1 Pedru 4:19 - Emakhuwa Bible

¹⁹ Tivawo, yaawo anghaawa niwoko na otthunawawe Muluku, ontthuneya weera evaherereke okumaaya wa Mpattuxa oororomeleya ni epake yooreera.

1 Pedru 4:19 Iomraidhean Croise

Exteri 4:16

“Murowe mwaathukumanyihe aYuda ootheene ari oSusa ni mwatthuke mukeerelaka miyo. Muhice naari muhiwure othana ni ohiyu miraru. Miyo vamoha ni arumeiyaaka asithiyana ninootthuka ntoko nyuwosa. Vahoolowaya kinoowaattamela amwene onoohitthunihereyaru munlamuloni. Wakhala okhwa, nkikhweeke!”

Icipo 138:8

Yave onookwanihera yootthunaawe wa miyo; Ii! Yave, osivelawanyu ompwaherera wa mahuku ootheene – muhihiye miteko sa matataanyu.

Icipo 31:5

Kininnyerera okumaaka mmatatanimwanyu; mukoopole, Yave, Muluku a ekhaikhai.

Icipo 37:5

Mwinnyerere ephirowaanyu mmatatani mwa Yave; munroromele Yoowo ni Owo onoopaka ha:

Yesaya 43:21

muloko kiipakenlaaka weera owo olaleiye ottottopeleyawaka.

Yesaya 43:7

ootheene aniitthaneliwa Nsinanaka, mwa yaawo kaapattuxenraaka ovuwawaka, yaawo kiwoopalaaka, kinaapaka.”

Daniyeli 6:22

Mulukwaaka aamurumiha ndyelowaawe ni owo oowala iyano sa amwatto. Awosa khaakivulalinghe niwoko koophwanyiwa woohinthowa vamaithoniwawe. Hata nkipankeru etthu yoonanara ohoolowanyu, amwene.”

Luuka 23:46

Yeesu aakhuwelaxa: “Tiithi, kinoovahererani munepaaka mmatatanimwanyu.” Eerakaru hiiho, aahookhwa.

Miteko 7:59

Emvonyaka maluku Stefano, owo aavekela eeraka: “Apwiya Yeesu, mwaakhele munepaaka.”

aRooma 2:7

Owo anaavahe okumi woohimala wa yaawo ampwaherera opaka nnene ni anaasaasa ovuwa, nttittimiho, ni okumi woohimala.

2 Timootheyo 1:12

Niwoko na yaawo, miyo kinoohaawatho, mene nkinuuliwa muru, niwoko koomusuwela Yoowo kinimuroromelaaka, ni koosuwela nnenesene weera Owo ti a ikuru weera athokorore yeeyo mpaka nihuku nno kaamvaherenraaka.

1 Pedru 2:15

Vano, Muluku ontthuna weera nyuwo mpake yooreera, weera hiiho mmalihe ohisuwela wa atthu oohikhalano miruku.

1 Pedru 3:17

Fataari ohaawa opakaka yooreera, wakhala otthuna wa Muluku, ohikhanle ohaawa opakaka yoonanara.

1 Pedru 3:20

Ti minepa sa yaawo khalayi yahiiwelenle, ehuhuweene yeele Muluku aawehereraawe ni ovilela mmahukuni a Nowe nikula neera nipakiwaka. Mwa nenno, atthu vakhaani paahi, vekhaikhai athannaararu, yaavuluxiwa ni maahi,