1 Nyaha 28:8 - Emakhuwa Bible

⁸ Tivawo kinooleelaakani vaanaano va ohoolo wa aYixrayeli ootheene ni muthukumano wa Yave, Mulukwaahu: Mwiiwelele soolamula sootheene sa Yave Mulukwaanyu weera mukhale mulaponi ela yooreera ni muhiyere ikhapirasanyu wa mahuku ootheene.

1 Nyaha 28:8 Iomraidhean Croise

1 Nyaha 28:7

Owo apwaherera wiiwelela malamulowaaka ni soorumasaka ntoko ompakaawe olelo, kinoolipiha omwenaawe wa mahuku ootheene.’

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

Ezera 9:12

Tivawo asinamwaniinyu asithiyana muhaathelihe ni anamwanaaya asilopwana, hata muhiwaakhulele anamwaniinyu asilopwana waathela anamwanaaya asithiyana. Muhaasaase wiiraana ni yaawo hata okhalawaya nnene weera nyuwosa mukhale oolipeene ni mwakuxe soowiima sooreera sa mulaponi mwaahiyeraka anamwaniinyu ntoko yoohiyeriwa yoohimala.’

Icipo 119:27

Mukiweriheke wiiwexexa mahusiho a ikanosanyu ni hiiho kinootthokelela sootikhinihasanyu.

Icipo 119:4

Nyuwo muneenaanyu moovaha ikano sintthuneya wiiweleliwa nnenesene.

Icipo 119:44

Kinimwiiwelela woohihiyerera Nlamulonanyu wa mahuku ootheene.

Okhuma 23:13

Mwiipasoope opaka sootheene seiyo koolamulenlaakani. Muhiitthane masina a miluku sikina; ehiiwiwe masinaaya mmwanomwanyu.

Masu a Miruku 13:22

Mutthu a nnene onghiyera yoohiyeriwa osuuluwaawe, vaheera mihakhu sa namattheka anthokororeliwa oororomeleya.

Masu a Miruku 3:1

Mwanaka ohittiwale oxuttihawaka, mene othokorore malamulowaaka vamurimani,

Yesaya 34:16

Ngwehe mulivuruni mwa Yave ni musome: Soopattuxiwa sootheene iyo sinookhalawo, khaawo anaakhale meekhaawe. Vano ti eyanowaawe elamulenle ni Munepaawe onimwaathukumanyiha.

Miteko 10:33

Hiiho kaarumiha oroweliwa woowaakuveya, ni ti wooreera weera nyuwo mohoorwa. Ootheene hiyo nri vamaithoni wa Muluku weera niiwe sootheene Apwiya yoorumalaayani onileela.”

Miteko 17:11

Atthu a oBereya yaari maneethixa waapwaha atthu a oTesalonika. Yaahaakhela mutthenga ni otthuna otokotoko, esomelaka mahuku ootheene Yoolempwa* weera yoone sootheene saari hiiho.

Deuteronomiyo 27:1

Moisesi ni asitokweene a aYixrayeli aalamulela muloko: “Mwiiwelele malamulo ootheene kinoolamulelasaakani olelo:

Deuteronomiyo 29:10

Olelo nyuwosa ootheene muri vamaithoni wa Yave Mulukwaanyu – mapwattapwatthaanyu ni asilopwana oothanliwa; ahooleelaanyu ni yaawo anoolamulani nitho aYixrayeli akinaawo

Deuteronomiyo 29:15

muri va ni hiyo vamaithoni wa Yave Mulukwaahu, menetho yaawo ahikhanle ni hiyo va olelo.

Deuteronomiyo 4:1

Vano mwiiwe aYixrayeli ikano ni malamulo kineeraaka kooxuttiheni. Mwiiwelele yaawo weera mukhale ni okumi ni mwakuxe elapo Yave Muluku a makholowaanyu onoovahaaweni.

Deuteronomiyo 4:26

vanonto, wiirimu ni vathi ti anamoonaaka olelo weera nyuwosa munoophwatiwa woowaakuveya mweelaponi mwa yeeyo munkuxaanyu woomulapuwa Yordanu. Nyuwo khamukhalaxawo, mene munoophwatiwa woomalela.

Deuteronomiyo 4:6

Mwiiwelele nnenesene niwoko eyo enimoonihera miloko sikina mirukusanyu ni osuwelawanyu. Iyo siiwaru ikano sootheene iyo, nseere: “Vekhaikhai muloko ola mutokotoko ti musuweli ni wa miruku.”

Deuteronomiyo 5:32

Tivawo, mwiipasoope woopaka sootheene Yave Mulukwaanyu oolamulenlaaweni; muhihapuweru.

Deuteronomiyo 5:33

Mweetteke mahuku ootheene mphironi Yave Mulukwaanyu oolamulenlaaweni weera mukhale ni okumi, sootheene siweetteleni nnene, ni mahukwaanyu yaandyeerereye mweelaponi muneeraanyu mukuxe.

Yoxuwa 24:20

Nyuwosa mwamuhiya Yave murumeelaka miluku sikina, Owo onimoorukunuwelani ni onimoottaruxani. Naari areene a nnene ni nyuwosa, owo onimoophwatasani.”