1 Nyaha 25:6 - Emakhuwa Bible

⁶ Asilopwana ootheene ala yaawehawehiwa ni asitithaya mmutekoni mwa icipo Mpaani mwa Yave, ni ikengere, atthakare ni amakita erumeelaka Mpaani mwa Muluku. Asafi, Yedutuni ni Hemani yaawehawehiwa ni mwene.

1 Nyaha 25:6 Iomraidhean Croise

2 Samuweli 6:5

Davide ni aYixrayeli ootheene yeetta yiinaka ni yiipaka ni murima wootheene vamaithoni wa Yave ni amakita, atthakare ikoma, ikaruma sikina sa nyiri ni ikengere.

1 Mamwene 10:12

Mwene aavarela muteko nyiri soorikaxa opaka ivarelelo wa Empa ya Yave ni wa empa ya emwene nitho weera epakiweno amakita ni atthakare a anacipo. Mpaka olelo khasinattuutteliwe itthaabwa soorikaxa oYixrayeli ntoko iye.

1 Nyaha 15:16

Davide aahaalamulelatho ahooleli a aLeevi weera yaathanle eriyari ya axunnaya anamwiipa yiipe icipo sa ohakalala, siipiwaka ni ikaruma sa icipo: atthakare, amakita ni ikengere.

1 Nyaha 15:19

Anamwiipa Hemani, Asafi, ni Eta waatthuneya wiipa ikengere sa ebronze*;

1 Nyaha 15:22

Kenaniya, mutokweene a aLeevi, aathanleliwe ociponi; owo waari mutekwaawe, niwoko owo annawerela mutekweene yoowo.

1 Nyaha 23:5

Vano macira miloko mixexe akina mutekwaaya okhaleke woolipelela milako, ni macira miloko mixexe akinatho emvuwiheke Yave ni ikaruma sa masoma, Davide aapankaawe ciireru.

2 Nyaha 20:28

Yaavolowasa oYerusaleemu, enarowasa Mpaani mwa Yave, erumaka amakita, makita a ifiiyu ni mapalapatta.

2 Nyaha 23:13

Iwe owo aamoona mwene eemenleene vamulako vanrimbuni. Asitokweene ni anamwiipa mapalapatta yaari muxerexere wa mwene, ni muloko wootheene waahakalala ni waahiipa mapalapatta; anamwiipa ekuxaleene ikarumasaya sa icipo, yaahoolela icipo. Vano Ataliya aahaahula soowarasawe, anakhuwela: “Koovarihiwa! Koovarihiwa!”

2 Nyaha 29:13

ya ekhapira ya Elizafani: Ximeri ni Yehiyeli; eriyari ya ekhapira ya Asafi: Zakariya ni Mataniya;

2 Nyaha 29:25

Mwene aahaathata aLeevi Mpaani mwa Yave ekuxaleene ikengere, amakita ni atthakare ntoko aalamulenlaawe Davide, Gadi, namoonihera* a mwene, ni mprofeeti Natani; yeeyo yaalamuleliwe ni Yave, mwa maprofeetaawe.

Nehemiya 11:17

Mataneya, mwaana mulopwana a Mika, mwaana mulopwana a Zabedi, mwaana mulopwana a Asafi, muhooleli aahoolela muloko moomutthapelani Muluku ni mmavekeloni, Bakebukeya, anaaveeli a axunnawe, Abeda, mwaana mulopwana a Xamuwa, mwaana mulopwana a Galali, mwaana mulopwana a Yedutuni.

Nehemiya 12:24

Asitokweene a aLeevi yaari Haxabiya, Xerebiya, Yexuwa, mwaana mulopwana a Kademiyeli ni asikhwaaya yaakhala ohoolowaya weera, mpatta mmoha wiipaka icipo sa olapa ni otthapela, mpatta mukina owaakhuleleke, ntoko Davide, mulopwana a Muluku aalamulenlaawe.

Nehemiya 12:46

Vano khalayeene vawo, mmahukuni a Davide ni Asafi, yaakhala ahooleli a anamwiipa ni atthu yaahoolela icipo sa omuttottopela ni omutthapela Muluku.

Icipo 68:25

Anamwiipa a icipo anrowa muhoolo ni vahoolowaya anakaruma a icipo vamoha ni asimwali ewiipaka akarakaxa.

awEfeso 5:19

muulumaka variyariwanyu ni masalmu ni icipo soohiyanahiyana sa Munepa, mwiipaka ni mwaattottopelaka Apwiya,

aKolosi 3:16

Masu a Kristu ekhaleke mwa nyuwo moota wookwana. Muxuttihane ni mulakane mukina ni mukhwaawe ni miruku sootheene, ni mwiipe masalimu ni icipo sikina sa mmunepani, muntthapelaka Muluku mmirimanimwanyu.