1 Pedru 2:16 - Emakhuwa Bible

¹⁶ Mweetteke ntoko maneethi, mene muhivareleke muteko oneethaanyu ntoko nthowa opaka yoonanara. Mweetteke ntoko arumeiyi a Muluku.

1 Pedru 2:16 Iomraidhean Croise

Matheyo 23:13

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mungwala nsele na omwene wa wiirimu ohoolo wa atthu. Nyuwo muneenaanyu khamumvolowa, hata khamunaahiya evolowaka yaawo antthuna.

Yohaane 15:22

Miyo kahaawiiye kuulumaka ni yaawo, awo saano ehikhanle ni milattu. Vanonto, awo aakhalano milattu sa sootthekasaya.

aRooma 6:18

Nyuwo moovuluxiwa mwa yoottheka, ni mookhala ipottha sa ekhaikhai.

aRooma 6:22

Vanonto, mweenre nyuwo mvuluxiwaka mwa yoottheka ni mukhala ipottha sa Muluku, soowiima munghephaanyu sinooronghani wa ntteeliho, ni ommaleloniwaya ti okumi woohimala.

1 aKorinto 7:22

Vano, yoole oniitthaniwa mwa Apwiya, areene epottha, ti neethi a Apwiya, onlikana ntoko yoole aari neethi iitthaniwaawe mwa Apwiya, ori epottha ya Kristu.

aGalata 5:1

Kristu oonitaphula hiyo weera nikhale vekhaikhai maneethi. Tivawo, mpwaherere oolipeene ni muhiihiye muvolowakatho moolemelani wa okaporo.

aGalata 5:13

Axunna, nyuwo mwiitthaneliwe weera mukhale maneethi. Oneetheene yoowo ohikhale nthowa na otthara otthuna wa erutthu. Ohiyanawaya, murumeelaneke mukina ni mukhwaawe moosivelani.

awEfeso 6:6

Muhiwiiwelele paahi weera mwaasivelihe awo yoowehawehakani, mene, ntoko ipottha sa Kristu, mpakeke otthuna wa Muluku ni murima wootheene.

aKolosi 3:24

musuwelaka weera mmwaakhele wa Apwiya ntthuvelo na yoohiyeriwa*. Ti Kristu Apwiya nyuwo munimurumeelaanyu.

1 aTesalonika 2:5

Nyuwo moosuwela nnenesene weera khanitonke wuuluma masu oonyeenga, naari nihaasaka mihakhu, Muluku ti namoona.

Yakobe 1:25

Mutthutho ontthokelela nnenesene nlamulo nookwanela ninruuha oneethi, ni ompwaherera munlamuloni nno, ahittiwalaka iiwalaawe, mene eettelaka munlamuloni, anaareelihiwe mwa yeeyo ompakaawe.

Yakobe 2:12

Muulume ni mweette ntoko atthu anrowa othorihiwa ni nlamulo na oneethi,

2 Pedru 2:19

Yaaroromelihaka akina oneethi, awo asineenaaya ari ipottha sa otakhala, niwoko mutthu ori epottha ya yeeyo enimulamula.

Yuda 1:4

Vano, atthu akina, mwa yaawo nthorihelonaya naalempwale khalayi, ahiivoleiha muxiirini variyariwanyu. Awo ari atakhali, etatuxaka olavilavi mahala a Mulukwaahu ni animkhootta Yeesu Kristu, Namalamula mmoharu, Apwiyaahu.