1 Nyaha 16:40 - Emakhuwa Bible

⁴⁰ Weiwo yaapaka sooveleela soohisa valtaarini* a sooveleela soohisa khula oxeexelo ni oxekuwa, ettharihaka sootheene silempwale munlamuloni na Yave, Owo aavanghaawe aYixrayeli.

1 Nyaha 16:40 Iomraidhean Croise

2 Samuweli 8:17

Zadoki, mwaana mulopwana a Ahitubi, ni Ahimeleki, mwaana mulopwana a Abiyatari, yaari asaserdoti*; Seraya aari namalepa a mwene.

1 Mamwene 18:29

Nsuwa naathetemanaaya, yaapwaherera okhuwelawaya mpaka ehuhu ya yooveleela ya ohiyu. Wa soothesene, khayaakhuliwa hata khawiiwanyeyaru oruma.

2 Nyaha 2:4

Kihanle vakhaani oteka Empa ya Muluku, kittittimiherelaka Nsina na Yave, Mulukwaaka. Kintthuna omutteelihera Yoowo, weera ehiseriwemo erubani* yoowunkhelaxa ohoolowawe, yooniheriwe woohihiyerera epaawu yootteeliheriwa, ni sipakiwe sooveleela soohisa khula oxeexelo ni oxekuwa, muSaabaduni, mfestani sa nyeeri sinyowani ni mfestani soothanliwa sa Yave, Mulukwaahu. Ela ti ekano yoohimala wa aYixrayeli.

2 Nyaha 31:3

Mwene aacaanga sooreelasawe wa sooveleela soohisa sa oxeexelo ni oxekuwa, ni wa sooveleela soohisa, wa iSaabadu, wa nyeeri sinyowani ni wa ifesta soothanliwa, ntoko elempwalaaya munlamuloni na Yave.

Ezera 3:3

Yaamoovelaru miloko saarukureenre, yaahaateka altaari* vasulu wa mathipelowaaya, enampakelamo Yave sooveleela soohisa – okhuma sooxeexelo mpaka sa wiilaka.

Daniyeli 9:21

vano miyo nlelo kivekelaka hiihale, Gabriyeli, mulopwana ole kaamonnaaka mmooneloni wa khalayi, aakaattamela avavaka woowaakuveya, wookwanaka ehuhu ya yooveleela ya oxekuwa.

Levitiku 9:17

Aaruuhatho yooveleela ya irooro, ananyottola, anahisera valtaarini*, ohiya sa sooveleela soohisa sa oxeexelo.

Amosi 4:4

“Murowe oBeteli ni mwatthekewo; murowe oGiligali ni mwatthekaxewo. Khula oxeexelo mpake sooveleelasanyu, mvahe sanaamulokosanyu khula vayaakhani yanaararu.