1 Pedru 1:3 - Emakhuwa Bible

³ Ooreelihiwa akhale Muluku, Atiithi a Apwiyaahu Yeesu Kristu. Niwoko na ovenyerera mookhwaani wa Yeesu Kristu, Muluku, mwa ikhararisawe sitokotoko, oonivaha oyariwa onyowani woosareya ni oweherera wa okumi.

1 Pedru 1:3 Iomraidhean Croise

1 Mamwene 8:15

eeraka: “Atthapeliwe Yave, Muluku a oYixrayeli. Owo aakwanihera ni matataawe yeeyo aaroromelinghaawe atithaka Davide ni eyaanowaawe eenraawe:

1 Nyaha 29:20

Vano Davide aaheerela muthukumano wootheene: “Mumvuwihe Yave, Mulukwaanyu.” Hiiho, ootheene ale yaamvuwiha Yave, Muluku a makholowaaya, yuuramelaka ni ekokhorelaka ohoolo wa Yave ni wa mwene.

2 Nyaha 31:8

Hezekiya ni asitokweenaawe yaaphiyalaaya yoonaka saathukumanyihiwaayamo soovaha, yaamvuwiha Yave, enaareeliha aYixrayeli, mulokwaaya.

Icipo 41:13

Atthapeliwe Yave, Muluku a oYixrayeli ni otthapela woohimala. Ame*, aani Ame*.

Icipo 86:15

Vaheera Nyuwo, Yave, ti Muluku a ikharari ni a murima wooreeraxa, oopisa onyoonyiwa ni oosareya osivela ni ororomeleya.

Icipo 86:5

Ii! Yave, Nyuwo ti oolikaneene olevelela ni a murima wooreera. Nyuwo moosareya mahala wa ootheene angwiitthanani.

Okhuma 34:6

Aavira ohoolo wa Moisesi alaleiyaka: “Yave, Yave – Muluku oopixa murima ni a ikharari, oovilela, oosareya osivela ni ororomeleya,

Yesaya 26:19

Mene anamakhwaanyu anookhala ni okumi; mittembosaya sinoovenyerera. Nyuwosa munkhala muntthupini, mvenye ni mwiipe ni ohakalala. Nikamenanyu nri ntoko nikame na oxeexelo; elapo ya vathi enimwaayara anamakhwaaya.

Yoonasi 4:2

Owo aamvekela Yave: “Yave, kheehiyono yeela miyo kaahimalaaka nlelo kaaraka owaani? Ti yeeyo miyo kaatthawenlaka oTaresisi. Kaasuwela weera Nyuwo muri Muluku a ikharari, a murima wooreera, oopixa murima, oosareya osivela ni munroromeliha ottaruxa, mene vahoolowaya munooceendya.

Yohaane 1:13

yaale ahiyariwe ni ekhapira ya omutthu, hata ni otthuna wa erutthu, naari ni otthuna wa mulopwana, mene ayariwe wa Muluku.

aRooma 12:12

Muhakalaleke munroromeloni, mukhale ni ovilela moothananani, mpwaherereke mmavekeloni.

aRooma 15:13

Muluku a nroromelo oosariheni ni ohakalala ni murettele wootheene nyuwo munroromelaka Yoowo, weera mwaatte munroromeloni niwoko na ikuru sa Munepa Wootteela.

aRooma 4:25

Owo aavahereriwa okhwa niwoko na sootthekasahu, ni aavenyererihiwa weera hiyo naakhuleliwe ni Muluku.

aRooma 5:10

Naaraahu nlelo amwiittana a Muluku, niiraanyihiwe ni Yoowo niwoko na okhwa wa Mwanawe, wootepaxa vano, nireene oowiiraanyihiweene, nnivuluxiwe ni okumaawe!

aRooma 8:11

Vano, wakhala mwa nyuwo Munepa wa Yoole omvenyererihale Yeesu mookhwaani, Yoowo omvenyererihale Kristu mookhwaani anaavahetho okumi wa irutthusanyu sookhwa niwoko na Munepaawe onkhala mwa nyuwo.

aRooma 8:24

Vano munroromeloni nna noovuluxiwa. Mene nroromelo nnooneya, khanihiyono nroromelo. Taani onroromela yeeyo onoonaawe?

1 aKorinto 13:13

Hiiho singhala vaanaano iya tthaaru: nroromelo, oweherera, ni osivela. Vaheera yootthuneyaxa wa itthu seiya, ti osivela.

1 aKorinto 15:20

Mwa yeeyo Kristu oovenyerera mookhwaani, akhalaka oopacera variyari wa yaale akhwiiye.

2 aKorinto 1:3

Oottottopeliwa akhale Muluku ni Atiithi a Apwiyaahu Yeesu Kristu, Atiithi a ikharari ni a opepesa wootheene.

aGalata 6:16

Murettele ni ikharari sikhale ni ootheene aneetta ekwaniheraka nlamulo nna, nitho ni aYixrayeli a Muluku.

awEfeso 1:17

Kimvekela weera Muluku a Apwiyaahu Yeesu Kristu, Atiithi oovuwaxa, yoovaheeni munepa wa miruku ni wa eyoonihero weera munsuwele nnenesene.

awEfeso 1:3

Oottottopeliwa akhale Muluku ni Atiithi a Apwiyaahu Yeesu Kristu! Vano, mwa Kristu, Owo oonireeliha ni mareeliho ootheene a Munepa ari wiirimu.

