1 Nyaha 24:2 - Emakhuwa Bible

² Nadabe ni Abihu, ti yaapacenre okhwa ehinaaye atithaya, ni khayaayanreru; tivawo Eleyazeri ni Itamari paahi yaarumeelaaya ntoko asaserdoti*.

1 Nyaha 24:2 Iomraidhean Croise

Okhuma 24:1

Vano Yave aamweerela Moisesi: “Ngweleke vamwaako weera munkumaneno Yave – nyuwo vamoha ni Aharoni, Nadabi, Abiyu ni asitokweene miloko mithannamiili a aYixrayeli. Mulape ottai ottai.

Okhuma 24:9

Moisesi, Aharoni, Nadabi, Abiyu ni asitokweene miloko mithannamiili a aYixrayeli yaawela

Okhuma 29:9

ni yootthukano mmuru. Muntthukeletho laamba Aharoni ni anamwanaawe asilopwana. Hiiho osaserdoti* ti wawaya niwoko na nlamulo noohimala. Vano nyuwo munkhalihe Aharoni ni anamwanaawe asilopwana moota ola.

Okhuma 6:23

Aharoni aamuthela Elixeba, mwaana a Aminadabi ni murokoriye Nakhexoni. Owo aamuyarano Nadabi, Abihu, Eleyazara ni Itamara.

Levitiku 10:12

Moisesi aamweerela Aharoni ni anamwane asilopwana yaahanle, Eleyazari ni Ithamari: “Mukuxe yooveleela ya irooro ehanle mwa yoomveleelela Yave erehereriwe vayikho, muceleke yoohikhalano eferementu mukerekhere valtaarini*, niwoko ti yootteelaxa.

Levitiku 10:2

Vano Yave aarumiha mooro onaalaliha ni yaahookhwa vamaithoni wa Yave.

Nuumeru 18:7

Vaheera nyuwo ni anamwaniinyu paahi murumeeleke ntoko asaserdoti* mwa sootheene sa valtaarini* siri wiithela eluttu. Kinoovahani nyuwo muteko wa esaserdoti ntoko yoovaha. Akhalaru mutthu ohitthuniheriwe anaattamele Nipuro Nootteela* iiviweke.”

Nuumeru 26:61

Vaheera Nadabe ni Abiwu yaahookhwa yaapakaaya yooveleela ni mooro woohitthuniheriwa vamaithoni wa Yave.

Nuumeru 3:2

Masina a anamwane asilopwana a Aharoni ti ala: Nadabi, mwaana a ntthaara, Abiyu, Eleyazari ni Ithamari.

Nuumeru 3:4

Vanonto Nadabi ni Abiyu yaahookhwa ohoolo wa Yave yaamuruuhenlaaya yooveleela ni mooro yoohitthuniheriwa, munikareni na oSinayi. Yeenre yahikhalakano anamwane, Eleyazari ni Ithamari ti yaarumeela ntoko asaserdoti* mweehuhuni ya atithaya Aharoni.