1 Nyaha 29:12 - Emakhuwa Bible

¹² Mihakhu ni nttittimiho sinrweela wa Nyuwo; Nyuwo munlamula itthu sootheene. Ikuru ni owera siri mmatatanimwanyu weera ngwunnuwihe ni mwaavahe ikuru ootheene.

1 Nyaha 29:12 Iomraidhean Croise

1 Nyaha 29:13

Vano Mulukwaahu, nnoottottopelani ni nimvuwiha Nsinananyu noovuwaxa.

2 Nyaha 1:12

nyuwo munimwaakhela yeeyo mvekenlaanyu. Kinimoovahanitho mihakhu, sooreela ni nttittimiho, ohitonkwaawe okhalano akhalaru mwene aari nyuwo muhinaaye okhalano, ni khakhalatho anaakhalane vahoolo wa nyuwo.”

2 Nyaha 16:9

Vano, maitho a Yave angweha elapo yootheene weera aalipihere ootheene yaawo animukhalela nthiti ni murima wootheene. Wa yeeyo, nyuwo moopaka ya ololo. Okhuma vaanaano va woorowa ohoolo, mmweereke owana ikhotto.”

2 Nyaha 20:6

anavekela: “Ii! Yave, Muluku a makholowaahu, ti Nyuwo Muluku muri wiirimu. Nyuwo munlamula omwene wootheene wa mulaponi. Ikuru ni owera ori mmatatanimwanyu, ni khaawo ongwera woowananani.

2 Nyaha 32:29

Aateka isidade, anakhalano mihuwo sincipale, niwoko Muluku aamvahaxa mihakhu soowaattaxa.

Yobi 42:10

Yobi aavekelenleene asinthamwenaawe, Yave aamweettiherelatho nnenesene, anamvaha iphura sa seiye aarinaawe khalayi.

Yobi 9:19

Wakhala mwaha wa ikuru, vano Owo ti ooweraxa! Ni wakhala mwaha wa ekhaikhai, vano taani eniimulamulele

Icipo 103:19

Yave ookhaliha ehicaawe ya emwene wiirimu ni omwenaawe onlamula soothesene.

Icipo 28:8

Yave ti ikuru sa mulokwaawe; Nipuro Noolipihiwaxa nnimvuluxa oottikittheliwaawe.

Icipo 29:1

Nyuwosa ooweraxa a wiirimu, munttittimihe Yave niwoko na ovuwawawe ni ikurusawe.

Icipo 29:11

Yave omvaha ikuru mulokwaawe; Yave onreeliha mulokwaawe ni murettele.

Icipo 62:11

Muluku aahuuluma, ni miyo kohiiwa nnenesene: Owera ti wawawe.

Icipo 62:12

Osivela woororomeleya ti wawinyu, Nyuwo, Yave. Vekhaikhai khula mutthu munoomutthuvela yeeyo omphwanelaawe.

Masu a Miruku 10:22

Mareeliho a Yave othadyiriha, ni khaantakanseraru wakhalaru othanana.

Masu a Miruku 8:18

Mwa miyo sookhala mihakhu ni nttittimiho, weetteleya nnene ni ekhaikhai yoolekela.

Namalaleiya 5:19

Vano, Muluku aamvahaka mukina mihakhu ni sooreela, ni aangwerihaka opuha seiyo, waakhulela yoovaheriwaawe ni ohakalalela mitekosawe, vano eyo ti yoovaha ya Muluku.

Yesaya 40:29

Owo onimvaha ikuru ookhulumuwa ni ommwaandyeerera ikuru oohilipa.

Yesaya 43:13

“Aani, okhuma khalayixa Miyo ti Yoowo. Khawoworu ongwera omoopola mukina mmatatanimwaka. Miyo kaapakaka etthu, khawoworu ongwera oceendya yeeyo.”

Yesaya 45:24

Awosa eniyeere sa Miyo: ‘Ekhaikhai ni ikuru siri mwa Yave paahi.’” Ootheene animuthanya anoorowa wa Yoowo ni animuulihiheya muru.

Yesaya 46:10

Okhuma ompacereroni Miyo kinsuweliha ommaleloni; okhuma khalayi seiye sineera seereye. Miyo kineera: ‘Otthunawaka onoopwahereraxa ni kinoopaka sootheene sinkisiveliha.’

Daniyeli 2:20

eeraka: “Nsina na Muluku nitthapeliwe wa mahuku ootheene; miruku ni ikuru ti sawawe.

Daniyeli 6:26

Kinkhaliha ekano weera moomwenenimwaka wootheene atthu emooveke ni emuttittimiheke Muluku a Daniyeli, niwoko Owo ti Muluku Mukumi ni Owo onkhala wa mahuku ootheene. Omwenaawe khoorwa ophwatiwa ni olamulawawe khoommala.

Matheyo 28:18

Yeesu aawaattamela yaawo ni aaweerela: “Koovahiwa ikuru sootheene sa wiirimu ni vathi.

Yohaane 19:11

Yeesu aamwaakhula: “Nyuwo khamwaakhalano hata vakhaani ikuru ni Miyo mwahaavahiwe ikuru iyo wa wiirimu. Tivawo yoole okivaherenre wa nyuwo ookhalano nthowa na yoottheka yoowoopwahani nyuwo.”

awEfeso 3:16

Kimvekela weera mwaha wa mihakhu soovuwaxa, Awo anoolipihani ni ikuru niwoko na Munepa onkhala mmirimanimwanyu,

awEfeso 3:20

Wa Yoowo ongwera opaka woopwahaxa yeeyo yootheene hiyo nimvekelaahu, naari nnuupuwelaahu mwaha wa ikurusaya sinnivarela muteko mwa hiyo,

Deuteronomiyo 8:18

Vaheera mmuupuwelele Yave Mulukwaanyu niwoko ti Yoowo onoowerihani ophwanya mihakhu aakhulelihaka hiiho wiiraanawawe aalipelenlaawe makholowaanyu, ntoko onooneyaaya olelo.

aFilipi 4:13

Kingwera soothesene mwa Yoowo onkilipihera.

aKolosi 1:11

Nimvekelatho weera nyuwo muthatuwe oolipa ni ikuru sootheene niwoko na ikuru sa ovuwawawe weera muvilele sootheene ni oweherera ni ohakalala,

Yoxuwa 4:24

Aapakenle yeeyo weera miloko sootheene sa elapo ya vathi sisuwele weera ntata na Yave ti noolipaxa ni weera mmoove Yave Mulukwaanyu mahuku ootheene.’”

Ethupululo 11:17

yeeraka: “Nnootthapelani Nyuwo, Apwiya Muluku a ikuru sootheene muri ni mwaari, niwoko mookuxa ikurusanyu sitokotoko ni moopacera olamula.