1 Nyaha 4:10 - Emakhuwa Bible

¹⁰ Yabezi aamvekela Muluku a oYixrayeli: Ii! Mukireelihe ni mwaandyeerere ittimasaka! Ntatananyu nikhale ni miyo, nikisungaka mwa soonanara ni nikitapuxaka mwa soovoreya.” Hiiho, Muluku aahaakhulela yoovekaawe.

1 Nyaha 4:10 Iomraidhean Croise

Epacerero 12:2

Wa nyuwo kinookhaliha muloko mutokotoko. Kinimooreelihani ni Miyo kinimoovahani epili. Vano nyuwo munookhala nreeliho.

Epacerero 12:8

Evinyero vaavaale aarowa mpaka omwaako ori mpatta ninkhuma nsuwa oBeteli. Vano aakunga eheemaawe eriyari ya oBeteli ni wookela ninkela nsuwa wAi. Aamutekela Yave altaari* ni aahiitthana Nsina na Yave.

Epacerero 28:20

Vano Yakobe aalipela muneenaawe eeraka: “Muluku akhala ni miyo, akikosoopa ni mukwaheene yoola kimpakaaka, akivaha epaawu weera kice ni soowara weera kiwareke

Epacerero 28:21

ni akihokoloxera oocekendeyeene vaate wa atithaka, vano Yave anaakhale Mulukwaaka.

Epacerero 32:26

Mulopwana ole aamweerela: “Mukihiye kirowe, niwoko wohooxa.” Yakobe aamwaakhula: “Nkinoohiyani murowaka muhinaaye okireeliha”

Epacerero 32:27

Mulopwana ole aamukoha: “Nsinananyu taani?” Yakobe aamwaakhula: “Yakobe.”

Epacerero 32:28

Vano mulopwana ole aaheera: “Nsinananyu khanirwa niitthaniwatho Yakobe, mene Yixrayeli, niwoko nyuwo moowana ni Muluku, nitho atthu, munawina,”

Epacerero 33:20

Vano vaavaale aahaateka altaari* ni aahaatteha Eli Elohe* Yixrayeli.

Epacerero 48:16

Aani, ti Mulukweene Yoowo aari ndyelo okivulunxe wa soonanara sootheene. Ekhale oowiitthaniwa mwa nsinanaka ni masina a atithaka Abrahamu ni Isaki nitho ekhalaneke ekhapira etokotoko mweelaponimu.”

1 Nyaha 16:8

Muntthapele Yave, mukhuwelele Nsinanawe, mulaleiye eriyari ya miloko yeeyo Owo opankaawe.

1 Nyaha 4:11

Kelube, munneiye Xuwa, aamuyara Mehiri, tiithi a Exetoni.

1 Nyaha 4:9

Yabezi aari mulopwana oottittimiheyaxa veemusinivawe. Amayawe yaamutteha nsinanawe Yabezi, yeeraka: “Kimuyanre mmavihoni.”

Yobi 12:4

Kiri mutheelelo wa amwaattamanaaka! Koomvekela Muluku weera akaakhule ni ankitthebwa miyo kireene oowookoleleya ni oororomeleya!

Icipo 119:173

Ntatananyu nirwe nikikhavihere, niwoko koothanla ikanosanyu.

Icipo 121:7

Yave onimoothokororani mwa soonanara sootheene; Owo onookosoopa okumaahu.

Icipo 145:19

Owo onkwanihera soohaawela sa yaale ammoova; oniiwa okhuwelawaya, anaavuluxa.

Icipo 21:4

Owo ohoovekelani okumi ni Nyuwo moomvaha – okumi woowaatta ni woohimala.

Icipo 51:12

Mukitthunihereke woonatho ohakalala wa ovuluxawanyu ni mukilipihere ni murima woolikaneene wiiwelela.

Icipo 51:8

Mukiiwihetho ohakalala ni otteeliwa murima; makhuva mwaapwenxaanyu ehakalaleke!

Icipo 55:16

Vaheera miyo kimmwiitthana Yave ni Owo onookoopola.

Icipo 65:2

Ii! Nyuwo muniiwa mavekelo, atthu ootheene anoowaattamelani.

Icipo 72:17

Nsinanawe nipwaherereke wa mahuku ootheene ni epilaawe elekele nsuwa noopaka. Miloko sootheene sinooreelihiwa mwa yoowo ni awosa anoomweerela ooreelihiwa.

Icipo 99:6

Moisesi ni Aharoni yaalikeleliwa mpatta wa asaserdotaawe; Samuweli aari mpatta wa yaale yiitthana Nsinanawe; awosa yannamwiitthana Yave ni Owo annawaakhula.

Masu a Miruku 10:22

Mareeliho a Yave othadyiriha, ni khaantakanseraru wakhalaru othanana.

Masu a Miruku 30:8

Mukirakamelihere olokottha ni wootha; muhikivaheru ohaawa naari opuha; mukivahe paahi yooca yootthuneya.

