1 Mamwene 9:1 - Emakhuwa Bible

¹ Salomoni amalihaleene oteka Empa ya Yave ni empa ya emwene ni ikina aatthunaawe oteka,

1 Mamwene 9:1 Iomraidhean Croise

1 Mamwene 3:1

Salomoni aahiixiiraanyiha ni Farawu*, mwene a wExipitu, amuthelaka mwaniye. Owo aamuruuha musidade ya Davide mpaka omalihiwa otekiwa empa ya mwene, Empa ya Yave ni exiri erukureenre oYerusaleemu.

1 Mamwene 6:37

Mathipelo a Empa ya Yave yaapaceriwe vayaakhani yanaaxexe, mmweerini wiitthaniwa Zivi.

1 Mamwene 7:1

Salomoni atekaka empaawe ya emwene aavirihale iyaakha muloko ni tthaaru.

1 Mamwene 7:2

Emoha ya empaawe aatenkaawe yiitthaniwa empa ya emwene ya Othako wa oLibanu, yaarino miringo iya: Mweerakameloni imeetru* miloko mixexe niithannamosa, mweekhuveeloni imeetru* miloko miili ni tthaaru, ni orakamawaya okhuma vathi wookela osulu imeetru* muloko ni tthaaru ni eriyari ya emeetru*. Yaarino misera mixexe sa amarimbu a esedari* saalipihera itthaabwa sa esedari*.

1 Mamwene 7:51

Simalihiweene miteko sootheene Salomoni aapakenlaawe Empa ya Yave, aavoleiha itthu sootheene atithawe Davide yaatteelinghaaya – eyuuma yoorikaxa, eparatha* ni ikaruma sa mpuwa, aniikaathi mukwartuni ya mihakhu sa Empa ya Yave.

1 Mamwene 8:66

Oxaawaya Salomoni aalamulela muloko ohokoleela mmawannyaaya. Muloko waamureeliha mwene, onarowa woohakalaleene mmirimanimwaya niwoko na itthu sooreera sootheene Yave aampakenlaawe murumeiyaawe Davide ni wa mulokwaawe aYixrayeli.

1 Mamwene 9:10

Siviraleene iyaakha miloko miili mwa seiye Salomoni aatenkaawe Empa ya Yave ni empa ya emwene,

1 Mamwene 9:11

owo aamvaha Hirami, mwene a oTiro, mittetthe miloko miili sa oGalileya, niwoko Hirami aamvaha esedari*, nyiri sikina ni eyuuma yoorikaxa aatthunaawe.

1 Mamwene 9:19

nitho isidadesawe soothokorora sooca sootheene ni mittetthe saakhala ikaarosawe sa ekhotto ni ikavalusawe*. Aateka soothesene aatthunaawe oYerusaleemu, oLibanu ni mweelaponi yootheene ya olamulawawe.

2 Nyaha 7:1

Salomoni amalihaleene ovekela, waakhuruwa mooro wiirimu, onahisa sooveleela soohisa ni sooveleela sikina, ni ovuwa wa Yave waasareya Mpaani mwa Muluku.

2 Nyaha 7:11

Salomoni amalihaleene oteka Empa ya Yave ni empa ya emwene, akwaniheraka nnenesene sootheene aatthunaawe opaka Mpaani mwa Yave, ni empaawe ya emwene,

2 Nyaha 8:1

Siviraleene iyaakha miloko miili, mweehuhuni Salomoni aapakaawe Empa ya Muluku ni empaawe ya emwene,

2 Nyaha 8:6

mpakatho oBaalate ni isidade sootheene soothokorora sooca, ni isidade sootheene saakhalaaya ikaarosawe ni ikavalusawe*. Aateka sootheene aahaawelaawe, oYerusaleemu, oLebanoni ni elapo yootheene aalamulaawe.

Namalaleiya 2:10

Nkaakhoontteru yeeyo yaahaawelaaya maithowaaka; nkaavaannyeru yeeyo waatthunaaya murimaaka. Vekhaikhai, miyo kaahakalalela mitekosaka sootheene; nno naari ntthuvelo na wiiminyaalelawaka wootheene.

Namalaleiya 2:4

Kaahiivaherera mmitekoni sitokotoko: Kooteka impa kiniiphatteela iwuuva*.

Namalaleiya 6:9

Fataari ohakalalela yeeyo anoonaaya maitho, ohikhanle olohera yeeyo munghaawelaanyu. Eyotho kheentaphulelaru etthu, ti woomola epheyo paahi.