1 Nyaha 21:8 - Emakhuwa Bible

⁸ Vano Davide aamweerela Muluku: “Kootthekaxa ni yeeyo kipankaaka. Vano miyo kinoodyoonttelelani weera mulevelele yoottheka ya murumeiyaanyu, niwoko kootepaxa opaka ya ololo.”

1 Nyaha 21:8 Iomraidhean Croise

Epacerero 34:7

Ehokolowakaru anamwanaawe Yakobe ntuphini, ni esuwelaka sootheene, yaathananaxa ni onyoonyiwa. Niwoko Xekhemi aapaka etthu yoowuulihaxa muru oYixrayeli woomukoniha mwaana a Yakobe – etthu ehineeriwa!

2 Samuweli 12:13

Vano Davide aamweerela Natani: “Koomutthekela Yave.” Natani aamwaakhula: “Yave oolevelela yootthekaanyu. Nyuwo khamukhwa.

2 Samuweli 13:13

Eniikeereni? Nkitapuxeye hai overuliwawaka? Eheeni eniyookhaleeni? Nyuwo enimoomorelani erisa oYixrayeli. Dyoontte, muulume ni mwene. Owo onimootthuniherani weera nithelane.”

2 Samuweli 24:10

Aalikenleene muloko, Davide aatondolowa, anamweerela Yave: “Kootthekaxa wa yeela kipankaaka. Vano kinoodyoonttelelani weera mulevelele yoottheka ya murumeiyaanyu niwoko koopaka ya ololo.”

1 Nyaha 21:7

Nlamulo nno khanaakhuleliwetho ni Yave, tivawo yaattaruxiwaaya aYixrayeli.

2 Nyaha 10:9

Owo aahaakohasa: “Murino miruku heeni? Moota heeni nneeraahu naakhule muloko ola onkeerela: ‘Mvukule onilemelihera wa atithinyu?’”

Icipo 25:11

Ii! Yave, mulevelele sootthekasaka sirookhalaru sitokotoko, mwaha wa Nsinanaanyu.

Icipo 32:5

Vanonto koolapa sootthekasaka, kihiipithihakatho mitekosaka soonanara. Keenre: “Kinoolapa sootthekasaka wa Yave,” ni Nyuwo mooleveleela nthowa na seiye.

Yeremiya 3:13

Mulape nthowananyu paahi. Moomvaanya Yave Mulukwaanyu, mohiixinnyerera wa miluku sikina vathi wa nyiri sootheene soopombaxa ni khamukiiwelenle Miyo,” onghima Yave.

Hoxeya 14:2

Oreherere yoohima ni ohokoleele wa Yave. Mumvekele ha: “Mulevelele sootthekasahu sootheene ni mukhararinimwanyu munaakhulele weera noovaheeni sootthapela sa iyanosahu ntoko imombe simveleeliwa.

Yohaane 1:29

Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

1 Yohaane 1:9

Vaheera nalapa sootthekasahu, Muluku ti oororomeleya ni oothoriha nnene – onoolevelela sootthekasahu ni onoonitteeliha sa sootakhala sootheene.

1 Samuweli 13:13

Samuweli aamwaakhula: “Moheetta ololo! Khamwiiwelenle nlamulo Yave Mulukwaanyu oovanghaaweni. Mwiiwelenle, saano akhalihaleene omwenaanyu mwaalamulaka aYixrayeli mahuku ootheene.

1 Samuweli 26:21

Sawuli aamwaakhula: “Koottheka. Ohokolowe, mwanaka, Davide. Olelo wohuurela okumaaka. Nkoopakatho yoonanara. Vekhaikhai koheetta ntoko mulolo kitapanyaxaka.”