1 Nyaha 26:13 - Emakhuwa Bible

¹³ Yaampaka mwaathanle eriyari ya imusi vamoha ni amiravo ni asitokweene, weera ewehaweheke khula mulako.

1 Nyaha 26:13 Iomraidhean Croise

1 Nyaha 24:31

Awosatho yaampaka mwaathanle vamaithoni wa mwene Davide, Zadoki, Ahimeleki ni mapwattapwattha a imusi sa asaserdoti* ni sa aLeevi, mooteene yoole yaapankaaya axunnaya, a ekhapira ya Aharoni. Imusi sa axunnaya a ntthaara saapakeliwe mooteene yoole saapakeliwaaya imusi sa axunna asikhaani.

1 Nyaha 24:5

Awosa yaakawanyihiwe moota woororomeleya ottharihiwaka mooreereliwani, niwoko yaakhala ahooleli erumeelaka vaNipuroni Nootteela*, ni ahooleli akina emurumeelakawo Muluku, ekhalaka a ekhapira ya Eleyazari nitho ya Itamari.

1 Nyaha 25:8

Vano yaampaka mwaathanle eriyari ya amiravo ni asitokweene; ahusiha ni oohusera weera yaavahe sootthuneyasaya.

1 Nyaha 26:12

Iya saari mikuttula sa anamalipelela a milako, saattharihaka asitokweenaaya, ni awosa yaarumeela Mpaani mwa Yave, ntoko amusaaya akina.

1 Nyaha 26:14

Mulako wa mpatta ninkhuma nsuwa aareereliwe ti Selemiya. Vano, aathanleleiye ti mwaniye mulopwana Zakariya, namalaka a miruku, ni mulako wa mpatta wa ottuttuwani aathanleleiye yoowo.