1 Nyaha 15:15 - Emakhuwa Bible

¹⁵ Vano aLeevi yaahaakuxa Arka* a Muluku, yaathatelaka ni ikopo, ntoko Moisesi aalamulenlaawe, ettharihaka masu a Yave.

1 Nyaha 15:15 Iomraidhean Croise

2 Samuweli 6:12

Vanonto mwene Davide aaleeliwa: “Yave oomureeliha Obedi-Edomi ni emusaawe yootheene ni sootheene orinaawe niwoko na Arka* a Muluku.” Vano Davide ni ohakalala otokotokoko wa efesta aarowa vaate wa Obedi-Edomi, analamulela weera eronghiwe Arka* a Muluku esidade ya Davide.

2 Samuweli 6:13

Yaateexa Arka* a Yave yeettaaya malipa mathannamosa, owo aaveleelaawe emombe ni mwaamombe ooneneva.

1 Mamwene 8:8

Ikopo iye saari soorakama omakoteloniwaya waamooneya weemenleene hata ohoolo wa Nipuro Nootteelaxa*, mene khawooneyaru mpatta wa omokoni wa Empa ya Yave. Vano iye sookhala mpaka olelo.

1 Nyaha 13:10

Vano isara sa Yave saampattela Uza, ni Owo aamwiiva niwoko noowaatava Arka*. Uza aakhwenle vaavaale ohoolo wa Muluku.

2 Nyaha 5:9

Ikopo iye saari soorakamaxa moota wooweera okhwipiwaya waakhumela omokoni wa Arka* waangwereya wooneya mpatta wa ohoolo wa Nipuro Nootteela*, vaheera opwaha vaavawo khawaawereya; ni iyo siri wuuwu mpaka olelo va.

Okhuma 40:20

Aahiikaathitho itthaabwa sa Namoona mwaarkani*, aatthukelelamo ikopo ni aahiikaathera vasuluwaya yookhuneelano ya wiiraana.

Nuumeru 4:15

Aharoni ni anamwanaawe asilopwana yaamalihaka okhuneela ikaruma sootteelihiwa, aani itthu sootteelihiwa sootheene, ni muloko ohanleene vakhaani ottimula okonelingwe, aKohati erweeke eteexeke. Vaheera ehitave itthu sootteelihiwa weera ehikhwe. aKohati eteexeke ikaruma siri Muheemani mwa Muthukumano.

Nuumeru 7:9

Vaheera wa aKohati Moisesi khaavangheru etthu, niwoko awosa waatthuneya othatela ikaruma sootteeliheriwa mwa seiyo yaawehawehaaya.

Deuteronomiyo 10:8

Ehuhuweene yeele Yave aathanla epuumba ya aLeevi weera yaateexe Arka* a wiiraana a Yave; yeemele vamaithoni wa Muluku erumeelaka ni weera elaleiyeke mareeliho mwa Nsinanawe, ntoko empakeyaaya olelo.