1 Mamwene 3:7 - Emakhuwa Bible

⁷ Vano Yave Mulukwaaka, moomukhaliha murumeiyaanyu mwene vanipuroni na atithaka Davide. Wa soothesene, miyo mmiravo mukhaanene kihisuwelaka yooweera.

1 Mamwene 3:7 Iomraidhean Croise

2 Samuweli 5:2

Khalayi, Sawuli areene nlelo mwenaahu, ti nyuwo mwaahoolela anakhotto a aYixrayeli mukhottonimwaya. Yave aaweerelani: ‘Nyuwo mmwaahoolele aYixrayeli mulokwaaka ni munookhala mutokweenaaya.’”

1 Nyaha 22:5

Davide uupuwela ha: Mwanaka mulopwana Salomoni ori mmirawo ohixuttihingwe nnenesene. Vano Empa aneeraawe atekeliwe Yave ontthuneya okhala yootikhiniheyaxa, ya epili etokotoko ni yoowaaraxa vamaithoni wa miloko sootheene. Tivawo kineeraaka kihiye sootheene soorehereriwasene kihinaaye okhwa.”

1 Nyaha 22:9

Vaheera nyuwo munoomuyara mwaana mulopwana anaakhale a murettele, ni Miyo kinoopakiha weera owo akhalane murettele ni amwiitana ootheene a mukhwipimwawe. Anaattehiwe Salomoni, ni Miyo kinoomvaha murettele ni mmaaleleyo oYixrayeli mweehuhuni ya olamulawawe.

1 Nyaha 29:1

Vano mwene Davide aaheerela muthukumano wootheene: “Muluku omuthanlale mwanaka mulopwana Salomoni, vaheera owo ori mmiravo, ni khaxuttihiwe nnenesene. Muteko ori mutokotokoxa, niwoko Empa etokotoko eyo kheetekeliwa atthu, mene wa Yave, Mulukwaahu.

Icipo 121:8

Yave onoothokorora ophiyawanyu ni opwahawanyu – olelo ni wa mahuku ootheene.

Masu a Miruku 18:12

Ehinaaye omora murima wa mutthu onimwiihelanamo, vaheera nttittimiho nintthara wiiyeviha.

Namalaleiya 10:16

Ii! Wa nyuwo elapo, mwa yeeyo mwenaanyu aari murumeiyi, ni anamwanaawe mwene ampaka ifesta oxeexeloru.

Yeremiya 1:6

Kaamwaakhula: “Ii! Yave onlamula sootheene, nkingwera wuuluma nnenesene; kiri mmiravo paahi.”

Yeremiya 1:7

Mene Yave aakeerela: “Muheere: ‘Kiri mmiravo paahi,’ mene murowe wa ootheene miyo kineeraaka koorumiheleni ni mwahime sootheene kineeraaka koolamuleleni.

Daniyeli 2:21

Owo onceendya ihuhu sa vanihukuni ni sa vayaakani; Owo onaakhaliha mamwene ni Owo onaakuruxa yaawo. Owo onaavaha miruku anamiruku ni esuwelo yaale aniiwexexa nnene.

Daniyeli 4:25

Munimoomoleliwa ottai wa atthu ni munookhala vamoha ni axinama a ntuphini; munimooca malaxi ntoko imombe ni munimwiimeliwa nikame na wiirimu. Sinimoovirelani ihuhu ithannapiili mpaka muneeraanyu mwaakhulele weera Muluku a Musulusulu onlamula omwene wa omutthu, amvahaka akhalaru mutthu onimutthunaawe.

Daniyeli 4:32

Munimoomoleliwa ottai wa atthu ni munookhala vamoha ni axinama a ntuphini; munimooca malaxi ntoko imombe. Sinimoovirelani ihuhu ithannapiili mpaka muneeraanyu mwaakhulele weera Muluku a Musulusulu onlamula omwene wa omutthu, amvahaka akhalaru mutthu onimutthunaawe.”

Daniyeli 5:18

Ii! Amwene, Muluku a Musulusulu aahaavaha atithinyu, Nebukadenezari, olamulaxa, otokweenexa, ovuwa ni waara.

Daniyeli 5:21

Aahoomoleliwa ottai wa atthu ni muupuwelowaawe waari ntoko mwaamunama. Aakhala vamoha ni abuuru a ntuphini, anaca malaxi ntoko imombe ni erutthwaawe yaahiimeliwa nikame na wiirimu mpaka aakhulenlaawe weera Muluku a Musulusulu onlamulaxa omwene wa atthu ni onimukhaliha mulamuli yoowo onimutthunaawe.

Nuumeru 27:17

weera eettihe mmapuroni ootheene eneeraaya erowe ni weera avolonghe, ni muloko wa Yave ohikhale ntoko ikhondoolo soohikhalano mukukhula.”

Yohaane 10:9

Miyo ti mulako. Yoowo omvolowa wa Miyo anaavuluxiwe. Anaavolowe, anaakhume ni anaaphwanye sooca.

Deuteronomiyo 31:2

“Vano kirino iyaakha ncira ni miloko miili ni nkingweratho woohoolelani. Yave aakeerela: “Khamunlapuwa Yordanu.”

1 Samuweli 18:16

Vaheera atthu ootheene a oYixrayeli ni oYuda yannamusivela, niwoko owo annaweettiha mukhottonimwaya.