1 Nyaha 28:20 - Emakhuwa Bible

²⁰ Davide aamweerelatho: “Olipe ni ominye murima! Ovare muteko! Ohoove hata ohiporore, niwoko Muluku, Yave Mulukwaaka, ori ni weyo. Owo kharwa oohiya hata oothaama mpaka omala otekiwa wootheene wa Empa ya Yave.

1 Nyaha 28:20 Iomraidhean Croise

1 Mamwene 6:38

Empa ya Yave yootheene vamoha ni sootheene saatthuneya ni saalakeliwe yaamalihiwe vayaakhani muloko niimoha, mmweerini wa naathannamiraru wiitthaniwa Buli. Salomoni aavirihale iyaakha ithannapiili atekaka.

1 Nyaha 22:13

Weyo sinooweettela nnenesene wiipasoopa wiiwelela ikano ni malamulo Yave aavanghaawe aYixrayeli mwa Moisesi. Olipe ni ominye murima! Ohoove ni ohiporore!

1 Nyaha 28:10

Woone, Yave oothanlenle oteka Empaawe mwa yeeyo eniikhale Nipuro Nootteela*. Olipe ni ovare muteko.”

2 Nyaha 19:11

Mutokweene a asaserdoti* Amariya onookhala ni nyuwo weera alakele wakhalaru mulattu onghima sa Yave, ni Zebadiya, mwaana mulopwana a Yixmayeli, muhooleli a epuumba ya Yuda, onookhala ni nyuwosa weera alakele wakhalaru mulattu onghima sa mwene. aLeevi animookhaviherani mwa sootheene iyo. Mukwanihereke sootthuneyasanyu moolipihani murima. Yave akhale ni yaawo ampaka nnene.”

Ezera 10:4

Mvenye; mulattu ola ori mmatatanimwanyu. Hiyo nnimookhaviherani; vano mulipihe murima ni mpake yeeyo.”

Yesaya 41:10

Vano muhoove niwoko Miyo kiri ni nyuwo; muhitteenguwe niwoko Miyo ti Mulukwaanyu. Miyo kinimoolipihani ni kinimookhaviherani. Kinimoovarelani ni ntatanaka noolopwana noowina.

Yesaya 41:13

Niwoko Miyo ti Yave Mulukwaanyu kinoovarelani ntatananyu noolopwana kiweerelakani: Muhoove, Miyo kinimookhaviherani.

Axewu 1:13

Vano Axewu, namutthenga a Yave, aaronghela muloko mutthenga wa Yave ola: “Miyo kiri ni nyuwosa,” onghima Yave.

Axewu 2:4

Mene vano, mulipihe murima Zerubabeli,’ onghima Yave. ‘Mulipihe murima, Yoxuwa, mwaana mulopwana a Yehozadaki, mutokweene a asaserdoti*. Mulipihe murima! ootheene nyuwosa a muloko wa mulaponi ni muvare muteko,’ onghima Yave, ‘niwoko Miyo kiri ni nyuwosa,’ onghima Yave a ikuru sootheene.

aRooma 8:31

Nneereke hai sa itthusene seiya? Muluku aari ni hiyo, taani aniittane ni hiyo?

1 aKorinto 16:13

Mukhale oowehaweha, mukhaleke oowiilipiha munroromeloni, mukhale alopwana oolipiha murima, mukhale oolipa.

Deuteronomiyo 31:6

Mukhaleke oolipa ni oominya murima. Muhoove hata muhitteenguwe seiyo, niwoko Yave Mulukwaanyu onookhala ni nyuwo. Khoohiyani meekhiinyu.”

Deuteronomiyo 4:31

Vano Yave Mulukwaanyu ti Muluku a ikharari. Owo khoohiyasani hata khoophwatasani naari khattiwala wiiraana aapakenlaawe makholowaanyu ni nlipelo.

aHeberi 13:5

Muhilamuliweke ni osivela wa musurukhu, ni muhakalaleleke yeeyo murinaanyu, niwoko Muluku mwaneenaawe eenre:“Nkirwa koohiya, naari koothaama.”