Vano vaavaale Yave aahiixoonihera wa Abraamu, anamweerela: “Kinoovahani elapo ela ni wa ekhapiraanyu yootheene.” Vanonto Abraamu aamutekela Yave altaari* vanipuroni nne iixoonihenraawe.
Aamweerelatho: “Miyo ti Muluku a ikuru sootheene. Muyaraneke ni mwaandyeereraneke. Vano muloko, aani mpaka miloko sincipale, nsikhumelele mwa nyuwo, ni eniikhale mamwene variyari wa ekhapiraanyu.
Vanonto mwene Davide aaleeliwa: “Yave oomureeliha Obedi-Edomi ni emusaawe yootheene ni sootheene orinaawe niwoko na Arka* a Muluku.” Vano Davide ni ohakalala otokotokoko wa efesta aarowa vaate wa Obedi-Edomi, analamulela weera eronghiwe Arka* a Muluku esidade ya Davide.
Muluku aamweerelatho Moisesi: “Mwaaleele aYixrayeli: ‘Yave, Muluku a atithinyu, Muluku a Abrahaamu, a Isaki ni a Yakobe ti Yoowo okirumihale wa nyuwo.’ Nna ti Nsinanaka wa mahuku ootheene, Nsina mwa nenno kineeraaka kuupuweleliweno ikhapira ikhapirasene.
Ni nyuwo muri anamwane a maprofeeti ni a wiiraana Muluku aapankaawe ni makholowaanyu. Owo aamweerela Abrahaamu: ‘Niwoko na ekhapiraanyu miloko sootheene sa elapo ya vathi nsireelihiwe.’
Yave ookhumihanseni ni ntata nooweraxa anawoopolani mweelaponi ya okaporo mmatatani mwa Farawu*, mwene a wExipitu, niwoko noowoosivelani Yave ni nlipelo aapakenlaawe makholowaanyu.