1 Pedru 2:12 - Emakhuwa Bible

¹² Mweette ni mukhalelo wooreera variyari wa amalapo. Mooteene yoowo awo yaawootherakani nyuwo weera mumpaka yoonanara, eniyoone yooreera mumpakaanyu, ni eniimuttottopele Muluku vanihukuni na oxekura.

1 Pedru 2:12 Iomraidhean Croise

Icipo 37:14

Atakhali antholola ekatana, enakunga muupa weera ewiive oohaawa ni yaale aneetta mphironi ya ekhaikhai.

Icipo 50:23

Yoole ompaka sooveleela sootthapela onkittittimiha Miyo ni owo onreherera ephiro weera kimoonihere ovuluxa wa Muluku.

Yesaya 10:3

Mmwipakeni nyuwosa munihukuni na nthorihelo, erisa yaarweelaka ottai? Wa taani muneeraanyu mutthimakele weera ookhavihereni? Mmwahiye woowi mihakhusanyu?

Daniyeli 6:4

Mwa yeeyo, maguvernadori eeli akina ni mapwattapwattha yannaasaasa moota woomoothera Daniyeli moolamulanimwawe, mene khayaawenre ophwanya. Khayaaphwanya etthu yookhoromana mwa yoowo niwoko aari oororomeleya ni khaankhanle a murima wookhoromana naari murima woohipwattha.

Matheyo 10:25

Oohusera ori ntoko muhusihaawe paahi, ni murumeiyi ntoko yoowo onimurumeelaawe. Mwaneene vaate iitthaniwa Beelzebuli, wootepaxa atthu a emusaawe!

Matheyo 5:11

Ooreelihiwa ti nyuwo akina yooruwanakani, yoosoondakani ni yaawuulumelakani soonanara ni soowootha niwoko na Miyo.

Matheyo 5:16

Hiihotho mwaarihe waarawanyu ohoolo wa atthu, weera yooneke mitekosanyu sooreera ni yaavuwihe Atithinyu ari wiirimu.

Matheyo 9:8

Yoonaka yeeyo, atthu ancipale yaahoova, ni yaamvuwiha Muluku aavanghe ikuru iye atthu.

Luuka 1:68

“Oottottopeliwa ekhale Apwiya, Muluku a aYixrayeli, niwoko yaaxekura ni yaavuluxa muloko wa atthwaaya.

Luuka 19:44

Eniyoovonyere vatthayani ni eniiwiive anamwanaawo ari mpuwa mwa exiraawo. Kheerwa ehiya nluku vanluku, niwoko weyo khawiisuwenle ehuhu Muluku aarwaawe wooxekurera.”

Luuka 6:22

Ooreelihiwa nyuwo atthu yoothanyani, yawoomolani, yooruwanani ni yanyohola nsinananyu ntoko nsina noonanara niwoko na Mwaana a mutthu.

Yohaane 13:31

Avenyakaru, Yeesu aaweerela: “Vano Mwaana a mutthu oovuwihiwa, ni Muluku oovuwihiwa mwa Yoowo.

Miteko 15:14

Simeyoni oonithalihera moota Muluku uupuwenlaawe okhuma ompacereroni, othukumanya muloko eriyari ya amalapo mwa Nsinanawe.

Miteko 24:13

Hata vakhaani khaangwera owaakhulelani nyuwo soowoothera ankipakelaaya miyo.

Miteko 25:7

Pawulo iixooniheraka, aYuda yaarwiiye oYerusaleemu yaamurukureera, emootheraka soowoothera soowoopiha, awo, yahaawenraaya waakhulela.

Miteko 28:22

Wa soothesene, nintthuna wiiwa wa nyuwo yeeyo munuupuwelaanyu, niwoko noosuwela weera mmapuroni moothemwene aakhala atthu anuulumela nihusiho nna.”

aRooma 12:17

Muhaakakhane wa mukina yoonanara ni yoonanara. Mwaasaase opaka yeeyo eri yooreera vamaithoni wa ootheene.

aRooma 13:13

Neetteleke mukhalelo wa nnene, ntoko atthu aneettela waara wa othana, ohikhanle ngwiipeliwani, moohapaliwani, naari mooraruwani ni moohuureyani, hata moonyakulihanani, hoye hoye munrimani.

aRooma 14:18

niwoko yoole onimurumeela Kristu moota hiiho, ti oomusiveliha Muluku ni oottittimihiwa ni atthu.

aRooma 15:9

Hiiho amalapo emvuwihe Muluku niwoko na ikhararisawe, ntoko elempwalaaya: “Tivawo, miyo nkoottottopeleni variyari wa amalapo, ni nkiipe icipo wa Nsinananyu.”

1 aKorinto 14:25

nitho ixiiri sa murimaawe nsikhale soowooneya. Hiiho owo anaamorele vathi ni anaamulape Muluku, akhuwelaka: “Vekhaikhai, Muluku ori variyariwanyu!”

