1 Nyaha 12:17 - Emakhuwa Bible

¹⁷ Davide aarowa waakumanano, anaweerelasa: “Mwaarwaasiyeene mmuretteleni, weera mukikhavihere, kiri oolikaneene owaakhelani. Vaheera mwatthuna okilokottha ni okinnyerera mmatatani mwa amwiittanaaka, matataaka ehivanreeneru ya nipuhero, Muluku a makholowaahu, oone yeeyo ni oothorihaseni.”

1 Nyaha 12:17 Iomraidhean Croise

Epacerero 31:42

Ahaakhanle Muluku a apwiyaaka, Abrahaamu ni woopiha wa atithaka Isaki, vekhaikhai nyuwo mwaankihiya matataru. Vano Muluku aahoona ohaawawaka mutekwaaka woovihaxa, ni ohiyu ovinre Owo ohoonihera olakelawawe.”

Epacerero 31:53

Muluku a Abrahaamu ni a Nahori, Muluku a asitithaya akhale Mphukaahu.” Yakobe aalipela mwa nsina na woopiha wa atithawe Isaki.

1 Mamwene 2:13

Vano Adoniya, mwaana mulopwana a Hagiti, aarowa wa Batixeba, amayawe Salomoni. Batixeba aamukoha: “Mungwa mmuretteleni?” Owo aamwaakhula: “Aani, mmuretteleni.”

2 Mamwene 10:15

Apwahakaruwo, aamukumanano Yehonadabi, mwaana mulopwana a Rekabi, mwa yoowo aarongwe omuulumano Yehu. Amuulumihaleene Yehonadabi, Yehu aamukoha: “Nyuwo moohakalalela kimpakaaka?” Yehonadabi aamwaakhula: “Aani.” Yehu aamweerela: “Mukivahe ntata.” Yehonadabi aamvaha ntata ni Yehu aamukhavihera owela ekaaro.

2 Mamwene 9:22

Yorami amoonakaru Yehu, aamukoha: “Yehu, munrwa mmuretteleni?” Yehu aamwaakhula: “Khoonkhala murettele amayinyu Yezebeli epwahereraka olapa miluku sikina ni soopakasaya sa okhwiri.”

1 Nyaha 12:16

aBenyamini akina akina ni asilopwana akina a aYuda, yaahoorwatho wa Davide, moolipamwawe.

1 Nyaha 12:18

Vano, Munepa waamukhuruwela Amasai, mutokweene a anakhotto miloko miraru, ni owo aamweerela: “Ii! Davide, hiyo ti awinyu! Ii! Mwaana a Yixai, nri ni nyuwo! Sootheene siweetteleni nnene nyuwo nitho oowiiraananaanyu, niwoko Mulukwaanyu onimookhaviherani.” Hiiho Davide aawaakhelasa, anaakhaliha asitokweene a mikuttulasawe sa anamahuhula.

Icipo 7:6

Ii! Yave mvenyeke musaranimwanyu! Mweemele muvirikanyihe owali otokotoko wa amwiittanaaka. Mvenye, Mulukwaaka! Mulamule weera ekhaikhai ekwaniheriwe!

Icipo 86:11

Ii! Yave, mukixuttihe iphirosanyu weera keette mweekhaikhaiyinimwaanyu; mukivahe murima woororomeleyaxa weera koove Nsinananyu.

Yeremiya 32:39

Kinimwaavaha muupuwelo ni mweettelo mmoha, weera ekoove mookuminimwaya wootheene, wa okhalawaya nnene awosa ni anamwanaaya ni ikhapirasaya.

Zakariya 3:2

Yave aamweerela Satana: “Yave onimoohiihani Satana! Yave othanlale oYerusaleemu onimoohiihani! Mulopwana ola ori ntoko nthatu noovenxiwa vayikho.”

Miteko 4:32

Ootheene a atthu ancipale yaaroromenle, yaakhala oowiiwananeene, ni yaarino muupuwelo mmoha ni murima mmoha. Khaawo aarino sooreelasawe mwaneenaawe yoowo paahi, mene yaakawana sootheene yaarinaaya.

1 aKorinto 1:10

Axunnaka, kinoodyoonttelelani nyuwo ootheene mwa Nsina na Apwiya Yeesu Kristu, weera mwiiwanane mukina ni mukhwaawe yeeyo munuulumaanyu, weera ohikhale ohiiwanana variyariwanyu. Aani, weera ootheene mukhaleno wiiwanana omoharu ni wuupuwela omoharutho.

2 aKorinto 13:11

Kihipwahereraka axunna, miyo kinoolaxerani. Mwaase wiikwanihera, ni mwiiwe nivekelonaka. Muupuweleke etthu emoharu, mukhaleke ni murettele. Ni Muluku a osivela ni a murettele anaakhale ni nyuwo.

aFilipi 1:27

Yookhala etthu emoha paahi yoopwattha: mweettelowaanyu okhale moota woophwanelela masu ooreeraxa a Kristu. Hiiho, hata miyo karowa ni kiwoonakani, hata kiiwa paahi sa nyuwo kihikhalakawo, kisuwele weera nyuwo mukhale oolipa mwa munepa mmoha paahi, ngwanaka ni murima mmoharu niwoko na nroromelo na masu ooreeraxa,

1 Pedru 2:23

Aaruwaniwaawe, khaahokoloxera; ahaawaawe, khoopopiha, mene iileva wa Yoole onthoriha ni ekhaikhai.

Yuda 1:9

Wa soothesene, hata ndyelo mutokweene Mikhayeli, aavaanyihanaawe ni Diyabu* ewanelaka erutthu ya Moisesi, kheerenre omoothera, amveihaka ni moota wooveiha Diyabu*, mene eenre: “Apwiya yoohiiheyoomuhiihe!”

1 Samuweli 16:4

Samuweli aapaka yeeyo Yave uulummaawe. Aphiyakaru oBeteleheemu, asitokweene a esidade yaamuciceera ethukumelaka ni woova. Awosa yaamukoha: “Munrwa mmuretteleni?”

1 Samuweli 18:1

Davide amalihakaru wuuluma ni Sawuli, Yonatani ni Davide yaathatuwa asinthamwene xaxaxa. Yonatani aamusivela Davide ntoko aasivelaawe okumaawe.

1 Samuweli 18:3

Vano Yonatani aahiiwanano opaka onthamwene ni Davide niwoko aamusivela ntoko aasivenlaawe okumaawe.