1 Pedru 1:4 - Emakhuwa Bible

⁴ Oonivahatho waakhela yeeyo yoohiriheya, yoohuntta ni yoohiphwateya, mwa yeeyo Owo onoothokororelani wiirimu, nyuwo

1 Pedru 1:4 Iomraidhean Croise

Icipo 31:19

Ii! Ti otokotoko oreerawanyu murima mwaathokororenlaanyu yaale angwoovani. Vamaithoni wa atthu munimwaavaha oreerawanyu murima yaale anootthawelelani Nyuwo.

Icipo 47:4

Owo oonithanlela yoohiyeriwaahu, oosiveleyaxa a Yakobe, mwa yoowo aamusivenlaawe. Sela*

Yesaya 66:22

“Mooteene yoowo erimu ni elapo enyowani kineeraaka kipattuxe empwahereraaya wa mahuku ootheene,” onghima Yave, “hiihotho nsinananyu ni ekhapiraanyu enoopwaherera.

Ezekiyeli 47:12

Nyiri siniima sa nyoota sootheene sinimunnuwa mmipattani soomiili sa mooloko. Makukhwaaya kheenyaala ni soowiimasaya khasimora. Sinimwiima khula mweeri, niwoko maahi anrweela vaNipuroni Nootteela*, amphiya mwa seiyo. Soowiimasaya sinoociwa, ni makukhwaaya anoovareliwa muteko wa murette.”

Matheyo 25:34

Vano Mwene anaaweerele yaawo a moono mulopwana: ‘Ngwe, ootteelihiwa a Atithaka. Mwaakhele ntoko yoohiyeriwa* omwene mureherereliwaanyu okhuma ompacereroni wa elapo ya vathi.

Marku 10:17

Yeesu eeraka avenye, mulopwana mmoha aamutthimakela Yoowo, anamukokhorela anamukoha: “Muhusiha ooreera, kipakeke eheeni weera kiphwanye okumi woohimala?”

Miteko 20:32

Vano miyo kinoovahererani wa Muluku ni wa masu a mahalaawe. Masu ala anoowera woopuhihani ni woovahani yoohiyeriwa* vamoha ni ootheene yaawo ari ootteelihiwa.

Miteko 26:18

weera mwahule maithwaaya ni mwaatatuxe wa epiphi, waara. Aani, kinimoorumihani wa yaawo weera mwaavuluxe wa ikuru sa Satana ni weera emutthare Muluku, ni hiiho yaakhele elevelelo ya sootthekasaya ni nipuro vamoha ni yaawo atteelihiwe niwoko na nroromelo mwa Miyo.’

aRooma 8:17

Nakhala anamwane, nri vano anamwaakhela a mahala a Muluku vamoha ni Kristu, hiyo nahaawa vekhaikhai vamoha ni Kristu weera nivuwihiwe vamohatho.

1 aKorinto 9:25

Ootheene yaawo ampaka mpikisaano, anniireherera vancipale weera ephwanye ecireemba yoowaakuva oriheya, mene hiyo ecireemba yoohimala.

aGalata 3:18

Vano, yoohiyeriwa* yaarwiiye niwoko na nlamulo, kheerwiiye niwoko na yoororomelihiwa. Muluku aamuhiyera Abrahaamu ni yoororomelihiwa yoohiyeriwa* mahaleene.

awEfeso 1:11

Mwa Yoowo nithanliwe ehinaaye ehuhu mwaha wa soovaanela sa Yoowo ompaka itthu sootheene ntoko otthuna wa murimaawe

awEfeso 1:14

Owo ti ekhaikhai ya yeeyo nneeraahu naakhele mpaka ovuluxiwa wa yaale ari a Muluku, wa ovuwawawe ottottopeliwe.

awEfeso 1:18

Kimvekelatho weera maitho a murimaanyu ekhale oomwaleeleya weera musuwele oweherera mwa weiwo Owo owiitthanenlaaweni ni mihakhu sa yoohiyeraawe* yoovuwaxa Owo oovahenraaweni nyuwo ootteela,

aKolosi 1:12

mwaatthapelaka Atiithi yoophwanelingheni waakhela okumi woohimala vamoha ni ootteela moomweneni wa waara.

aKolosi 1:5

niwoko na oweherera onoowehererani wiirimu. Nyuwo woopacera mohiiwa sa oweherera wu mwaha wa masu a ekhaikhai, masu ooreeraxa

aKolosi 3:24

musuwelaka weera mmwaakhele wa Apwiya ntthuvelo na yoohiyeriwa*. Ti Kristu Apwiya nyuwo munimurumeelaanyu.

2 Timootheyo 4:8

Vano enookiweherera ecireemba ya ekhaikhai Apwiya, Mphuki oororomeleya, eneeraaya ekivahe nihuku nno, ni khoohiyono wa miyo paahi, menetho wa ootheene ansivela orwawaya.

aHeberi 10:34

Nyuwo mwaahaamorela ikharari yaawo yaari okaliposo, ni mwaahaakhulela ni ohakalala waakhiwa wa sooreelasanyu, niwoko mwaasuwela weera mookhalano sooreela sitokweene ni soohimala.

aHeberi 9:15

Tivawo, Kristu ti Namawera a wiiraana onyowani, weera yaawo aniitthaniwa ephwanye yoororomelihiwa ya yoohiyeriwa* yoohimala. Owo oowera wiiraanyiha weiwo, niwoko okhwenle elevelelo ya soottheka sipakiwe ehuhu ya wiiraanyiha woopacera.

Yakobe 1:11

Vano nsuwa ningwela ni ovihawaya woovarela ni ninnyaaliha mwiri, ni ethutwaaya eniimore, ni oreera wa ekhalelowaaya enoophwatiwa. Mooteene yoowo, namapuha anaanyaale, areene oopwattha mitekosawe.

1 Pedru 3:9

Muhilive yoonanara ni yoonanara, naari oruwaniwa ni oruwana. Ohiyanawaya, mureelihe, niwoko wa yeeyo nyuwo moothanliwa weera mwaakhele nreeliho.

1 Pedru 5:4

Iixooniheraka Mukukhuli Mutokweene, nyuwo mmwaakhele ecireemba yoohiriheya ya ovuwa.

Ethupululo 21:27

Mwa yeeyo kheerwa evolowa etthu yoohitteela, hata mukina ompaka etthu yoowuuliha muru, naari yoolokottha, mene paahi yaawo masinaaya alempwale mulivuruni ya okumi ya Eputtiputthi.