1 Nyaha 17:9 - Emakhuwa Bible

⁹ Kinoovaha nipuro mulokwaaka aYixrayeli, ni kinimwaatekihawo, weera ekhaleno etthokwaaya ni ehikacamihiwetho. Khasaahasulatho miloko sootakhala ntoko saapakaaya khalayi,

1 Nyaha 17:9 Iomraidhean Croise

1 Nyaha 17:10

ni saapaka okhuma ehuhu kaathanlenlaaka aphuki mulokwaaka aYixrayeli. Kinimwaaphwatatho amwiittanaaya ootheene. Kinooleelani weera Miyo, Yave, kinimoovahani omwene.

1 Nyaha 17:8

Miyo kaari ni nyuwo moothemwene mweettaanyumo, ni kaahaamalamaliha amwiittanaanyu ootheene. Vano, kinimookhalihani oowiiwanyeyaxa ntoko atthu oottittimiheyaxa a mulaponi.

Icipo 44:2

Mohoomola miloko ni matataanyu, munaamakiha makholowaahu mulaponimwaya. Mwaaphwata miloko munaakhaliha nnenesene makholowaahu.

Icipo 89:22

Khawoworu mwiittana anaamunyesererihe oliva musoko; khawoworu oohiroromeleya anaamuhasule.

Icipo 92:13

ephatteiwe Mpaani mwa Yave; awosa anoottuva mmapuwani mwa Mulukwaahu.

Okhuma 2:23

Vahoolo wa ehuhu yincipale, aahookhwa mwene a wExipitu. aYixrayeli yanniixiinlela ekhuwelaka niwoko na opottha. Ni Muluku aahiiwa okhuwelawaya.

Yesaya 49:17

Anamwaniinyu asilopwana waakuva orukunuwa ni yaale yoohuhunleni aasusa wa nyuwo.

Yesaya 60:18

Mulaponimwanyu khawiiwanyeyatho wuulummwa sa mapuhero naari sa mathala a ophwatiwa mmwiinanonimwanyu, mene munimwiitthana ixirisanyu Ovuluxa ni milakosanyu Ottottopela.

Yesaya 61:3

kaakosoope yaale aniinla oSiyoni kaavahaka ecireemba yooreera vanipuroni na ettuura, makhura a ohakalala vanipuroni na olalamika ni mukaandyo wa ottottopela vanipuroni na munepa wooriipiwa. Awosa animwiitthaniwa ikaravalyu* sa ororomeleya soophatteiwa ni Yave ntoko eyoonihero ya ovuwawawe.

Yeremiya 24:6

Kinimwaapwattha, ni nkinaahokoloxera elapweene yeela. Miyo kinimwaatekiha, kihaaphwataka; Miyo kinimwaatikithera, kihaavenxaka.

Yeremiya 32:41

Kinoohakalalela waapakelawaka nnene, ni kinimwaakhaliha oolipeene mulaponimu ni murimaaka wootheene ni okumaaka wootheene.

Ezekiyeli 28:4

Mweesuwelonimwanyu ni ngwiiwexexanimwanyu nyuwo moophwanya mihakhu munathukumanyiha eyuuma yoorikaxa ni eparatha* mmihakhunimwanyu.

Ezekiyeli 34:13

Miyo kinookhumiha mmilokoni sikina, kithukumanyiheke, kihokoloxaka omilokoni sikina, kiruuhelaka mulaponimwaya. Kinoociha mmanyaakoni sa oYixrayeli, mureyareyani ni mmittettheni sootheene sa elapo.

Ezekiyeli 37:25

Eniikhalase mulaponi kimvanghaaka murumeiyaaka Yakobe, elapoweene yeeyo yaakhalaaya makholowaaya. Awosa vamoha ni anamwanaaya, mpakatho osuulwaaya eniikhalewo wa mahuku ootheene, ni murumeiyaaka Davide onookhala mwaana a emwenaaya wa mahuku ootheene.

Amosi 9:15

Kinimwaatekiha aYixrayeli mulaponimwaya ni kheevenxiwamotho mulaponi kaavanghaaka,” onghima Yave, Mulukwaanyu.

awEfeso 5:6

Ahikhale anoolokottheni ni masu a siiyo. Siri niwoko na itthusene seiyo isara sa Muluku sinaakhuruwela atthu oohiiwelela.

Ethupululo 21:4

Owo anuukutthe mmaithonimwaaya maithori ootheene. Khoorwa okhala okhwa, hata olalamika, hata wiinla, naari ovoreiya, niwoko itthu soopacera soovira.