1 Pedru 2:9 - Emakhuwa Bible

⁹ Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

1 Pedru 2:9 Iomraidhean Croise

Icipo 106:5

weera kikhale mpatta wa oweettelawaya nnene oothanliwaanyu. Hiiho kinoohakalala vamoha ni mulokwaanyu, kittottopelaka vamoha ni yoohiyeraanyu.

Icipo 118:27

Yave ti Muluku ni Owo oonimwaleela ni waarawawe; mukuxe mikhoyi sa efesta mutthukelele mmanyakani ari mmaloothoni mwa altaari*.

Icipo 135:4

Vano Yave oomuthanla Yakobe weera akhale awawe; Yixrayeli weera akhale muhakhwaawe.

Icipo 22:30

Anamwanaahu anoomurumeela Yave; ikhapira sa muhoolo nsileeliwe sa Yave.

Icipo 33:12

Wooreelihiwa ti muloko orino Yave ntoko Mulukwaaya; muloko Owo othanlalaawe weera okhale yoohiyeraawe.

Icipo 73:15

Miyo keenre: “Kuulumme ntoko awosa,” saano kaavarihaleene anamwaniinyu.

Yesaya 26:2

Muhule Milako weera muloko woororomeleya ovolowe, muloko ompwaherera moororomeleyani.

Yesaya 41:8

“Wa soothesene, nyuwo, Yixrayeli, murumeiyaaka, Yakobe kimuthanlalaaka, nyuwosa ekhapira ya Abrahaamu, nthamwenaaka,

Yesaya 42:16

Kinooweettiha oohoona mphironi ahisuwenlaaya; mphironi soohisuwanyeya kinooweettiha. Kinootatuxa epiphi waara ohoolowaya ni iphiro soothipeya kinoothatawaliha. Ti seiyo itthu kineeraaka kipake, ni Miyo nkaahiya.

Yesaya 44:1

“Vano Yakobe, murumeiyaaka, Yixrayeli kimuthanlalaaka, mwiiwe!

Yesaya 61:6

Nyuwosa munimwiitthaniwa asaserdoti* a Yave, munoottehiwa anamarumeela a Mulukwaahu. Munimooca sa mihakhu sa miloko, mwiivuwiheraka seiyo yiivuwiheraayano.

Yesaya 62:12

Awosa animwiitthaniwa muloko wootteela; oowoopoliwa ni Yave, ni nyuwo munimwiitthaniwa ootthuneya, Esidade Yoohithaamiwa.

Yesaya 66:21

Ni Miyo kinimwaathanla akina a yaawo weera ekhale asaserdoti* ni aLeevi,” onghima Yave.

Yesaya 9:2

Muloko weetta mpiphini waahoona waara otokotoko; waara waahaamwaleela yaale yaakhala mweelaponi ya munttuusi wa okhwa.

Malekiya 3:17

“Vanihukuni kineeraaka kireherere muhakhwaaka” oneera Yave a ikuru sootheene, “awosa anookhala yawaka xaxaxa. Miyo kinoowuurela ntoko tiithi onimuurelaawe mwaniye ommwiiwelela.

Matheyo 4:16

Muloko wa atthu waakhala mpiphini waahoona waara otokotoko. Waara waahaarweela atthu yaakilaathiye wa elapo ya munttuusi wa okhwa.”

Matheyo 5:16

Hiihotho mwaarihe waarawanyu ohoolo wa atthu, weera yooneke mitekosanyu sooreera ni yaavuwihe Atithinyu ari wiirimu.

Luuka 1:79

weera aamwaleele yaale ari mpiphini ni mmunttuusini wa okhwa, ni weera aneettihe mphironi ya murettele.”

Yohaane 17:19

Miyo kinimwiitteeliha niwoko na yaawo, weera awotho ekhale ootteelihiwa mwa ekhaikhai.

Miteko 20:28

Mwiipasoope nyuwo asineenaanyu ni muhuwo mwa yoowo Munepa Wootteela owiikaathenraayani ntoko asitokweene ankosoopa*, weera mukukhulele ekerexa ya Muluku Owo othumalaawe ni ephomaawe muneenaawe.

Miteko 26:18

weera mwahule maithwaaya ni mwaatatuxe wa epiphi, waara. Aani, kinimoorumihani wa yaawo weera mwaavuluxe wa ikuru sa Satana ni weera emutthare Muluku, ni hiiho yaakhele elevelelo ya sootthekasaya ni nipuro vamoha ni yaawo atteelihiwe niwoko na nroromelo mwa Miyo.’

Miteko 26:28

Vano Agripa aamweerela Pawulo:“Nyuwo munuupuwela weera mwa ehuhu ekhaani munoowera okiviriyela othatuwa muKristu?”

aRooma 9:24

Vano hiyo nri a nyaapu iya, hiyo Muluku oniitthannaawe, ohikhanle paahi wa aYuda, menetho wa amalapo.

