1 Pedru 1:17 - Emakhuwa Bible

¹⁷ Woonaka weera mungwiitthana Atiithi Yaawo anthoriha ehikhalaka nthalu miteko sa mutthu ti mutthu, mweetteke ni woova ehuhu ya mukwahaanyu wa vathi.

1 Pedru 1:17 Iomraidhean Croise

Epacerero 47:9

Yakobe aamwaakhula: “Iyaakha sa mukwaahaaka mweelaponi ya vathi soophiyera ncira ni miloko miraru. Iye siri vakhaani ni soorika ni khasimphiyera iyaakha sa mukwaahaaya makholowaaka.”

1 Nyaha 29:15

Ohoolowanyu nri ntoko anamarwa ni ookuxiwa elapo ekina, ntoko yeereyaaya ni makholowaahu. Mulaponimu mahukwaahu anlikana ni munttuusi, woohikhalano oweherera.

2 Nyaha 19:7

Vano munttittimihe Yave ni mwiipasoopeno moota munthorihaanyu, niwoko Yave khamvilela ohiroromeleya, hata khanthalu, naari khanaakhulela makhwankwa.”

Yobi 34:19

Owo khanoonihera nthalu aweerelaka anamwane a mamwene, ni khanimpakela mpatta thadyiri amunyoosaka oohaawa yeenre ootheene epakiwa ni matataawe.

Icipo 39:12

Mwiiwe nivekelonaka Yave; mwiiweke okhuwelelawaka ekhavihero. Muhimaale miyo kiinlaka. Vano kiri ntoko namarwaanyu omvira – ntoko yaaraaya makholowaaka.

Icipo 89:26

Owo onookeerela: ‘Nyuwo ti Atithaka, Mulukwaaka, Mwala ni Mvuluxaaka.’

Masu a Miruku 14:16

Musuweli ti oowiipasoopa asembaka yoonanara, vaheera mulolo ti oovirikanya ni oohihiiheya.

Masu a Miruku 28:14

Ooreelihiwa mutthu onkhalela nthiti omoova Yave! Vaheera yoowo onuumiha murima onoomorela mwa soonanara.

Yeremiya 3:19

Miyo muneenaaka keenre: “Kaatthunaxa waapaka nnene ntoko ampakeliwaaya anamwane kaavahaka elapo yootthuneyaxa, yoohiyeriwa yooreerelaxa variyari wa miloko sootheene. Kuupuwela weera mwaankiitthana ‘Tiithi’ ni khamwaahiya okitthara.

Zefaniya 3:9

Hiiho, kinootteeliha iyano sa miloko weera sootheene iyo siitthane Nsina na Yave, ni simurumeele ni murima mmoha.

Matheyo 16:27

Mwaana a mutthu anaawe moovuwani wa Atithawe ni andyelowaaya, ni anaamutthuvele khula mutthu wa yeeyo owo opankaawe.

Matheyo 22:16

Yaamurumihela oohuseraaya vamoha ni atthu a Herodi yaamweerenle: “Muhusiha, noosuwela weera Nyuwo muri oororomeleya nitho weera munghusiha ephiro ya Muluku moota wa ekhaikhai. Khamumviriyeliwa ni akina, hata khamunimuthanla mutthu.

Matheyo 6:9

Vanonto nyuwo muvekeleke ha: ‘Atithihu ari wiirimu, Nsinananyu ntteelihiwe,

aRooma 11:20

Ti ekhaikhai. Wa soothesene, iyo soothikiliwa niwoko na ohiroromela, ni nyuwo munkhala munroromeloni. Muhiixunnuwihe, mene moove,

2 aKorinto 1:2

Wa nyuwo, mahala ni murettele onrweela wa Muluku Atithihu ni wa Apwiya Yeesu Kristu.

2 aKorinto 5:6

Tivawo ninroromelaahu mahuku ootheene ni noosuwela weera, nireene mweerutthuni, nri ottaiwene wa Apwiya.

2 aKorinto 7:1

Oosiveleya, woonaka weera nookhalano soororomelihiwa iya, niirapihe mwa sootheene simvaliha erutthu ni munepa, nikwaniheraka ntteelihonahu niwoko na omoova Muluku.

2 aKorinto 7:11

Moone othanana wu ntoko otthuna wa Muluku onruweraaya mwa nyuwo: nthiti heeni, ohaawela heeni okhala oohikhala ni milattu, onyoonyiwa heeni, woova heeni, munkhela heeni, weeteteya heeni, olipiha murima heeni woomuttaruxa yoowo ori ni nthowa! Mwa sootheene nyuwo mohoonihera weera khamunono milattu mwaha wa yeeyo.

aGalata 2:6

Wa yaale yooniwa ntoko asitokweene – moota yaattharaaya khalayi, miyo nkimpwattha, niwoko Muluku khanthoriha omokoni wa mutthu – asitokweeneene yaawo khayaakaandyeereringhe etthu.

awEfeso 1:17

Kimvekela weera Muluku a Apwiyaahu Yeesu Kristu, Atiithi oovuwaxa, yoovaheeni munepa wa miruku ni wa eyoonihero weera munsuwele nnenesene.

awEfeso 3:14

Tivawo kinnakokhorela ohoolo wa Atiithi,

awEfeso 6:9

Nyuwo asineene, mweetteleke mooteene yoowo ni ipotthasanyu. Musuwelaka weera Apwiyaaya ni Apwiyaanyu ari wiirimu, ni awo khaanono nthalu ni atthu, muhoopopihe ipotthasanyu.

Deuteronomiyo 10:17

niwoko Yave Mulukwaanyu ti Muluku a miluku ni Yave aasipwiiya; Muluku Mutokweene, Ooweraxa ni Oowoopiha, oohinthalu, akhoottaka makhwankwa.

aFilipi 2:12

Hiiho, oosiveleyaaka, ntoko mwiiwelelaanyu mahuku ootheene, khoohiyono miyo kaakhalaaka variyariwanyu paahi, mene wootepaxa vaanaano vaava miyo kinkhalaaka ottaiwene, mureherereke ovuluwawanyu wa mmunepani ni woova ni othukumela.

aKolosi 3:25

Yoowo ompaka sootakhala anaakheletho sootakhala, ni mwa yeeyo khaniwowo nthalu.

aHeberi 12:28

Tivawo, woonaka weera nnaakhela omwene woohiteterexeya, nittottopele, ni hiiho nimulape Muluku moota woowaakhuleleya, ni nttittimiho ni woova.

aHeberi 4:1

Moone, yoororomelihiwa ya ovolowa ngwiitthuuwani mwa Muluku emvara muteko mpaka olelo. Tivawo, niipasoope weera hata mmoha a nyuwo ahiyeleele ehuhu ya ovolowa ngwiitthuuwani wu.

1 Pedru 2:11

Oosiveleya, kinoowoopererani ntoko anamarwa ni aletto mweelaponi weera mususe sa soohaawela sa erutthu singwana mookuminimwanyu.

1 Pedru 3:15

Munttittimihe toko Kristu ntoko Apwiya mmurimanimwanyu. Mahuku ootheene mukhale oolikaneene weera ngwaakhule yakhalaru atthu eneera yookohakoheni mwaha wa oweherera ori mwa nyuwo.