1 Pedru 3:14 - Emakhuwa Bible

¹⁴ Wa soothesene, hata mwahaawa niwoko na oreera, nyuwo muri ooreelihiwa. Muhoove yeeyo awo anoovaaya, ni muhituthuwe.

1 Pedru 3:14 Iomraidhean Croise

Masu a Miruku 3:25

Khoontthuneya woova ehasara yootutuxereya hata ophwata onaaphwanya atakhali.

Yesaya 51:12

“Miyo, aani ti Yoomi kinoopepesani. Heeni mungwoovaanyu atthu ankhwa, anamwane a atthu ari malaxi paahi?

Yeremiya 1:8

Muhiwoove yaawo, niwoko Miyo kiri ni nyuwo ni kinimookosoopani,” onghima Yave.

Yeremiya 15:15

Nyuwo Yave mookisuwela; mukuupuwelele ni mukikosoope. Mukiinlelele ikukuttula anamattharattharaaka. Nyuwo muri a murima woopixa – muhikivenxe. Muhittiwale weera kinghaawa oramusiwa niwoko na Nsinananyu.

Ezekiyeli 3:9

Eyuucaanyu kinootatuxa yoolipaxa opwaha maluku, aani opwaha mwala woolipaxa. Muhiwoove, hata muhitteenguwe mwaawoonaka, arookhalaru muloko woovaanya.”

Matheyo 10:28

Muhiwoove yaawo aniiva erutthu, mene ehiweraka wiiva munepa. Mmoove toko Yoowo ongwera ophwata erutthu ni munepa mmooroni.

Matheyo 10:31

Vano, muhiwoove; nyuwo muri ootthuneyaxa opwaha masiri mancipale!

Matheyo 10:39

Yoowo onthokorora okumaawe, anaarihe yoowo, mene yoowo onriha okumaawe niwoko na Miyo, anaaphwanye yoowo.

Matheyo 16:25

Yoowo ontthuna ovuluxa okumaawe, anaayeleele, mene yoowo ongyeleela okumaawe niwoko na Miyo, anaaphwanye.

Matheyo 19:29

Ni ootheene ahiyale impasaya, axunnaya, axirokoraya, asitithaya, asimayaya, anamwanaaya, hoye hoye imattasaya niwoko na Nsinanaka, eniyaakhele seiyo imaara ncira, ni eniiphwanyetho okumi woohimala.

Marku 10:29

Yeesu aamwaakhula: “Miyo kinooleelani ekhaikhai: ootheene ahiyale empaaya, axunnaya, axirokoraya, amayaya, atithaya, anamwanaaya ni imattasaya mwaha wa Miyo ni wa masu ooreeraxa,

Marku 8:35

Vanonto, yoowo ontthuna ovuluxa okumaawe, anaayeleele, mene yoowo ongyeleela okumi niwoko na Miyo ni na masu ooreeraxa, anaavuluxe yoowo.

Yohaane 14:1

Mirimasanyu sihikacamiheye. Munroromele Muluku, mukiroromeletho Miyo.

Yohaane 14:27

Kinoohiyerani murettele; murettelaaka kinimoovahani. Miyo nkinoovahani ntoko elapo ya vathi emvahaaya. Sihituthuwe mirimasanyu, hata muhoove.

Miteko 9:16

Miyo nkimoonihere sootheene owo aneeraawe ahaawe niwoko na Nsinanaka.”

2 aKorinto 12:10

Tivawo, niwoko na osivela wa Kristu, kinghakalalela moohilipanimwaka, mooruwaniwani, moohaawani, moottharatthariwani, ngweeteteyani, niwoko kaahilipaka, miyo koolipa.

aFilipi 1:29

Vano, wa nyuwo moovahiwa weera muhimuroromele paahi Kristu, menetho ohaawa niwoko na Yoowo,

Yakobe 1:12

Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

Yakobe 5:11

Ntoko nyuwo musuwenlaanyu, hiyo ningwiitthana ooreelihiwa yaale yaavilenle. Nyuwo mohiiwa sa opixa murima wa Yobe, ni mohoona ommaleloni Apwiya yaamurehererenlaaya. Apwiya oosareya murima wooreera ni omorela ikharari.

1 Pedru 3:6

ntoko Sara, aamwiiwelelaawe Abrahaamu ni aamwiitthana apwiya. Nyuwo muri anamwanaawe Sara mwapaka yooreera ni mwaahoova.