Yesaya 41:10

Vano muhoove niwoko Miyo kiri ni nyuwo; muhitteenguwe niwoko Miyo ti Mulukwaanyu. Miyo kinimoolipihani ni kinimookhaviherani. Kinimoovarelani ni ntatanaka noolopwana noowina.

Yesaya 41:17

Oohaawa ni oothoiwa anaasa maahi, mene khaamphwanya; malumaaya ahuumiwa ntthona. Vaheera Miyo, Yave, kinoowaakhula; Miyo, Muluku a oYixrayeli nkaahiya.

Yeremiya 33:3

‘Mukikhuwelele Miyo ni kinoowaakhulani kiwooniherakani itthu sitokotoko ni soohaalikeleya nyuwo muhisuwenlaanyu.’

Matheyo 26:75

Pedru aahuupuwelela masu Yeesu aamuleenlaawe eeraka: “Ahinaaye wiipa muthupi, munookiruna imaara tthaaru.” Avenyaka vaavaale, aahiinlaxa omvoreiyaka murima.

Matheyo 6:13

Muhinihiye nivolowaka ngweereriwani, mene munivuluxe mwa soonanara.’

Luuka 19:42

eeraka: “Weera weyotho olelo wiiwexexe yeeyo entthuneya oruuha murettele! Eyotho ti yoovitheya vamaithoniwawo.

Yohaane 10:28

Miyo kimvaha okumi woohimala ni iyo khasirwa siriheya. Khaawo aneera awere okaakha mmatatanimwaka.

Yohaane 21:17

Emaara yanaararu Yeesu aamukoha: “Simeyoni, mwaana a Yohaane, munookisivela?” Pedru aathanana niwoko na omukoha Yeesu emaara yanaararu:‘nyuwo munookisivela?’ ni aamwaakhula: “Apwiya, moosuwela itthu sootheene ni moosuwela weera kinnoosivelani.” Yeesu aamweerela: “Muciheke ikhondoolosaka.

Miteko 3:26

Muluku amvenyererihaleene murumeiyaawe, ohoorumihelani toko nyuwo weera ooreeliheni oorukunxakani nyuwo ootheene wa sootakhalasanyu.”

aRooma 12:9

Osivela okhale wa ekhaikhai. Muthanye yeeyo eri yoonanara, ni muvarexexe yeeyo eri yooreera.

aRooma 16:19

Ootheene aniiwa suulummwaka sa wiiwelelawanyu, tivawo kihakalalaxiyaaka, mene kintthuna weera mukhale asuweli mwaha wa yooreera, ni oohisuwela mwaha wa yoonanara.

1 aKorinto 1:2

Wa ekerexa ya Muluku eri oKorinto; wa ootteelihiwa mwa Kristu, ni oowiitthaniwa weera ekhale ootteela, vamoha ni ootheene yaale aniitthana mipatta sootheene Nsina na Apwiyaahu Yeesu Kristu, Apwiyaaya ni awihu.

awEfeso 1:3

Oottottopeliwa akhale Muluku ni Atiithi a Apwiyaahu Yeesu Kristu! Vano, mwa Kristu, Owo oonireeliha ni mareeliho ootheene a Munepa ari wiirimu.

awEfeso 3:20

Wa Yoowo ongwera opaka woopwahaxa yeeyo yootheene hiyo nimvekelaahu, naari nnuupuwelaahu mwaha wa ikurusaya sinnivarela muteko mwa hiyo,

awEfeso 4:30

Muhithananihe Munepa Wootteela wa Muluku, mwa Yoowo nyuwo mohiiyaatheriwa eneneero wa nihuku na ovuluxiwa.

2 Timootheyo 4:18

Apwiya eniikivuluxe mwa muteko woonanara wootheene, ni eniikironghe oovuluxiweene moomwenenimwaya wa wiirimu. Wa Yaawo okhale ovuwa mahuku ootheene oohimala. Ame*.

Ethupululo 3:19

Kingwooperera ni kinaalaka yaale kinaasivelaaka. Tivawo, mweetteke ni nthiti ni murukunxe murimaanyu.

1 Samuweli 1:17

Eli aamwaakhula: “Murowe mmuretteleni ni Muluku a aYixrayeli oovaheeni yeeyo mumvekenlaanyu.”

1 Samuweli 1:20

Hiiho, eviraka ehuhu ekina, Hana aarupala, anamuyarela mwaana mulopwana. Aamutteha Samuweli, eeraka: “Miyo kaamvekenle Yave.”

1 Samuweli 1:26

ni Hana aamweerela: “Pwiiyaaka, munnakuupuwela? Vekhaikhai ti yoomi kaari va mpattaanyu kimvekelaka Yave.

1 Samuweli 1:27

Kaamvekela okivaha mwaana mulopwana ola, ni Yave ookivaha yoovekaaka.