1 Nyaha 22:13 - Emakhuwa Bible

¹³ Weyo sinooweettela nnenesene wiipasoopa wiiwelela ikano ni malamulo Yave aavanghaawe aYixrayeli mwa Moisesi. Olipe ni ominye murima! Ohoove ni ohiporore!

1 Nyaha 22:13 Iomraidhean Croise

1 Mamwene 2:2

“Miyo kihanle vakhaani okhwa. Mwiilopwaneihe, mukhaleke oolipa.

1 Mamwene 2:3

Mwiiwelele yeeyo Yave Mulukwaanyu ontthunaawe: Mweette mphironimwawe ni mwiiwelele ikanosawe ni soolamulasawe; malamulowaawe ni sootthuneyasawe, ntoko elempwalaaya muNlamuloni na Moisesi. Hiiho itthu sinooweettelani nnenesene mwa sootheene muneeraanyu mpake ni mmapuroni moothemwene muneeranyu murowe.

1 Nyaha 28:10

Woone, Yave oothanlenle oteka Empaawe mwa yeeyo eniikhale Nipuro Nootteela*. Olipe ni ovare muteko.”

1 Nyaha 28:20

Davide aamweerelatho: “Olipe ni ominye murima! Ovare muteko! Ohoove hata ohiporore, niwoko Muluku, Yave Mulukwaaka, ori ni weyo. Owo kharwa oohiya hata oothaama mpaka omala otekiwa wootheene wa Empa ya Yave.

1 Nyaha 28:7

Owo apwaherera wiiwelela malamulowaaka ni soorumasaka ntoko ompakaawe olelo, kinoolipiha omwenaawe wa mahuku ootheene.’

2 Nyaha 14:6

Aaraselatho oYuda isidade soolipihiwa, niwoko yaari ehuhu ya murettele. Khaawo yaangwananne mweehuhuni ya iyaakha iye, niwoko Yave aamwiitthuuwiha.

2 Nyaha 20:20

Oyaaka ni oxa yaattimula, erowaka onikareni na oTekowa. Yaavenyaaya, Yehoxafati aaweerelasa: “Mukiiwe Yuda ni muloko wa oYerusaleemu! Munroromele Yave, Mulukwaanyu, ni nyuwosa munoolipihiwa; mwaaroromele maprofeeti a Yave ni munoowina.”

2 Nyaha 26:5

Owo aamwaasa Muluku mweehuhuni ya okumi wa Zakariya, mwa yoowo aamuhusihale moomoovani Muluku. Mweehuhuni yootheene Uziya aamwaasaawe Yave, Muluku aamweettiherela nnene.

2 Nyaha 32:7

“Mukhale oolipa ni mminye murima. Muhoove hata muhiporore mwaha wa mwene a wAsiriya ni wa anakhottwaawe ancipale, niwoko hiyo nookhalano Mmoha ooweraxa opwaha owerawaya.

Icipo 1:3

Owo ori ntoko mwiri ophatteiwe mukerekhere mooloko: oniima ehuhu yootthuneya ni makukhwaaya khaannyaala. Soothesene ompakaawe sinoomweettela nnenesene.

Icipo 119:6

Hiiho nkinuulihiheya muru wootthara malamulowaanyu ootheene.

Icipo 72:1

Ii! Muluku, mungwarihe mwene ororomeleyawanyu; mwaana a mwene ni ekhaikhaiyaanyu

Axewu 2:4

Mene vano, mulipihe murima Zerubabeli,’ onghima Yave. ‘Mulipihe murima, Yoxuwa, mwaana mulopwana a Yehozadaki, mutokweene a asaserdoti*. Mulipihe murima! ootheene nyuwosa a muloko wa mulaponi ni muvare muteko,’ onghima Yave, ‘niwoko Miyo kiri ni nyuwosa,’ onghima Yave a ikuru sootheene.

Zakariya 8:9

Yave a ikuru sootheene oneera ha: ‘Nyuwosa muniiwa masu ala olelo ahimmwale ni maprofeeti yaapaceriwaaya mathipelo a Empa ya Yave a ikuru sootheene, mukhale nyoono wii weera Empa ya Yave etekiwe.

Matheyo 3:15

Yeesu aamwaakhula: “Muhiye hiiho! Ontthuneya weera nikwanihere yeeyo Muluku ontthunaawe.”Yohaane aamwaakhulela.

Miteko 13:22

Vahoolo wa omukhootta Sawuli, aamukhaliha Davide ntoko mwene, mwa yoowo Muluku aamukhalenlaawe onamoona eeraka: ‘Koompwhanya Davide, mwaana a Yixai, mulopwana a vamurimaniwaka. Owo anaapake sootheene seiyo siri sa otthunawaka.’

1 aKorinto 16:13

Mukhale oowehaweha, mukhaleke oowiilipiha munroromeloni, mukhale alopwana oolipiha murima, mukhale oolipa.

aGalata 6:2

Mwaakhelaneke mirindi soolemela, ni hiiho mukwanihere nlamulo na Kristu.

awEfeso 6:10

Vanonto, mwiilipihe mwa Apwiya ni mwa ikurusaya sitokotoko.

2 Timootheyo 2:1

Tivawo, weyo mwanaka, olipihere murima mmahalani ari mwa Kristu Yeesu.

Yakobe 2:8

Nyuwo mwatthara nlamulo na Mwene nimphwanyeya mwa Yoolempwa* neenre: “Munsivele mukhwiinyu ntoko muniisivelaanyu mwaneenaanyu,” munoopaka moota wooreera.

Yoxuwa 1:18

Yoowo anaarambure mahusihowaanyu ahiiwelelaka yoohimaanyu apakeye yeeyo muneeraanyu mulamulele, iiviwe. Mukhaleke paahi ookhomaala ni oolipa murima.”