1 Mamwene 9:3 - Emakhuwa Bible

³ Yave aamweerela: Kohiiwa nivekelo ni odyoonttelelawanyu muvekenlaanyu vamaithoniwaka; kootteeliha Empa ya Yave ela mwa yeeyo mutenkaanyu weera mwemmo nimakemo Nsinanaka mahuku ootheene. Maithwaaka ni murimaaka onookhalamo wa mahuku ootheene.

1 Mamwene 9:3 Iomraidhean Croise

1 Mamwene 8:29

Ngwehe Empa ela ohiyu ni othana, niwoko nri nipuro nyuwo mweenraanyu: ‘Nsinanaka nnookhalamo.’ Mahuku ootheene mwiiweke mavekelowaaka ankhuma mu.

2 Mamwene 20:5

“Muhokolowe ni mwamuleele Hizekiya, muhooleli a mulokwaaka: ‘Yave, Muluku a atithinyu Davide oneera ha: Kohiiwa mavekelowaanyu ni kohoona maithoraanyu; kinimoolamihani. Eviraleene mahuku mararu munoorowa Mpaani mwa Yave.

2 Mamwene 21:7

Aakuxa nrimbu noohaneliwa Axera, aniikaathi Mpaani mwa Yave. Vano ti mwaha wa empeene yeele ni oYerusaleemu Muluku aamweerenlaawe Davide ni mwanawe Salomoni: “Variyari wa ipuumba sootheene sa oYixrayeli, kinookhaliha Nsinanaka wa mahuku ootheene Mpaanimu mwa Yave ni mwa oYerusaleemu.

2 Nyaha 33:7

Owo aakuxa ecaambulo yoopatthiwa, aniikaathi Mpaani mwa Yave, mwa mwemmo Muluku aamweerenlaawe Davide ni mwaniye Salomoni: “Mpaani mwa Yave ela ni oYerusaleemu, kithanlalaaka eriyari ya ipuumba sootheene sa aYixrayeli, kinoohelamo Nsinanaka wa mahuku ootheene.

2 Nyaha 6:40

Hiiho Mulukwaaka, maithwaanyu yoone ni maaruwaanyu yiiwe mavekelo apakiwe nipuro nna.

Ezera 6:12

Vano Muluku mwa Yoowo aalakenle weera Nsinanawe nikhalewo, amphwate akhalaru mwene hoye hoye muloko oneera weerere oceendya ekano ela naari ophwata Empa ya Yave oYerusaleemu. Miyo, Dariyexi koolaleiya ekano ela. Vano ettharihiweke nnenesene.

Icipo 10:17

Ii! Yave, mohiiwa soovekela sa oohooxiwa; Nyuwo munaapepesa munawaakhulela.

Icipo 116:1

Kinimusivela Yave, niwoko Owo onkiiwa kaamudyoonttelaka.

Icipo 34:17

Atthu oororomeleya ankhuwela ni Yave ongwiiwa; Owo ongwoopola mwa sookacamihasaya sootheene.

Icipo 65:3

Sinilemelaka sootthekasahu, Nyuwo muneenaanyu moolevelela.

Icipo 66:19

Vaheera vekhaikhai Muluku ookiiwa, aakhulaka nivekelonaka.

Okhuma 20:11

Vano wa mahuku mathannamosa Yave aapattuxa erimu ni vathi, ephareiya ni sootheene siri mwemmo, mene nihuku nanaathannameeli aahiitthuuwa. Tivawo Yave oreelinghaawe nihuku nanaathannameeli atteelihaka.

Okhuma 29:44

Vano kinootteeliha Eheema ya Muthukumano* ni altaari* ni kinoomutteelihatho Aharoni ni anamwanaawe asilopwana weera ekirumeelase ntoko asaserdoti*.

Yeremiya 15:1

Vano Yave aakeerela: “Naari Moisesi ni Samuweli yaakhanle ohoolowaka evekelelaka muloko ola, hata hiiho nkaamorela ikharari muloko. Moomole ohoolowaka. Muloko owo opwaheke!

Yeremiya 7:10

ni vahoolowaya okhala ohoolowaka Mpaanimu ela erino Nsinanaka, mweeraka: “Noolipa!” Noolipa weera mpwaherere ni miteko sootheene iyo sa mwiikho?

Daniyeli 9:23

Nyuwo mpacerakaru ovekela, yaahoorwa yoowaakhula yoolikana ni miyo kirweenle woothaliherani, niwoko moosiveleyaxa. Vano, moonele mutthenga ni mwiiwexexe moonelo:

Nuumeru 16:38

Soohisera erubani* sa atthu siwiivale mwa sootthekasaya sinoohaniwa ntoko ireesa ni sinoovareliwa muteko woowaahuruwelano altaari*, niwoko sooveleeleliwa Yave ni soothatuwa sootteelihiwa. Iyo sikhaleke eneneero wa aYixrayeli.”

Matheyo 6:9

Vanonto nyuwo muvekeleke ha: ‘Atithihu ari wiirimu, Nsinananyu ntteelihiwe,

Yohaane 11:42

Koosuwela weera munkiiwa mahuku ootheene, mene kineera yeeyo mwaha wa muloko wa atthu ori va, weera ororomele weera Nyuwo mukirumihale.”

Miteko 10:31

ni aakeerela: ‘Korneliyu, Muluku ohiiwa nivekelonanyu ni ohuupuwelela soovahasanyu.

Deuteronomiyo 11:12

Ti elapo Yave Mulukwaanyu onkosoopaawe; maithwaawe annapwaherera owehawo okhuma ompacereroni mpaka ommaleloni wa eyaakha.

Deuteronomiyo 12:11

Vahoolowaya mwarowe nipuro Yave Mulukwaanyu aneeraawe athanle ntoko woomakawo Nsinanawe. Wu mwaronghe sootheene kinoolamulelaakani – sooveleelasanyu soohisa ni sa enama, mipatta sanaamulokwaanyu, samahala sooreerela ni seiyo sootheene mwaaroromelinghaanyu omvaha Yave.

Deuteronomiyo 12:21

Vanonto, nipuro Yave Mulukwaanyu aneeraawe athanle weera nikhalewo Nsinanawe noorakamelanixa, mwawiive asinama a muhuwo Yave Mulukwaanyu oovanghaaweni, ntoko koolamulenlaakani. Vano mwakhuureke mmittetthenimwanyu enama muntthunelaanyu.

Deuteronomiyo 12:5

Ohiyanawaya, mwaasaase nipuro Yave Mulukwaanyu aneeraawe athanle variyari wa ipuumbasanyu sootheene weera ahelewo Nsinanawe ntoko woomakawawe. Ti weiwo ontthuneya orowa

Deuteronomiyo 16:11

Vanonto muhakalale vamaithoni wa Yave Mulukwaanyu vanipuroni Owo aneeraawe athanle ntoko woomakawo Nsinanawe – nyuwosa, anamwaniinyu, arumeiyaanyu asilopwana ni asithiyana, aLeevi ankhala mmasidadenimwanyu, anamarwa, akwaasuni ni asinaamukhweli ankhala variyariwanyu.

1 Yohaane 5:14

Ola ti murima woolipa nikhalannaahu woomwaattamela Muluku: hiyo navekela etthu emoha eri ya otthunawawe, Owo onooniiwa.