1 Pedru 2:21 - Emakhuwa Bible

²¹ Mwa yeeyo nyuwo mohiitthaniwa, niwoko Kristutho ohaawenle nipuronanyu, oohiyerakani ethoonyero weera muntthareke Yoowo.

1 Pedru 2:21 Iomraidhean Croise

Icipo 85:13

Ekhaikhai enrowa ohoolowawe, enareherera ephiro ya malipaawe.

Matheyo 10:38

Yoowo ohinkuxa muttandaawe ni ohinkitthara Miyo, khakiphwanenle Miyo.

Matheyo 11:29

Mwiikumanyihe ni Miyo ni muxuttere wa Miyo, niwoko kiri Oomaala murima ni Oowiiyeviha, ni nyuwo mmwiphwanye wiitthuuwa wa okumaanyu.

Matheyo 16:24

Vano Yeesu aaweerela oohuseraawe: “Akhala mukina ontthuna okitthara Miyo, iikhootte muneenaawe, akuxe muttandaawe ni akitthare.

Luuka 24:26

Khawaatthuneya weera Kristu ahaawe itthusene seiyo ni avolowe moovuwanimwawe?”

Yohaane 13:15

Miyo koowooniheraani ethoonyero weera mupake ntoko Miyo koopakenlaakani.

Yohaane 16:33

Miyo kooleenleni itthu iya weera mukhalane murettele mwa Miyo. Mweelaponimu mmwikhaleno soohooxa, wa soothesene, mulipihere murima. Miyo koowina elapo ya vathi.”

Miteko 14:22

elipiheraka mirima sa oohusera ni ewoopereraka weera epwaherere munroromeloni, yeeraka: “Ontthuneya weera nivire mmahooxoni mancipale weera nivolowe moomweneni wa Muluku.”

Miteko 17:3

aathaliheraka ni awooniheraka weera waatthuneya Kristu ohaawa ni ovenyerera mookhwaani, eeraka: “Yeesweene Yoowo kinoolaleeraakani, ti Kristu.”

Miteko 9:16

Miyo nkimoonihere sootheene owo aneeraawe ahaawe niwoko na Nsinanaka.”

aRooma 8:29

Vano, yaawo Muluku aasuwenlaawe okhuma khalayi, aahaathanlatho weera ekhale oolikana ni Mwanawe, weera Owo akhale Ntthaara variyari wa axunneiye ancipale.

1 aKorinto 11:1

Muthatuwe anamatakihaaka ntoko miyo kinimutakihaaka Kristu.

awEfeso 5:2

ni mukhale moosivelani, ntoko Kristu onisivenlaawetho ni iivaherenre wa hiyo ntoko yoovaha ni yoowiiveleela yoomusiveliha Muluku.

aFilipi 2:5

Mweette ni mweetteloweene yoowo aarinaawe Yeesu Kristu:

1 aTesalonika 3:3

weera ahikhale mukina aneera attikinyiwe wootepaxa mwa soohooxa iya. Moosuwela nnenesene weera niitthaneliwe wa seiyo.

1 aTesalonika 4:2

Nyuwo moosuwela malamulo noovanghaahuni mwa Apwiya Yeesu.

2 Timootheyo 3:12

Vekhaikhai, ootheene anghaawela okhala mwa Kristu ni murima wa omuluku, eniisoondiwe.

aHeberi 2:10

Aweettihaka ancipale a anamwanaawe wa ovuwa, waatthuneya wa Muluku, Apwiya ni Mpattuxa a itthu sootheene, oomutatuxa Namapacera a ovuluwawaya ookwanela, aviraka moohaawani.

1 Pedru 1:20

Owo aathanliwe ehinaaye opattuxiwa elapo ya vathi, ni ohooniheriwa ehuhuweene yeela yoomalihera wa mpuhaanyu.

1 Pedru 2:24

Owo mwaneenaawe aavilela mweerutthuni sootthekasahu vamuttandani weera hiyo nikhwe wa soottheka, mene nikhale ni okumi wa ekhaikhai ya Muluku. Niwoko na makhwattaawe nyuwo moolamihiwa.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

1 Pedru 3:9

Muhilive yoonanara ni yoonanara, naari oruwaniwa ni oruwana. Ohiyanawaya, mureelihe, niwoko wa yeeyo nyuwo moothanliwa weera mwaakhele nreeliho.

1 Pedru 4:1

Moone, woonaka weera Kristu aahaawa mweerutthuni, ontthuneya weera nyuwotho mwiilipihe ni muupuwelo mmoharu owo: Yoowo ohaangwe mweerutthunimwawe, oomaliha soottheka.

1 Pedru 4:13

Ohiyanawaya, muhakalale moohaawani vamoha ni Kristu muneenaawe weera waathupululiwaka ovuwawawe, nyuwo muhakalalaxe.

1 Yohaane 2:6

Yoowo oneera weera ori mwa Yeesu, ontthuneya weera eetteke moota Owo eettaawe.

1 Yohaane 3:16

Mwa yeeyo noosuwela osivela ti heeni: Yeesu Kristu oovaherera okumaawe wa hiyo, ni hiyo ontthuneya ovaherera okumaahu wa axunnihu.

Ethupululo 12:11

Awo yaamuwina ni ephome ya Eputtiputthi, ni ni masu a onamoona akhalenlaaya. Awo khayaakhoontte oleva okumaaya asineenaaya.