1 Pedru 3:12 - Emakhuwa Bible

¹² Niwoko maitho a Apwiya anaaweha atthu oororomeleya, ni maaruwaaya aniiwa mavekelo a yaawo, mene Apwiya ti mwiittana a yaawo ampaka yoonanara.”

1 Pedru 3:12 Iomraidhean Croise

2 Nyaha 16:9

Vano, maitho a Yave angweha elapo yootheene weera aalipihere ootheene yaawo animukhalela nthiti ni murima wootheene. Wa yeeyo, nyuwo moopaka ya ololo. Okhuma vaanaano va woorowa ohoolo, mmweereke owana ikhotto.”

2 Nyaha 7:15

Okhuma olelo woorowa muhoolo, maithwaaka animoona ni maaruwaaka animwiiwa mavekelo ampakiwa nipuro nna.

Icipo 11:4

Yave ori Mpaanimwawe Yootteela; Owo onkilaathi vahiceniwawe ya wiirimu. Onnaawehaweha atthu a elapo ya vathi; maithwaawe annoona.

Icipo 33:18

Vaheera maitho a Yave angwoona yaale ammoova; yaale anroromela mwa osivelawawe woohimala.

Icipo 65:2

Ii! Nyuwo muniiwa mavekelo, atthu ootheene anoowaattamelani.

Icipo 80:16

Mwiraanyu wa iwuuva* wohuuhiwa; woohisiwa ni mooro; mulokwaanyu wooriheya niwoko na ohiihawanyu.

Masu a Miruku 15:29

Yave ori ottai wa atakhali, vaheera oniiwa nivekelo na oororomeleya.

Masu a Miruku 15:3

Maitho a Yave ari mipatta sootheene, yaawehaka ooreera ni oonanara murima.

Masu a Miruku 15:8

Yave onthanya sooveleela sa atakhali, vaheera nivekelo na oororomeleya ninnamusiveliha.

Yeremiya 21:10

Koolakela opakela yoonanara esidade ela, ehikhanle yooreera, onghima Yave. Eyo enimwinnyereriwa mmatatani mwa mwene a oBabiloniya ni owo onoohisa.

Yeremiya 39:12

“Munrowele ni mwamukosoope; muhimuhasule, mene mpake yeeyo aneeraawe avekele.”

Ezekiyeli 15:7

Kinoothatuwa Mwiittanaaya. Arookhumaru mmooroni, animooza. Kitathungweene Mwiittanaaya, nyuwosa munoosuwela weera Miyo ti Yave.

Levitiku 17:10

Akhalaru muYixrayeli hoye hoye namarwa onkhala variyariwaya aneera ace yakhalaru ephome ya mwaamunama, vano Miyo kinoothatuwa Mwiittanaawe kimmalamaliheke mmulokonimwawe.

Levitiku 20:3

Miyo kinoothatuwa Mwiittana a mulopwana owo ni kinoommalamaliha mmulokonimwawe, niwoko oowinnyerera anamwanaawe Molekhi, avalihaka Nipuronaka Nootteela* ni aramusaka Nsinanaka Nootteela.

Levitiku 20:6

Miyo kinoothatuwa Mwiittana a mulopwana yoowo onaahera ihako hoye hoye onuuluma ni anamakhwa. Yoole ompaka hiiho onoothatuwa puuta ni Miyo kinoommalamaliha mmulokonimwawe.

Levitiku 26:17

Kinoothatuwa Mwiittanaanyu moota wooweera munoowiniwa ni amwiittanaanyu; yaawo anoothanyani animoolamulani ni munootthawa naari muhoomoliwaka.

Zakariya 4:10

Yaale yahoonenlemo itthu ikhaanene anoohakalalaxa, yoonaka efiiyu yooringelano mmatatani mwa Zerubabeli. Vano soomwaleela ithannapiili iya ti maitho a Yave angwehaweha elapo yootheene.”

Yohaane 9:31

Noosuwela weera Muluku khammwiiwelela namattheka, mene ommwiiwelela yoowo onimuttittimiha Muluku ni ompaka otthunawawe.

Deuteronomiyo 11:12

Ti elapo Yave Mulukwaanyu onkosoopaawe; maithwaawe annapwaherera owehawo okhuma ompacereroni mpaka ommaleloni wa eyaakha.

Yakobe 5:16

Tivawo mulapelane sootthekasanyu mukina ni mukhwaawe, ni muvekelelane mukina ni mukhwaawe weera mukhale oolamihiwa. Nivekelo na mutthu oororomeleya ti na ikuruxa ni noowereya.