1 Pedru 2:23 - Emakhuwa Bible

²³ Aaruwaniwaawe, khaahokoloxera; ahaawaawe, khoopopiha, mene iileva wa Yoole onthoriha ni ekhaikhai.

1 Pedru 2:23 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

Icipo 10:14

Wa soothesene, Nyuwo, Muluku, munnoona sookacamiha ni soohooxa. Munnoona seiyo, munakosoopa. Yoovaraawe mutakhali eniixinnyerera wa Nyuwo; Nyuwo ti Namwaakiha a akwaasuni.

Icipo 31:5

Kininnyerera okumaaka mmatatanimwanyu; mukoopole, Yave, Muluku a ekhaikhai.

Icipo 37:5

Mwinnyerere ephirowaanyu mmatatani mwa Yave; munroromele Yoowo ni Owo onoopaka ha:

Icipo 7:11

Muluku ti Mphuki a ekhaikhai; Owo onnoonihera isarasawe khula nihuku.

Icipo 96:13

Seiyo siniipa vamaithoni wa Yave, niwoko Owo ongwa, aani onrweela weera athorihe elapo ya vathi. Owo onoothoriha elapo mweekhaikhaiyini ni miloko sootheene moota woororomeleya.

Yesaya 53:7

Owo oohasuliwa ni oohooxiwa, mene khaahunle eyanowaawe; ntoko eputtiputthi eronghiwaka owiiviwani ni ntoko ekhondoolo emmaalaaya ohoolo wa anamametthaaya, hiihotho Owo khaahunle eyanowaawe.

Luuka 23:41

Hiyo ninttaruxiwa ni ekhaikhai, niwoko nnaakhela yeeyo mitekosahu simphwanelaaya. Mene Mulopwana Ola, kheewo opankaawe yoonanara.”

Luuka 23:46

Yeesu aakhuwelaxa: “Tiithi, kinoovahererani munepaaka mmatatanimwanyu.” Eerakaru hiiho, aahookhwa.

Luuka 23:9

Aamukohakoha ni sookoha sincipale, mene Yeesu khamwaakhunle.

Miteko 17:31

Aakhaliha nihuku nimoha Owo aneeraawe athorihe elapo ni ekhaikhai mwa Mulopwana omuthanlalaawe. Ni ohoonihera yeeyo wa omutthu wootheene, woomuvenyereriha Mulopwana Owo.”

Miteko 4:29

Vano, Apwiya, muupuwele soowoopopihasaya, ni mwaawerihe arumeiyaanyu weera elaleiye maswaanyu ni murima woolipa.

Miteko 7:59

Emvonyaka maluku Stefano, owo aavekela eeraka: “Apwiya Yeesu, mwaakhele munepaaka.”

Miteko 9:1

Yeereiyaka yeeyo, Sawuli aatepaxa owoopopihera okhwa oohuseraaya Apwiya. Aarowa wa mutokweenexa a asaserdoti*

aRooma 2:5

Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.

awEfeso 6:9

Nyuwo asineene, mweetteleke mooteene yoowo ni ipotthasanyu. Musuwelaka weera Apwiyaaya ni Apwiyaanyu ari wiirimu, ni awo khaanono nthalu ni atthu, muhoopopihe ipotthasanyu.

2 aTesalonika 1:5

Sootheene iyo sinoonihera weera nthorihelo na Muluku nri na ekhaikhai, eyo tiiyo weera Muluku anaawiitthaneni oophwanelela omwene wa Muluku, mwa yoowo nyuwo onoohaawihani.

2 Timootheyo 1:12

Niwoko na yaawo, miyo kinoohaawatho, mene nkinuuliwa muru, niwoko koomusuwela Yoowo kinimuroromelaaka, ni koosuwela nnenesene weera Owo ti a ikuru weera athokorore yeeyo mpaka nihuku nno kaamvaherenraaka.

2 Timootheyo 4:8

Vano enookiweherera ecireemba ya ekhaikhai Apwiya, Mphuki oororomeleya, eneeraaya ekivahe nihuku nno, ni khoohiyono wa miyo paahi, menetho wa ootheene ansivela orwawaya.

aHeberi 12:3

Mmuupuwele Yoole ovilenle mweerutthunimwawe wiittana otokotoko wa anamattheka, weera nyuwo muhikhulumuwe, naari muhikhale oohilipa murima.

1 Pedru 3:9

Muhilive yoonanara ni yoonanara, naari oruwaniwa ni oruwana. Ohiyanawaya, mureelihe, niwoko wa yeeyo nyuwo moothanliwa weera mwaakhele nreeliho.

1 Pedru 4:19

Tivawo, yaawo anghaawa niwoko na otthunawawe Muluku, ontthuneya weera evaherereke okumaaya wa Mpattuxa oororomeleya ni epake yooreera.

Ethupululo 19:11

Kaahoona wiirimu ohuleiyeene ohoolowaka ni ekavalu* yootteela mwa yeeyo Namweettihaaya oniitthaniwa Oororomeleya ni Ekhaikhai. Owo onthoriha ni ongwana ni ekhaikhai.