ehikuxereke matheela yeeyo!

Yeremiya 5:31

Maprofeeti anuuluma soowootha, asaserdoti* anlamula sa mmurumwaya ni mulokwaaka onsiveliwa ni seiyo. Mene mmwipakeni ommaleloni?

Ezekiyeli 7:6

Woophiya ommaleloni! Woophiya ommaleloni! Owo onimoorukunuwelani. Woophiya!

Matheyo 24:42

Tivawo, mukhale oowehaweha, niwoko khamusuwenle nihuku angwaaya Apwiyaanyu.

Matheyo 25:13

Tivawo, mwiipasoope, niwoko khamusuwenle nihuku, hata ewoora.

Luuka 21:34

Mwiipasoope weera mirimasanyu sihilemeliwe ni wiipeliwa, ohapaliwa, naari ni sooweeteteela sa okumi, weeratho nihuku nno nihoophiyereni wootutuxereya,

Luuka 21:36

Mukhale oowehaweha mahuku ootheene, ni mvekele weera moopowe sootheene sineera sikhumelele, ni weera mweemele vamaithoni wa Mwaana a mutthu.”

Luuka 22:46

Owo aahaakoha: “Heeni munkonaanyu? Mvenye ni muvekele weera muheereriwe.”

aRooma 12:12

Muhakalaleke munroromeloni, mukhale ni ovilela moothananani, mpwaherereke mmavekeloni.

1 aKorinto 15:24

Vano onuuphiye ommaleloni, Owo aavahereraka omwene wa Muluku Atiithi vahoolo wa ophwata elamulelo yootheene, otokweene wootheene, ni ikuru sootheene.

1 aKorinto 7:29

Mwaakiiwaka hiiho, kinghima weera ehuhu eri vakhaani. Okhuma vaanaano vaava, yaale ari ni axaaraya, ekhaleke ntoko khaanono;

awEfeso 6:18

Ehuhu yootheene muvekeleke mwa Munepa ni mavekelo ni midyoonttelelo sootheene. Muupuwelaka yeeyo, mwiiwehawehe ni muvekeleke ni ovilela wa ootteela ootheene.

aFilipi 4:5

Wiiyevihawanyu okhale woosuwanyeya ni ootheene. Apwiya aakhuveela.

aKolosi 4:2

Muvekele ni nthiti, muwehaweheke ni mutthapeliwe.

2 Timootheyo 4:5

Wa soothesene, weyo wiipasoope mwa soothesene, ovilele soohaawa, ovare muteko wa namalaleiya a masu ooreeraxa, ni okwaniheraxe mutekwaawo.

Titu 2:12

Awo annihusiha okhootta sootakhala ni soohaawela sa erutthu, ni weetta ni miruku, ekhaikhai ni murima wa omuluku ehuhuweene yeela,

aHeberi 10:25

Nihihiye othukumana mukerexani, ntoko akina ankhovelelaaya, mene nilipihanaxeke mukina ni mukhwaawe, woonaka weera nihuku eneeraaya erwe Apwiya ninnaattamela.

aHeberi 9:26

Waari hiiho, waatthuneya weera Kristu ahaawe imaara sincipale, okhuma ompacereroni wa elapo ya vathi. Vanonto, ephiyaka emalihero ya ehuhu, Owo orwiiye emaara emoharu paahi weera avenxe yoottheka niwoko na wiiveleelawawe muneenaawe.

1 Pedru 1:13

Tivawo, mukhale oolikana mwa soowuupuwelasanyu. Muwehaweheke ni muweherere mahala muneeraanyu mvahiwe Yeesu Kristu ooniheriwaka.

1 Pedru 3:7

Mooteene yoowo nyuwo, axiiya, musuweleke nnene okhala ni axaarinyu, mwaattittimihaka ntoko mpatta woohilipa, ni ntoko anamwaakhela vamoha ni nyuwo a mahala a okumi, weera mavekelowaanyu ehooceeleye.

1 Pedru 5:8

Muhule maithwaanyu a mmunepani ni muwehawehe, niwoko mwiittanaanyu, Diyabu*, oneetta oorukureerakani, ntoko mwatto oniipa, amwaasaka taani aneeraawe angwere omukhuura.

Ethupululo 16:15

“Moone, kingwa ntoko namwiiya! Ooreelihiwa ti yoole ongwehaweha mmunepani, ni onthokorora ikuwosawe, weera aheette woohiwara, ni weera sihooniwe soowuulihasawe muru.”