1 Nyaha 17:8 - Emakhuwa Bible

⁸ Miyo kaari ni nyuwo moothemwene mweettaanyumo, ni kaahaamalamaliha amwiittanaanyu ootheene. Vano, kinimookhalihani oowiiwanyeyaxa ntoko atthu oottittimiheyaxa a mulaponi.

1 Nyaha 17:8 Iomraidhean Croise

Epacerero 28:15

Vano Miyo kiri ni nyuwo, ni nkookosoopeni mpaka weiwo muneeraanyu murowe, ni nkoohokoloxereni elapweene yeela, niwoko nkirwa koohiyaani mpaka eneeraaya epakeye yeeyo koororomelinghaakani.”

2 Samuweli 22:1

Davide aamwiipela Yave ecipo ela Yave amooponleene mmatatani mwa amwiittanaawe ootheene ni mwa Sawuli.

2 Samuweli 7:9

Mmapuroni moothemwene mwaaviraviraanyu kaari ni nyuwo. Kohaawina amwiittanaanyu ootheene ohoolowanyu. Vano kinoovuwiha nsinananyu, ntoko masina a atthu oottittimiheyaxa mweelaponi ya vathi.

2 Samuweli 8:6

Davide aakhaliha mikuttula sa masintinela moomweneni wa awArami oDamasku ni awArami yaalamuliwa ni yoowo, emulivaka musoko. Vano Yave aanangwiniha Davide mmipattani sootheene aarowaawe.

2 Samuweli 8:8

Owo aakuxatho ebronze* yincipale oTeba ni oBerotayi, mittetthe sa Hadadezeri.

1 Nyaha 14:17

Hiiho epili ya Davide yaamwareela elapo yootheene, ni Yave aapakiha weera miloko sootheene simoove.

1 Nyaha 17:17

Ii! Yave Muluku, eyo ereene ntoko yoohookwanani, mohuulumatho sa muhoolo sa emusi ya murumeiyaanyu. Ii! Yave Muluku, munnakipwattha ntoko mutthu oottittimiheyaxa.

1 Nyaha 17:2

Natani aamwaakhula Davide: “Mpake yeeyo munuupuwelaanyu, niwoko Muluku ori ni nyuwo.”

1 Nyaha 17:7

Vano mmweerele murumeiyaaka Davide: ‘Yave a ikuru sootheene, oneera ha: Miyo kohoovenxani moocihamo mukosoopaka muhuwo, weera mukhale oolamula mulokwaaka aYixrayeli.

1 Nyaha 17:9

Kinoovaha nipuro mulokwaaka aYixrayeli, ni kinimwaatekihawo, weera ekhaleno etthokwaaya ni ehikacamihiwetho. Khasaahasulatho miloko sootakhala ntoko saapakaaya khalayi,

Ezera 4:20

oYerusaleemu waakhalano mamwene a ikuruxa yaalamula ilapo sootheene sa okhopela mooloko Efratesi ni yaaliviwa misoko, mucaango ni soolivela.

Icipo 18:1

Davide aamwiipela Yave ecipo ela Yave aamooponlaawe mmatatani mwa amwiittanaawe ootheene ni mwa Sawuli. Davide eenre: Ii! Yave, Nyuwo ti ikurusaka; kinnoosivelani!

Icipo 46:11

Yave a ikuru sootheene ori ni hiyo; Muluku a Yakobe ti Nipuronahu Noolipaxa. Sela*

Icipo 46:7

Yave a ikuru sootheene ori ni hiyo; Muluku a Yakobe ti nipuronahu noolipaxa. Sela*

Icipo 71:21

Munimwaandyeerera ottittimiheyawaka mukipepesakatho.

Icipo 75:7

Ti Muluku onthoriha. Mmoha Owo onoomuyeviha ni mukina onoomvuwiha.

Luuka 1:52

Aahaakuruxa mamwene muhicenimwaya, mene aahaaweliha oowiiyeviha.

1 Samuweli 18:14

Sootheene Davide aapakaawe sannamweettela nnenesene, niwoko Yave aari ni yoowo.

1 Samuweli 18:28

Sawuli asuwelakaru weera Yave aari ni Davide ni weera Mwanawe muthiyana, Mikali annamusivela,

1 Samuweli 26:10

Kinlipela mwa Nsina na Yave weera Owo muneenaawe onoomwiiva, hoye hoye eniiphiyere ehuhu ni owo anaakhwe, naari anaarowe okhottoni ni anaariheye.