1 Pedru 1:10 - Emakhuwa Bible

¹⁰ Maprofeeti, mwa yaawo yuulumale sa mahala mwaakhenlaanyu, yaahaasa ni yaasomela ovuluwawene wu.

1 Pedru 1:10 Iomraidhean Croise

Epacerero 49:10

Ekopo kheerwa ekuxiwa wa Yuda, aani ekopo yoolamula eniikhale eriyari ya nyettosawe mpaka aneeraawe arwe yoowo ori muneene a ekopweene yeeyo. Ni miloko nsimwiiwelele yoowo.

Masu a Miruku 2:4

waasaasa miruku ntoko enaasiwaaya eparatha*, ni watholathola ntoko onaaseriwaaya muhakhu woovithiwa,

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 9:3

Vano kaamwaattamela Yave Muluku kimudyoonttelelaka ni mavekelo, soodyoonttelela ni kitthukaka, kiwanreene isaakho ni kiihenleene ettuura.

Axewu 2:7

Kinoothukumeliha miloko sootheene, mwa seiyo, sinooruuha mihakhusaya ni kinoosariha ovuwa Empa ya Muluku ela,’ onghima Yave a ikuru sootheene.

Zakariya 6:12

Mwamuleele weera Yave a ikuru sootheene oneera ha: ‘Ori va mulopwana oniitthaniwa Ephuwela ni owo onoophuwa vanipuroniwawe ni onooteka Empa ya Yave.

Matheyo 13:17

Vano Miyo kinooleelani ekhaikhai: maprofeeti ni atthu oororomeleya ancipale yaatthunaxa woona yeeyo munoonaanyu, mene khayoonne. Awo yaatthunaxa wiiwa yeeyo muniiwaanyu, mene khayiiwale.

Matheyo 26:24

Mwaana a mutthu anaavarihiwe ntoko elempwalaaya mwaha wa Yoowo, mene Ii! Onoohaawa yoowo aneera amvarihe Mwaana a mutthu! Fataari ahaayariwe!”

Luuka 10:24

Vano, Miyo kinooleelani weera maprofeeti ni mamwene mancipale yaatthunaxa woona yeeyo nyuwo munoonaanyu, mene khayoonne, ni wiiwa yeeyo muniiwaanyu, mene khayiiwale.”

Luuka 24:44

Vano aaweerela: “Ti yeeyo kooleenlaakani kireene nlelo ni nyuwo: ‘Waatthuneya weera sikwaniheriwe sootheene silempwe mwaha wa Miyo mmalamuloni a Moisesi, mmaprofeetini ni mulivuruni ya icipo.’”

Yohaane 5:39

Nyuwo munsoma Yoolempwa* nnenesene niwoko munuupuwela weera mmwiphwanyemo okumi woohimala. Ti Yoolempwa* enkikhalela onamoona.

Yohaane 7:52

Awo yaamwaakhula: “Nyuwotho muri a oGalileiya? Musomele ni mmoonelele weera oGalileiya khawa akhumelela mprofeeti.”

Miteko 10:43

Maprofeeti ootheene animukhalela onamoona Yoowo weera ootheene animuroromela Yoowo, animwaakhela elevelelo ya soottheka mwa Nsinanawe.”

Miteko 17:11

Atthu a oBereya yaari maneethixa waapwaha atthu a oTesalonika. Yaahaakhela mutthenga ni otthuna otokotoko, esomelaka mahuku ootheene Yoolempwa* weera yoone sootheene saari hiiho.

Miteko 28:23

Hiiho yaahiiwanana omukumanano Pawulo nihuku naalaihaniwe, ni nihuku nne yaaphiya aYuda ancipale nipuro nenne owo aaraawe. Okhuma ohinaxe mpaka ohiyu owo aahaathalihera ni aahaakhalela onamoona wa omwene wa Muluku, atthunaka waaviriyela mwaha wa Yeesu avarelaka muteko nlamulo na Moisesi ni maprofeeti.

Miteko 7:52

Mprofeeti heeni makholowaanyu ahimusoondalaaya? Yaawiiva yaale yaahima sa orwa wa Oororomeleya, mwa Yoowo nyuwo vano mootatuxiwa anamavarihaawe ni anamwiivaawe.

aHeberi 11:13

Ootheene ale akhwiiye munroromeloni. Awo khayaakhenle soororomelihiwa, yoonne ni yunkheliwe iye ottaiwene paahi, esuwelaka weera yaari anamarwa ni aletto mweelaponi.

aHeberi 11:40

Muluku aavaanela etthu yooreeraxa wa hiyo, eyo tiiyo weera awo ekwanelihiwe vamoha ni hiyo.

1 Pedru 1:11

Yaasaasa woonelela ehuhu ni sookhumelela ni ekhavihero ya ithoonyero saavahiwa ni Munepa wa Kristu. Vano, Munepa waari mwa yaawo waalaleiya soohaawa Kristu eeraawe avilele ni ovuwa eeraawe aakhele.

1 Pedru 1:13

Tivawo, mukhale oolikana mwa soowuupuwelasanyu. Muwehaweheke ni muweherere mahala muneeraanyu mvahiwe Yeesu Kristu ooniheriwaka.