1 Nyaha 17:20 - Emakhuwa Bible

²⁰ Ii! Yave, khawoworu onlikana ni Nyuwo, hata khawoworu muluku mukina woohiyani Nyuwo, ntoko niiwalaahu.

1 Nyaha 17:20 Iomraidhean Croise

1 Nyaha 17:19

ii! Yave. Woomusivela murumeiyaanyu, ni muttharihaka otthunawanyu, moopaka etthu etokotoko ela munasuweliha soororomeliha sitokotoko sootheene iya.

1 Nyaha 17:21

Khoowoworu muloko mukina onlikana ni mulokwaanyu aYixrayeli. Mulukwaaya aarowa wiixoopolela muloko eriyari ya miloko sootheene. Aahiipakela epili, apakaka sootikhiniha sitokotoko sootava murima, woowoomola miloko ohoolo wa muloko aatapunxaawe wExipitu.

Icipo 44:1

Ii, Muluku! Nohiiwa ni maaruwaahu; makholowaahu yaanithalihera seiye mwaapankaanyu mmahukunimwaya; ehuhuweene yeele ya khalayi.

Icipo 86:8

Yave, khasiwoworu miluku soowoolikanxerani; mitekosanyu ti soohilikanxereya.

Icipo 89:6

Vano taani a wiirimu iwo oomulikanxera Yave? Taani a ikhalelo sa wiirimu onlikana ni Yoowo?

Icipo 89:8

Ii! Yave Muluku a ikuru sootheene, khawowo onlikana ni Nyuwo. Ii! Yave, Nyuwo ti a ikuruxa ni ororomeleyawanyu wohoorukureerani.

Icipo 97:9

Vano Nyuwo, Yave, ti Mutokweenexa a elapo yootheene; mumvuwihiwa opwaha miluku sootheene!

Okhuma 15:11

Taani a miluku sikina ori ntoko Nyuwo, Yave? Taani onlikana Nyuwo? Mutokweene mootteelanimwanyu; ooweraxa mmutekoni woovuwa, Muneene a sootikhiniha.

Okhuma 18:11

Vano koosuwela weera Yave ti mutokweene oopwaha miluku sootheene sikina, niwoko na yeeyo aapakenlaawe yaawo yaahasula aYixrayeli moota woowiixoona.”

Okhuma 8:10

Farawu* aamwaakhula: “Omaalo.” Vano Moisesi aamwaakhula: “Enimweereya ntoko mweenraanyu. Hiiho munoosuwela weera Yave, Mulukwaahu ti oohilikanxereya.

Okhuma 9:14

Mwaaheera hiiho, emaara ela, kinimoorumihelani mahooxowaaka ootheene ni anamalakaanyu ni mulokwaanyu weera nyuwo musuwele weera khawowo mukina ntoko Miyo mweelaponi ya vathi yootheene.

Yesaya 40:18

Muninlikanxera eheeni Muluku? Mummoona hai?

Yesaya 40:25

“Munkilikanxera taani? Taani onlikana ni Miyo?” onkoha Ootteela.

Yesaya 43:10

Yave onghima: “Nyuwosa ti anamoonaaka; nyuwo ti murumeiyaaka kimuthanlalaaka weera musuwele ni mukiroromele ni weera mwiiwexexe: Miyo ti Yoowo. Khoowowo muluku kihinaaye Miyo, naari khookhala vahoolowaka.

Yesaya 44:6

“Vano, Yave, mwene ni Mvuluxa a oYixrayeli, Yave a ikuru sootheene oneera ha: Miyo ti Oopacera ni Ookisera, kihikhanle Miyo khawowo muluku mukina.

Yesaya 45:22

Muhokoleele wa Miyo ni mvuluxiwe, nyuwosa a ekotenle elapo, niwoko Miyo ti Muluku ni Khoowowo muluku mukina kihikhanle Miyo.

Yesaya 45:5

Miyo ti Yave ni khawowo mukina; khoowowo muluku kihikhanle Miyo. Miyo kinimoolipihani naari muhikaakhulelaka,

Yesaya 63:12

ni ookonle moonowaawe woovuwaxa weera okhale moonowaawe mulopwana wa Moisesi, Yoole aakawanyinghe maahi ohoolowaya weera akwanihere epili yoohimala?

awEfeso 3:20

Wa Yoowo ongwera opaka woopwahaxa yeeyo yootheene hiyo nimvekelaahu, naari nnuupuwelaahu mwaha wa ikurusaya sinnivarela muteko mwa hiyo,

Deuteronomiyo 3:24

“Ii! Adonai Yave, moopacera omoonihera murumeiyaanyu ovuwawanyu ni ntatananyu nooweraxa. Khawowo muluku mukina wiirimu naari elapo ya vathi ongwera opaka mitekosanyu ni sootikhiniha mumpakaanyu.

Deuteronomiyo 33:26

Khawowo onlikana ni Muluku a Yexuruni oneetta wiirimu weera ookhavihereni, aani oneetta moovuwani mmahutteni.

Deuteronomiyo 4:35

Yave owooniherenleni itthu iye sootheene osuwela weera Yave ti Muluku. Khoowowo muluku mukina ahikhanle Yoowo.

Deuteronomiyo 4:39

Musuwele yeeyo olelo ni muhele vamurimani weera Yave ti Muluku a wiirimu ni vathi. Khawowo mukina.

1 Samuweli 2:2

Khawowo mukina ootteela ntoko Yave; Owo ti oohilikanxereya; khawowo mwala ntoko Mulukwaahu.