1 aKorinto 3:17

Akhala mukina omphwata Empa ya Muluku, owo anaaphwatiwe ni Muluku, niwoko Empa ya Muluku ti yootteelihiwa, ni nyuwo muri Empeene yeeyo.

awEfeso 1:14

Owo ti ekhaikhai ya yeeyo nneeraahu naakhele mpaka ovuluxiwa wa yaale ari a Muluku, wa ovuwawawe ottottopeliwe.

awEfeso 1:6

Nnimuttottopele niwoko na ovuwa wa mahalaawe, mwa yaawo Owo onivanghaawe mwa Oosiveleya.

awEfeso 3:21

wa Yoowo okhale ovuwa woohimala wa ekhapira ti ekhapira mukerexani ni mwa Kristu Yeesu.

Deuteronomiyo 10:15

Yave aahaatthuna makholowaanyu, aasivelaka ni aahoothanlani nyuwo, muri ikhapirasaya, variyari wa miloko sootheene, ntoko onooneyaaya olelo.

Deuteronomiyo 14:2

Nyuwosa ti muloko wootteeliheriwa Yave Mulukwaanyu. Yave ohoothanlani nyuwosa variyari wa miloko sootheene sa elapo ya vathi weera mukhale mulokwaawe woosiveleyaxa.

Deuteronomiyo 18:2

Awosa kheekhalanoru yoohiyeriwa variyari wa axunnaya; Yave ti yoohiyeriwaaya, ntoko aaroromelinghaawe.

Deuteronomiyo 4:20

Wa nyuwo, Yave aahookuxani, ookhumihakani muttukutthani enghaniwa eyuuma, eyo tiiyo wExipitu, weera mukhalase muloko wa yoohiyeraawe, ntoko onooneyaaya olelo.

Deuteronomiyo 7:6

Nyuwosa ti muloko wootteeliheriwa Yave Mulukwaanyu. Owo ohoothanlani nyuwosa variyari wa miloko sootheene sa elapo ya vathi weera mukhale mulokwaawe wootthuneyaxa.

aFilipi 3:14

yoomeene kiniilipiherano yeeyo kaahaawelaaka nri ntthuvelo na wiirimu Muluku oniitthanenlaawe mwa Kristu Yeesu.

aKolosi 1:13

Vano Awo aanoopola moolamuliwani wa epiphi ni aanithaamihera moomweneni wa Mwanaya Oosiveleya,

2 Timootheyo 1:9

Muluku Owo oonivuluxa ni ooniitthana ni wiitthana wootteela, khoohiyono niwoko na itthu hiyo naapankaahu, mene niwoko na olakelawawe ni mahalaawe mwaneenaawe. Mahala awo nivahiwe mwa Kristu Yeesu ehinaaye opacera ehuhu,

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

1 Pedru 1:2

mwa yaawo Muluku Atiithi aathanlale mootthunanimwawe woohimala, avarelaka muteko Munepa Wootteela ontteeliha, weera emwiiwelele Yeesu Kristu ni emisiwe ni ephomaawe. Mahala ni murettele muvahiwe woowaatta.

1 Pedru 2:5

Nyuwotho, ntoko maluku makumi, mutekiwe mpaani mwa mmunepani weera mukhale osaserdoti* wootteela, muvahaka sooveleela sa mmunepani sowaakhuleliwa ni Muluku niwoko na Yeesu Kristu.

1 Pedru 4:11

Akhala mukina onuuluma, uulume ntoko mutthu onuuluma masu a Muluku. Akhala mukina onrumeela, arumeele ni ikuru Muluku omvahaawe, moota wooweera mwa itthu sootheene Muluku avuwihiwe mwaha wa Yeesu Kristu. Wa Yoowo okhale ovuwa ni ikuru mahuku ootheene. Ame*.

Ethupululo 1:6

onikhalinghe omwene ni asaserdoti* weera nimurumeele Mulukwaawe ni Atithawe, wa Yoowo okhale ovuwa ni ikuru soohimala. Ame*.

Ethupululo 20:6

Ooreelihiwa ni ootteela yaawo eniikhale a ovenyerera woopacera. Okhwa wanaaveeli khoonaawera yaawo; awo eniikhale asaserdoti* a Muluku ni a Kristu, ni eniilamule vamoha ni Yoowo wa iyaakha macira muloko.

Ethupululo 5:10

Nyuwo mohaakhaliha yaawo omwene ni asaserdoti* wa Mulukwaahu ni awo eniilamule vathi vaava.”

1 Samuweli 12:22

Niwoko na Nsinanawe ntokotoko, Yave kharwa oohiyaani. Owo ohoona oreera wookhalihani mulokwaawexa.