1 Mamwene 8:7 - Emakhuwa Bible

⁷ Mapupha ookungeyeene a akerubini* yaakuttelela Arka*, ni Arka* ni ikopo yaakuxeriwaayano.

1 Mamwene 8:7 Iomraidhean Croise

1 Mamwene 6:27

Aawiikaathi akerubini* vaNipuroni Nootteelaxa* na Empa ya Yave ookungeyeene mapupha. Nipupha na kerubini* mmoha naaphiteera exiri ni na mukina exiri ekina. Mapupha makinaawo yaarookumanyihana eriyari ya Nipuro Nootteela*.

1 Mamwene 8:6

Vahoolowaya asaserdoti* yaahaakuxasa Arka* a Wiiraana a Yave yaaroihaka vanipuroniwaya mukwartuni wa mpuwaxa, eyo tiiyo Nipuro Nootteelaxa*, enawiikaathi owaathi maphupa a akerubini*.

1 Mamwene 8:8

Ikopo iye saari soorakama omakoteloniwaya waamooneya weemenleene hata ohoolo wa Nipuro Nootteelaxa*, mene khawooneyaru mpatta wa omokoni wa Empa ya Yave. Vano iye sookhala mpaka olelo.

Okhuma 25:20

Akerubini* ekhalaneke mapuphaaya ookungeela ohoolo ekhunelenleeneno yookhuneelano. Awo ekhalelaneke ohoolo yuuramenleene yookhuneelano.

Yesaya 6:2

Vasuluwawe yaakhala aserafi* – khula serafi* aarino mapupha mathannamosa; meeli yaakhuneela ekhove; meeli makinaawo yaakhuneela inaawo ni meeli makinaawotho yaamvavano.

Nuumeru 4:6

Vahoolowaya yaakhuneeleke ni exapala yoohukhiwa, yaataleke ekuwo ya mpuwa ya kanka vasuluwaya ni yiikaathiki ikopo mmapuronimwaya.

aHeberi 9:5

Vasulu wa Arka* yaari akerubini* a ovuwa, mwa yaawo yaakhuneela ettiyelo ya Arka* ni erunguwaaya. Mwaha wa itthusene seiye khaninrowa othaliha ni masu mancipale vaanaano vaava.