1 Pedru 2:17 - Emakhuwa Bible

¹⁷ Mwaattittimihe atthu ootheene, mwaasivele axunna, mmoove Muluku, ni munttittimihe mwene.

1 Pedru 2:17 Iomraidhean Croise

Epacerero 20:11

Abrahaamu aamwaakhula: “Miyo kohiixeerela mwaneenaaka: ‘Vekhaikhai khaawo ammoova Muluku nipuro nna, ni eniikiive mwaha wa mwaaraka.

Epacerero 22:12

Ndyelo eenre: “Muhimutave mmiravo owo! Muhimpake etthu. Vano koosuwela weera nyuwo munnimoova Muluku, niwoko khamukikhoottihenre mwaninyu mmoharu.”

Epacerero 42:18

Ommaleloni wa mahuku mararu ale Yoseefe aweerela: “Miyo kimmoova Muluku. Tivawo mwatthuna wuurela okumaanyu, mweereke ha:

1 Nyaha 29:20

Vano Davide aaheerela muthukumano wootheene: “Mumvuwihe Yave, Mulukwaanyu.” Hiiho, ootheene ale yaamvuwiha Yave, Muluku a makholowaaya, yuuramelaka ni ekokhorelaka ohoolo wa Yave ni wa mwene.

Icipo 111:10

Omoova Yave ti epacerero ya miruku; ootheene antthara ikanosawe ari a wiiwexexa nnenesene. Wa Yoowo okhale ottottopela woohimala.

Okhuma 20:12

Mwaattiitiimihe atithinyu ni amayinyu weera woorakameleni okumi mweelaponi Yave Mulukwaanyu onoovahaaweni.

Masu a Miruku 1:7

Omoova Yave ti mathipelo a esuwelo, vaheera alolo khaanoonelamo miruku ni olakiwa.

Masu a Miruku 23:17

Ohaakhalele nrima anamattheka, mene omoove Yave mahuku ootheene.

Masu a Miruku 24:21

Mwanaka, omoove Yave nitho mwene, ni ohiitakanse ni anamawanawana,

Namalaleiya 8:2

Olakawaka ti wu: Mwiiwelele malamulo a mwene niwoko nyuwo moolipela vamaithoni wa Muluku.

Levitiku 19:32

Ngweemelele anamuuluvala ni mwaattittimihe asitokweene a muloko; mmoove Mulukwaanyu. Miyo ti Yave.

Zakariya 11:14

Vano kaahintaka ekopwaaka yanaaveeli yiitthaniwa Wiiwanana, kimalihaka hiiho wiiwanana variyari wa aYuda ni aYixrayeli.

Matheyo 22:21

Awo yaamwaakhula: “Sa Seesari.” Owo aaweerela: “Vano, mumvahe Seesari yeeyo eri yawawe, ni wa Muluku eri yawawe.”

Yohaane 13:35

Hiiho ootheene eniisuwele weera nyuwo muri oohuseraaka: nyuwo mwasivelana mukina ni mukhwaawe.”

aRooma 12:10

Musivelaneke mukina ni mukhwaawe ntoko axunna. Fataari mwaattittimihe akhwiinyu muhinaaye asineenaanyu.

aRooma 13:7

Mumvahe khula mutthu yeeyo entthuneya. Wakhala musoko, muliveke, nakhala ntthuvelo, mutthuveke, wakhala woova, mooveke, ni nakhala nttittimiho, muttittimiheke.

2 aKorinto 7:1

Oosiveleya, woonaka weera nookhalano soororomelihiwa iya, niirapihe mwa sootheene simvaliha erutthu ni munepa, nikwaniheraka ntteelihonahu niwoko na omoova Muluku.

awEfeso 5:21

Mwiiwelelaneke mukina ni mukhwaawe moomoovani Kristu.

aFilipi 2:3

Muhipake naari etthu emoha niwoko na wiipwatthawanyu asineenaanyu, naari niwoko na wiixoona, mene mwiiyevihaka, mwaattittimihe akina ntoko asitokweenaanyu.

1 Timootheyo 6:1

Ootheene yaale ari akaporo yaattittimihaxeke yaawo anaalamula, weera Nsina na Muluku ni nihusihonahu nihiveihiwe.

aHeberi 13:1

Mupwaherere osivelana mukina ni mukhwaawe ntoko axunna.

1 Pedru 1:22

Vano, mutteelihiweene okumaanyu wa wiiwelela wa ekhaikhai weera mwaasivele ni ekhaikhai axunna, mwaasivele vancipale mukina ni mukhwaawe ni murima wootteela.

1 Pedru 2:13

Niwoko na Apwiya, ngwiiwelele atthu a ikuru ootheene, naari mwene ntoko ikuru sitokotokoxa,

1 Pedru 5:5

Mooteene yoowo, amiravo, ngwiiwelele asitokweene. Mukhale ootheene oowiiyeviha mukina ni mukhwaawe, niwoko “Muluku ti Mwiittana a oowiixoona, mene onaavaha mahala oowiiyeviha.”

1 Samuweli 15:30

Sawuli aamwaakhula: “Koottheka. Mene dyoontte, mukittittimihe vamaithoni wa asitokweene a mulokwaaka ni wa aYixrayeli; muhokolowe ni miyo weera kamulape Yave Mulukwaanyu.”