1 Mamwene 9:4 - Emakhuwa Bible

⁴ Mwaha wa nyuwo – mweetta mweekhaikhaiyini ni moota woororomeleya ohoolowaka ntoko atithinyu Davide yeenttaaya ni mwapaka sootheene koolamulenlaakani ni mwiiwelela ikanosaka ni malamulowaaka,

1 Mamwene 9:4 Iomraidhean Croise

Epacerero 17:1

Abraamu arinweene iyaakha miloko mithannamixexe niithanniixexe, Yave aahiixoonihera wa yoowo, anamweerela: “Miyo ti Muluku a ikuru sootheene, mweette vamoha ni Miyo ni mukhaleke ookwaneleene.

Epacerero 20:5

Khahiyono yoowo okeerenle: ‘Ola murokoraka’? Ni muthiyana munenaawe eenre: ‘Ala acimweene’? Yeeyo kipankaaka, kipanke ni murima wootteeleene ni matata ooreereene.”

2 Samuweli 22:22

Miyo koheettela ephiro ya Yave; nkitapannye kimuhiyaka Mulukwaaka.

1 Mamwene 11:38

Mwapaka yeeyo kineeraaka koolamuleleni ni mweetta mphironimwaka mwemmo Miyo kintthunaaka mwiiwelelaka ikanosaka ni malamulowaaka ntoko aapankaawe murumeiyaaka Davide, kinookhala ni nyuwo. Kinimoovahani omwene wa mahuku ootheene ntoko kaampakenlaaka Davide ni kinimoovahanitho oYixrayeli.

1 Mamwene 11:4

Ehuhu uuluvalaawe Salomoni, axaarawe yaamuhuluxeriha miluku sikina ni murimaawe khawaamukhalela nthiti Yave Mulukwaawe, ntoko waaraaya murima wa atithawe Davide.

1 Mamwene 11:6

Hiiho Salomoni aapaka yoonanara vamaithoni wa Yave ahimuttharaka Yave ni murima wootheene ntoko atithawe Davide yaamutthanraaya.

1 Mamwene 14:8

Kohaakha omwene wa ekhapira ya Davide ni kohoovahani omwene ola. Wa soothesene, nyuwo khamukhanle ntoko murumeiyaaka Davide, mwa yoowo iiwelenle malamulowaaka ni aakitthanre ni murimaawe wootheene apakaka paahi yeeyo eri yooreera vamaithoniwaka.

1 Mamwene 15:5

Vano Davide aapaka yeeyo eri yooreera vamaithoni wa Yave, aniiwelela malamulo ootheene a Yave mahuku ootheene a okumaawe, ohikhanle paahi mwaha wa Uriya, muHiti.

1 Mamwene 3:14

Ni mweetta mphironimwaka ni mwiiwelela ikanosaka ni malamulowaaka ntoko atithinyu Davide yaapankaaya, kinimoovahani okumi wa mahuku mancipale.”

1 Mamwene 3:3

Salomoni aahoonihera omusivelawawe Yave ngwiiwelelani ikano sa atithawe Davide, mene aapaka sooveleela ni aahisa erubani* mmapuroni ootteela vasulu mattumuxa.

1 Mamwene 3:6

Salomoni aamwaakhula: “Mwaamoonihera murima wooreeraxa murumeiyaanyu, atithaka Davide niwoko owo aari oororomeleyaanyu, a murima wooreera ni a ekhaikhai. Mwaapwaherera omoonihera murima wooreera mumvahaka mwaana mulopwana, mwa yoowo okilaathiye vahiceniwawe olelo.

1 Mamwene 6:12

“Mwaha wa Empa ya Yave ela muntekaanyu, – mwatthara ikanosaka ni soolamulasaka ni mwiiwelela malamulowaaka, kinimookwaniherelani yeeyo kaaroromelinghaaka atithinyu, Davide.

1 Mamwene 8:25

Vano, Yave, Muluku a aYixrayeli, mukwanihere yoororomelihaanyu wa murumeiyaanyu Davide, atithaka mweenraanyu: ‘Anamwaniinyu yiipasoopa nnenesene weera yeette mphironimwaka ntoko mweenttaanyu, munookhalano namarandela anaalamule aYixrayeli vamaithoniwaka wa mahuku ootheene.’

2 Mamwene 20:3

“Ii! Yave, muupuwelele moota koorumeenlaakani ni ororomeleya ni murima wootheene. Koopaka yeeyo eri yooreera vamaithoniwanyu.” Ni Hizekiya aahiinla vancipalexa.

2 Nyaha 17:4

mene aamwaasa Muluku a atithawe, aniiwelela malamulowaawe, ahitakihaka ipakelo sa aYixrayeli.

Icipo 101:2

Kinimwiikosoopa weera keette moota wookwaneleya. Mmwikikumanane yaakhani? Kinookhala vaatewaka ni murima woohikhalano nthowa.

Icipo 128:1

Ooreelihiwa yaale ammoova Yave ni aneettela iphirosawe.

Icipo 15:2

Yoowo oneetta moota wookwanela apakaka yeeyo eri yoororomeleya ni onuuluma ekhaikhai mmurimanimwawe.

Icipo 26:1

Ii! Yave, mukoonihere ekhaikhai, niwoko kinkhala moota wookwanela; koomuroromela Yave kihihovelakaru.

Icipo 26:11

Vaheera miyo kinkhala moota wookwanela; mukoopole ni mukimorele ikharari.

Icipo 78:72

Vano Davide aakosoopa yoowo ni murima woororomeleya; aahoolela moota wooweraxa.

Masu a Miruku 10:9

Yoowo oneetta mookwanelani oneetta oolipeene, vaheera yoowo onkuxera iphiro sookhoromana onimooneleliwa.

Masu a Miruku 20:7

Mutthu oororomeleya onkhalano okumi woororomeleya; oorelihiwa anamwanaawe!

Masu a Miruku 28:18

Yoowo oneetta mookwanelani onookhala oolipeene, vaheera yoowo oneetta moota wooriheya, onoomora wootutuxereya.

Ezekiyeli 18:9

Owo oneettela ikanosaka, iiwelelaka oororomeleyeene malamulowaaka. Mutthu owo ti oororomeleya; vekhaikhai, owo anaakhale ni okumi,’ onghima Yave onlamula sootheene.

Zakariya 3:7

“Yave a ikuru sootheene oneera ha: ‘Nyuwo mweetta mphironimwaka ni mwiiwelela ikanosaka, vano munoolamula Empaaka ni munookhala muhooleli a vaatewaka ni Miyo kinimoovahani nipuro eriyari ya yaala ari va.

Luuka 1:6

Ooweeli yaari oororomeleya vamaithoni wa Muluku, yiiwelelaka nnenesene malamulo ootheene ni soolamulela sootheene sa Apwiya.

Deuteronomiyo 28:1

Nyuwosa mwamwiiwelela oororomeleyeene Yave Mulukwaanyu muttharaka malamulo ootheene kinoovahakani olelo, Owo onimoowelihaxani opwaha miloko sootheene sa elapo ya vathi.