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

2 aKorinto 13:7

Vano, nnimvekela Muluku weera nyuwo muhipake etthu yoonanara. Khoohiyono weera akina yoone weera hiyo nohaakheleliwa, mene weera nyuwo mpake yeeyo eri yooreera, naamwi okhalaka ntoko hiyo nohooceela.

2 aKorinto 8:21

Vano, ninniipasoopa woopaka yeeyo eri yooreera, khoohiyono paahi ohoolo wa Apwiya, menetho ohoolo wa atthu.

awEfeso 2:3

Khalayeene hiyo ootheene naakhalatho variyari wa yaawo, nimaalihaka sootthuna sa erutthwaahu, nittharaka soohaawelasaya ni soowuupuwelasaya. Ntoko ootheene akina, naaritho wa eyareliwaahu oophwanela isara.

awEfeso 4:22

Vano, mwaha wa mweettelo wa khalayi, nyuwo mwaaxuttihiwa weera mwiirule wa mutthu a khalayi, oniinanariha ni soohaawela soolokottha,

aFilipi 1:27

Yookhala etthu emoha paahi yoopwattha: mweettelowaanyu okhale moota woophwanelela masu ooreeraxa a Kristu. Hiiho, hata miyo karowa ni kiwoonakani, hata kiiwa paahi sa nyuwo kihikhalakawo, kisuwele weera nyuwo mukhale oolipa mwa munepa mmoha paahi, ngwanaka ni murima mmoharu niwoko na nroromelo na masu ooreeraxa,

aFilipi 4:8

Woomalihera axunnaka, mutthare sootheene seiyo siri sa ekhaikhai, sa yoottittimiheya, sa yoororomeleya, sa yootteela, sa yoosiveleya, sa yoophwanelela – aani mwaasaase sootheene sooreera simphwanelela ottottopela.

1 aTesalonika 4:12

weera mweettelowaanyu wa khula nihuku owine nttittimiho na yaawo ari oomokoni, ni muhihaawele etthu ya mukina.

1 Timootheyo 2:2

wa mamwene ni wa ootheene anlamula, weera nikhaleno okumi woomaaleleya ni mmuretteleni, mmurimani mwa omuluku ni munttittimihoni nootheene.

1 Timootheyo 4:12

Ahikhale mukina onooveiha weyo niwoko na omiravowaawo, mene okhale ethoonyero wa atthu mmasuni, mmweetteloni, moosivelani, munroromeloni ni muntteelihoni.

1 Timootheyo 5:10

oosuweliwa nnenesene niwoko na mitekosawe sooreera; miteko ntoko waahuwa anamwane, owaakhela matata meeli aletto, orapiha inaawo sa ootteela, waakhavihera yaawo ari mmahooxoni, ni iilevaka opaka miteko sooreera sootheene.

aHeberi 13:18

Munivekelele hiyo. Noororomela weera nookhalano murima wooreera, ni ninghaawela okhala moota woottittimiheya mwa soothesene.

aHeberi 13:5

Muhilamuliweke ni osivela wa musurukhu, ni muhakalaleleke yeeyo murinaanyu, niwoko Muluku mwaneenaawe eenre:“Nkirwa koohiya, naari koothaama.”

Yakobe 3:13

Taani variyariwanyu ori musuweli ni orino wiiwexexa? Owo oonihere yeeyo ni mweettelowaawe wooreera, ni ni miteko soopakiwa ngwiiyevihani onrweela mmirukuni.

1 Pedru 2:15

Vano, Muluku ontthuna weera nyuwo mpake yooreera, weera hiiho mmalihe ohisuwela wa atthu oohikhalano miruku.

1 Pedru 3:16

Mpaketho yeeyo ni wiiyeviha murima ni nttittimiho, mukhalanaka murima wooreera. Hiiho, yaawo anuuluma soonanara sa mweettelowaanyu wooreera mwa Kristu, eniiyuuliwe muru mwa sowaapasaya.

1 Pedru 4:11

Akhala mukina onuuluma, uulume ntoko mutthu onuuluma masu a Muluku. Akhala mukina onrumeela, arumeele ni ikuru Muluku omvahaawe, moota wooweera mwa itthu sootheene Muluku avuwihiwe mwaha wa Yeesu Kristu. Wa Yoowo okhale ovuwa ni ikuru mahuku ootheene. Ame*.

2 Pedru 3:11

Woonaka weera sootheene nsiphwatiwe moota hiiho, ontthuneya weera nyuwo mweette ni mweettelo heeni? Mukhale ni murima wootteela ni murima wa omuluku,

Ruuti 3:14

Ruuti aahiixaatalela waamettowawe mpaka oxeexelo, mene aapeherera ovenya nsuwa nihinaaye okhuma weera ahooniwe. Bowazi aahuupuwela: “Ahikhale aneera asuwele weera muthiyana ola aari vanipuroni nimveeriwa*.”