1 Nyaha 16:30 - Emakhuwa Bible

³⁰ Sithukumele ohoolowawe miloko sootheene! Elapo ya vathi yootekiheyaxa, ni eyo kheenttikinyeyaru!

1 Nyaha 16:30 Iomraidhean Croise

1 Nyaha 16:23

Khula oxekuwa mmwiipele Yave! Khula nihuku mulaleiye ovuluxawawe!

1 Nyaha 16:25

Vano Yave ti Mutokweene ni oophwanelaxa ovuwihiwa; Owo oovaxiweke opwaha miluku sootheene.

1 Nyaha 16:29

Muttittimihe Nsina na Yave moota nimphwanelaaya. Muruuhe sooveleela ni murwe vamaithoniwawe. Munlape Yave ngwaarani wa otteelawawe.

1 Nyaha 16:31

Irimu sihakalale ni etthaya etthape, ni eriyari ya miloko yeeriwe: “Onlamula ti Yave!”

Icipo 33:9

Vano Owo aahuuluma ni sootheene saapakeya; Owo aalamula ni sootheene saakhumelela.

Icipo 76:8

Wiirimu moohima nthorihelo ni elapo ya vathi yohoova, enamaala,

Icipo 93:1

Yave onlamula awarenleene sa otokweene; sa otokweene Yave oowarela ni oosareya ikuru. Elapo ya vathi eri yoolipeene ni kheenttikinyeya.

Icipo 96:9

Munlape Yave ngwaarani mwa otteelawawe; muthukumele ohoolowawe, amaki ootheene a mulaponi.

Icipo 99:1

Yave onlamula – miloko sithukumele; Owo onkilaathi vahiceniwawe ya emwene variyari wa akerubini* – elapo etetereyeke!

Yesaya 49:8

Yave oneera ha: “Mweehuhuni yoothanliwa Miyo kinoowaakhulani ni vanihukuni na ovuluxa kinimookhaviherani. Miyo kinimoothokororani ni kinoopakiha weera mukhale wiiraana wa muloko, weera mureherere elapo mukawaka soohiyeriwasaya soothaamiwa.

Yeremiya 10:12

Vano ti Muluku opattunxe elapo ya vathi ni ikurusawe; Owo aakhaliha yeeyo ni mirukusawe ni aakunga erimu ni wiiwexexawawe.

aKolosi 1:17

Sihinaaye sootheene, Owo aakhala, ni mwa Yoowo sootheene sookhala.

aHeberi 1:3

Mwaana ori otutha wa ovuwa wa Muluku, ni ethoonyeroweene yeeyo ya mukhalelo wa Muluku, akhalihaka sootheene ni ikuru sa nsunawe. Aakwanihenraawe otteelihiwa wa yoottheka, aakilaathi moono mulopwana wa ovuwa wa musulusulu.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”