1 Mamwene 8:9 - Emakhuwa Bible

⁹ Kheeyamomo etthu mwarkani* sihikhanle itthaabwa piili sa maluku Moisesi iikaathiyaawemo oHorebi, mwa weiwo Yave aapankaawe wiiraana ni aYixrayeli vahoolo wa okhumawaya wExipitu.

1 Mamwene 8:9 Iomraidhean Croise

1 Mamwene 8:21

Koohiyamo nipuro noowiikaathi Arka* mwa mwemmo siraayamo itthaabwa sa Wiiraana wa Yave, wiiraanawene weiwe aapakenlaawe makholowaahu aakhumingheene wExipitu.”

2 Nyaha 5:10

Mwarkani* saarimo paahi itthabwa piili aahenlaawemo Moisesi aaraawe oHorebe, weiwo Yave aapankaawe wiiraana ni aYixrayeli ekhumaleene wExipitu.

2 Nyaha 5:9

Ikopo iye saari soorakamaxa moota wooweera okhwipiwaya waakhumela omokoni wa Arka* waangwereya wooneya mpatta wa ohoolo wa Nipuro Nootteela*, vaheera opwaha vaavawo khawaawereya; ni iyo siri wuuwu mpaka olelo va.

Okhuma 13:21

Othana Yave aakhala ohoolowaya ni nrimbu na mahutte weera aweettihe mphironi, ni ohiyu ni nrimbu na mooro weera aamwaleele. Hiiho yaangwera weetta othana ni ohiyu.

Okhuma 14:24

Oxiiyeene Yave aawona anakhotto awExipitu vanrimbuni na mahutte ni mooro ni aahaarukureerihasa nyuru.

Okhuma 16:10

Aharoni uulumaka ni muloko wootheene, yaawehasa ootheene onikareni ni ovuwa wa Yave waakhumelelawo vanihutteni.

Okhuma 16:33

Moisesi aamweerela Aharoni: “Muhele mutthuni yookwana ikiilu* ixexe sa emana*. Vahoolowaya mwiikaathi ohoolo wa Yave weera ekhapeleleye wa ikhapira sa muhoolo.”

Okhuma 25:16

Vano mwaheleke mwa Arkani* Namoona* kineeraaka koovaheeni.

Okhuma 25:21

Ngwiikaathereke yookhuneelano Arka*, ni mpuwamwaya Namoona* kineeraaka koovaheeni.

Okhuma 40:20

Aahiikaathitho itthaabwa sa Namoona mwaarkani*, aatthukelelamo ikopo ni aahiikaathera vasuluwaya yookhuneelano ya wiiraana.

Ezekiyeli 10:4

Hiiho ovuwa wa Yave waakhumelela vasulu akerubini*, onasuseerela vamulako wa Empa ya Yave. Nihutte naasareya Empa ya Muluku ni nipuwa naasareya waara wa ovuwa wa Yave.

Levitiku 16:2

Yave aamweerela Moisesi: “Mwamuleele munninyu Aharoni weera ahivoloweke yakhalaru ehuhu ontthunaawe vaNipuroni Nootteelaxa*, wiithela eluttu ohoolo wa ekhuneelelo ya vArkani* a Wiiraana weera ahikhwe, niwoko Miyo kinimwiixoonihera munihutteni vasulu wa ekhuneelelo eyo ya varkani* a Wiiraana.

Nuumeru 17:10

Yave aamweerela Moisesi: “Muronghetho ekopo ya Aharoni ohoolo wa Arka* arino itthaabwa sa wiiraana weera ethokororiwe ntoko woopereriwa wa anamavaanya. Eyo enoomaliha okikhupanyawaya weera ehikhwe.”

Nuumeru 9:15

Vanihukuni yaakungiwaaya etabernaakulu* – Eheema enthokorora itthaabwa sa wiiraana, nihutte naakhuneela eyo. Okhuma oxekuwa mpaka oxa nno vasulu wa etabernaakulu* naalikana ni mooro.

Deuteronomiyo 31:26

Mukuxe elivuru ela ni mwiikaathi mukhwipi mwa Arka* a Wiiraana a Yave Mulukwaanyu. Eniikhalewo ntoko namoona wa nyuwosa.

Deuteronomiyo 4:13

Aahooxuttihasani wiiraanawawe eyo tiiyo Malamulo Muloko. Aalepa vatthaabwani piili sa maluku, anoolamulelasani weettela.

aHeberi 9:4

yaaphwanyaneyaayamo altaari* a eyuuma yoorikaxa ya erubani*, ni Arka* a wiiraana ookhuneelaxiwa ni eyuuma yoorikaxa. Mwemmo waakhala mwaapu wa eyuuma yoorikaxa ereenemo emana*, ni ekopo ya Aharoni yaaphuwale makukhu, ni itthaabwa sa wiiraana.

Ethupululo 15:8

Empa ya Muluku yaasareya mwiixi wa ovuwa wa Muluku ni ikurusawe, ni khaawo aawera ovolowa Mpaani mmwe, sihinaaye okwanela soohooxa ithannapiili sa andyelo athanneeli.