awEfeso 1:7

Mwa Yoowo nookhalano ovuluxiwa niwoko na ephomaawe, nitho elevelelo ya sootthekasahu. Ti hiiho mihakhu sa mahala a Muluku,

awEfeso 2:4

Wa soothesene, Muluku areene oosareya ni ikharari, oonivaha okumi vamoha ni Kristu

awEfeso 3:20

Wa Yoowo ongwera opaka woopwahaxa yeeyo yootheene hiyo nimvekelaahu, naari nnuupuwelaahu mwaha wa ikurusaya sinnivarela muteko mwa hiyo,

aKolosi 1:23

mwapwaherera oolipeene ni ookhalihiweene munroromeloni, muhisusaka wa nroromelo mwaakhenlaanyu mwiiwakaru masu ooreeraxa. Awo ti masu ala nyuwo mwiiwalaanyu, ni alaleeriwe atthu ootheene a elapo ya vathi, ni miyo Pawulo koothatuwa murumeiyi a masu ooreeraxa ala.

aKolosi 1:27

Wa yaale Muluku aalakela waasuweliha variyari wa amalapo mihakhu soovuwa sa ntikhinelo nna, nri Kristu mwa nyuwo, oweherera wa ovuwa.

1 aTesalonika 1:3

Ninnuupuwelela mahuku ootheene vamaithoni wa Muluku mitekosanyu sinruweriwa ni nroromelo; nthitinanyu nneettihiwa ni osivela, ni ovilelawanyu onrweela wa waaweherera Apwiyaahu Yeesu Kristu.

1 aTesalonika 4:13

Axunna, khanintthuna weera nyuwo mukhale oohisuwela mwaha wa yaawo akhwiiye, weera muhiithananihere, ntoko akina ahikhanleno oweherera.

2 aTesalonika 2:16

Apwiya Yeesu Kristu aneenaaya ni Mulukwaahu Atiithi, mwa Yoowo onisivenle ni onivanghe opepesa woohimala ni ororomela wooreera niwoko na mahala,

1 Timootheyo 1:14

Wa soothesene, mahala a Apwiyaahu kooriheliwa miyo moota woowaatta, vamoha ni nroromelo ni osivela ori mwa Kristu Yeesu.

Titu 2:13

niwehereraka oweherera wooreelihiwa: wooniheriwa woovuwa wa Mulukwaahu Mutokweene ni Mvuluxa Yeesu Kristu.

aHeberi 3:6

mene Kristu ti oororomeleya ntoko Mwaana a Empa ya Muluku. Vano, Empeene yeeyo ti hiyo, navarela nnenesene oweherera ni ororomela mwa weiwo ninroromelaahu.

Yakobe 1:18

Awo yaalakela oniyara ni masu a ekhaikhai, weera nikhale ntoko soowiima soopacera sa sootheene seiyo Awo apattunxaaya.

1 Pedru 1:13

Tivawo, mukhale oolikana mwa soowuupuwelasanyu. Muwehaweheke ni muweherere mahala muneeraanyu mvahiwe Yeesu Kristu ooniheriwaka.

1 Pedru 1:21

Niwoko na Yoowo nyuwo munimuroromela Muluku omvenyererihale Yeesu mookhwaani ni omvuwihale. Hiiho nroromelonanyu ni owehererawanyu onkhala mwa Muluku.

1 Pedru 1:23

Nyuwo mooyariwa veeli, ohikhanle wa mmiso onriheya, mene wa mmiso ohinriheya niwoko na masu ookumi ni oohimala a Muluku.

1 Pedru 2:2

Ntoko anamwane ooyariwa vaanaano, muhaaweleke mukaka wootteela wa Munepa, weera niwoko na yoowo, nyuwo munnuwe mwa ovuluxiwa,

1 Pedru 3:15

Munttittimihe toko Kristu ntoko Apwiya mmurimanimwanyu. Mahuku ootheene mukhale oolikaneene weera ngwaakhule yakhalaru atthu eneera yookohakoheni mwaha wa oweherera ori mwa nyuwo.

1 Pedru 3:21

ni awo ti ethoonyero ya opatiso mwa weiwo vano onoovuluxani nyuwotho. Ovuluxiwa iwo khoohiyono ni ovenxiwa wa nikhurumela na mweerutthuni, mene ni omvekela Muluku murima wooreera niwoko na ovenyerera wa Yeesu Kristu,

1 Pedru 3:5

Vano owo waari moota asithiyana ootteela a khalayi yaamuroromela Muluku yiirehereraaya. Awo yaawiiwelela asiiyaya,

1 Yohaane 2:29

Nyuwo mwasuwela weera Owo ti oororomeleya, musuweletho weera khula mutthu ompaka ekhaikhai, oyariwe mwa Yoowo.

1 Yohaane 3:3

Ootheene yaawo akhalanne nroromelo nno mwa Yoowo, aniitteeliha asineenaaya, ntoko Owo oraawe Ootteela.

1 Yohaane 3:9

Khula mutthu oyariwe wa Muluku khaneetta mootthekani, niwoko mmiso wa Muluku onkhala mwa yoowo. Khoongwereya owo okhala mootthekani, niwoko oyariwe wa Muluku.

1 Yohaane 4:7

Oosiveleya, nisivelane mukina ni mukhwaawe, niwoko osivela ongwa wa Muluku. Yoole onsivela, oyariwe wa Muluku ni oomusuwela Muluku.

1 Yohaane 5:1

Khula mutthu onroromela weera Yeesu ti Kristu, oyariwe wa Muluku, ni khula mutthu onaasivela Atiithi, onimusivelatho yoole oyariwe wa Muluku.

1 Yohaane 5:18

Noosuwela weera khula mutthu oyariwe wa Muluku khakhanle mootthekani. Mwaana a Muluku oomwaakiha, ni namatakhala khangwera omvara.

1 Yohaane 5:4

Yoowo oyariwe wa Muluku ongwina elapo ya vathi, ni owina ophwannyaawe elapo ya vathi ti wu: nroromelonahu.