1 Nyaha 23:28 - Emakhuwa Bible

²⁸ Sootthuneya sa aLeevi, waari okhavihera ikhapira sa Aharoni mmutekoni wa Empa ya Yave: yaawehaweha mapuwa, isaala sa omokoni, mootteelihani wa itthu sootheene sootteeliheriwa ni miteko sikina sa Empa ya Muluku.

1 Nyaha 23:28 Iomraidhean Croise

1 Mamwene 6:5

Vaxirini sa vaate wa ekwartu etokweene ni Nipuro Nootteelaxa* aatekelela ikwartu sikina saarukureenre.

1 Nyaha 18:17

Benaiya, mwaana mulopwana a Yehoyada, aalamula aKereti ni aPeleti; anamwane asilopwana a mwene Davide yaari asitokweene yaamuhoolelaxa.

1 Nyaha 23:27

aLeevi yaahaalikeliwa, okhuma a iyaakha miloko miili woorowa ohoolo, sittharihiwaka soolamula sookisera sa Davide.

1 Nyaha 23:29

Yaawehaweha epaawu yootteeliheriwa, ephepa yoopakela sooveleela sa irooro, iboolu soohikhalano eferementu, wooxa epaawu ni weetheya ephepa vamoha ni olemela ni miringo sootheene.

1 Nyaha 23:4

Davide aahaathanla 24 000 a yaawosa weera ewehawehe muteko wa Empa ya Yave, nitho macira miloko mithannamosa weera ekhale asitokweene ni aphuki.

1 Nyaha 28:13

Aamuxuttihatho makawanyihero mikuttula sa asaserdoti*, sa aLeevi ni mavarelo miteko sootheene Mpaani mwa Yave, ni ikaruma seera sivareliweke muteko.

2 Nyaha 23:4

Nyuwosa mpakaseke ha: Mpattaanyu wanaararu wa nyuwosa asaserdoti* ni aLeevi eniivoloweke muteko nihuku na eSaabadu, owehaweheke mmilakoni sa Empa ya Yave,

2 Nyaha 23:6

Ahikhaleru anaavolowe Mpaani mwa Yave ehikhanle asaserdoti* ni aLeevi eneera evolowe muteko; awosa evolowaseke niwoko aatteelihasiwa, vaheera asilopwana ootheene akina ewehexexeke yeeyo alamuleliwaaya ni Muluku.

2 Nyaha 29:15

Aathukumanyingheene amusaawe ni yiitteelingheene, aLeevi yaarowasa otteeliha empa ya Yave, ntoko aalamulenlaawe mwene, ngwiiwelelani masu a Yave.

2 Nyaha 29:5

aneera: “aLeevi mukiwiriyane! Vano mwiitteelihase nyuwosa ni Empa ya Yave, Muluku a makholowaanyu. Mvenxe vaNipuroni Nootteela* yeeyo eri yoohitteela.

2 Nyaha 31:11

Hezekiya aalamulela weera ereherere moothokorora Mpaani mwa Yave ni yaapakiwa hiiho.

2 Nyaha 31:2

Hezekiya aahaathanla asaserdoti* ni aLeevi moorandelanani, khula mutthu ni sootthuneyasawe: opaka sooveleela soohisa ni sa murettele, orumeela, otthapela ni wiipa icipo soomvuwiha mmilakoni sa woomaka wa Yave.

Ezera 8:29

Muthokorore nnenesene mpaka muneeraanyu mwaringe mmakwartuni mwa Empa ya Yave oYerusaleemu vamaithoni wa asaserdoti* asitokweene, aLeevi ni mapwattapwattha a aYixrayeli.”

Nehemiya 11:24

Petaheya, mwaana mulopwana a Mexezabeli, a ekhapira ya Zera, mwaana mulopwana a Yuda, aari mwaakhula a mwene onreherera makacamiho mmawani.

Nehemiya 13:9

Kaalamulela orapihiwa ikwartu ni kaahokoloxeramo ikaruma sa Empa ya Muluku ni sooveleela sa irooro ni erubani*.

Yeremiya 35:4

Miyo kaahaarongha Mpaani mwa Yave, vasaala ya anamwane asilopwana a Hanani, mwaana mulopwana a Higedaliya, mulopwana a Muluku. Esaala yaari mukerekhere esaala ya ahooleli ni vathivaya yaari esaala ya Maaseya, mwaana mulopwana a Xalumi, namalipelela a mulako.

Ezekiyeli 40:17

Vahoolowaya, aakirongha vanipuwani na omokoni. Kahoonawo ikwaartu ni yoonyikalela yaapakiwe erukureerihiwaka nipuwa nootheene; wa yoonyikalela yootheene saakhalamo ikwaartu miloko miraru.

Ezekiyeli 41:26

Muxirini sa omokoni wa nipithela*, saakhala ixanela sikhaani ni mavare exireeneeyo. Ikwaartu sa mukhwipi mwa Empa ya Muluku, saasukatho.

Ezekiyeli 42:13

Vahoolowaya, mulopwana ole aakeerela: “Ikwaartu sa mpatta wa ottuttuwani ni ohitto singwehana onipuwani na Empa ya Muluku ti ikwaartu mwa seiyo asaserdoti* ammwaattamela Yave ancaayawo sooveleela sootteelaxa. Weiwo awosa anthokorora sooveleela sootteelaxa –sooveleela sa irooro, sa soottheka ni sa nthowa, niwoko nipuro nno ti nootteela.

Ezekiyeli 42:3

Mpatta mmoha wa ikwaartu waarakamelana imeetru* muloko okhuma nipuwa na mpuwa mpaka mpatta mukina wa soonyikalela sa nipuwa na omokoni, waatekeleliwamo ohoolo wa impa tthaaru soothataanyerana.

Ezekiyeli 44:14

Wa soothesene, Miyo kohaavaha sootthuneya sa Mpaani mwa Muluku, ni miteko sootheene sintthuneya opakamo.