1 Mamwene 2:3 - Emakhuwa Bible

³ Mwiiwelele yeeyo Yave Mulukwaanyu ontthunaawe: Mweette mphironimwawe ni mwiiwelele ikanosawe ni soolamulasawe; malamulowaawe ni sootthuneyasawe, ntoko elempwalaaya muNlamuloni na Moisesi. Hiiho itthu sinooweettelani nnenesene mwa sootheene muneeraanyu mpake ni mmapuroni moothemwene muneeranyu murowe.

1 Mamwene 2:3 Iomraidhean Croise

2 Samuweli 8:14

Owo aakhaliha mipatta sa masintinela mweelaponi yootheene ya wEdomi ni awEdomi ootheene yaalamuliwa ni yoowo. Yave aangwiniha Davide mapuro ootheene aarowaawewo.

2 Samuweli 8:6

Davide aakhaliha mikuttula sa masintinela moomweneni wa awArami oDamasku ni awArami yaalamuliwa ni yoowo, emulivaka musoko. Vano Yave aanangwiniha Davide mmipattani sootheene aarowaawe.

1 Mamwene 3:3

Salomoni aahoonihera omusivelawawe Yave ngwiiwelelani ikano sa atithawe Davide, mene aapaka sooveleela ni aahisa erubani* mmapuroni ootteela vasulu mattumuxa.

2 Mamwene 18:7

Yave aari ni yoowo ni sootheene aapakaawe sannamweettela nnene. Aangwanano mwene a wAsiriya ahimurumeelakatho.

1 Nyaha 29:19

Mumvahe mwanaka mulopwana Salomoni murima wookwanela weera iiwelele malamulowaanyu, mahusihowaanyu ni ikanosanyu, weera ateke Empa ya Yave ela, mwa yeeyo kirehererenlaaka seiyo sintthuneya.”

Icipo 119:111

Ikanosanyu ti yoohiyeriwaaka ya mahuku ootheene; ti ohakalala wa murimaaka.

Icipo 119:138

Moolamulela ikanosanyu ni ekhaikhai; seiya ti soophwanela ororomela.

Icipo 119:2

Ooreelihiwa ti yaale aniiwelela ikanosawe ni animwaasa Yoowo ni murima wootheene.

Icipo 19:7

Nlamulo na Yave ti nookwanela nivahaka okumi; ikano sa Yave ti soororomeleya sintatuxaka oohilipa namiruku.

Namalaleiya 12:13

Vano, seenre siiwiwa sootheene, emaliherowaaka ti ela: Mmoove Muluku ni mwiiwelele malamulowaawe, niwoko eyo ti yootthuneyaxa wa mutthu.

Levitiku 8:35

Mukhaleke vamulako wa Eheema ya Muthukumano* wa mahuku mathannameeli ootheene mpakaka yeeyo Yave ontthunaawe weera muhikhwe, niwoko ti yeeyo kilamuleliwaaka.”

Malekiya 4:4

“Muupuwelele nlamulo na murumeiyaaka Moisesi, ikano ni soolamulela kaamvanghaaka oHorebi, wa muloko wootheene wa oYixrayeli.

Deuteronomiyo 29:8

Naakuxa elapwaaya, nnaavaha aRubeni, aGadi ni eriyari ya epuumba ya Manaxe ntoko yoohiyeriwa.

Deuteronomiyo 29:9

Mutthariheke oororomeleyeene sootthuneya sa wiiraana wu weera itthu siweetteleni nnenesene mwa sootheene muneeraanyu mpake.

Deuteronomiyo 4:1

Vano mwiiwe aYixrayeli ikano ni malamulo kineeraaka kooxuttiheni. Mwiiwelele yaawo weera mukhale ni okumi ni mwakuxe elapo Yave Muluku a makholowaanyu onoovahaaweni.

Deuteronomiyo 4:45

Ti seiya ikano ni malamulo ni sooruma Moisesi aavanghaawe ekhummeene wExipitu.

Deuteronomiyo 4:5

Moone, kohooxuttihani ikano ni malamulo ntoko aakilamulenlaawe Yave Mulukwaaka weera mwiiwelele yaawo mweelaponi muneeraanyu mvolowe weera mwakuxase.

Deuteronomiyo 4:8

Khoowowo muloko mutokotoko mukina orino ikano ni malamulo ooreera, ntoko malamulo ala kinoovahasakani olelo.

Deuteronomiyo 5:1

Moisesi aahaathukumanyiha aYixrayeli ootheene anaweerela: “Mwiiwe aYixrayeli ikano ni sooruma kinooleelaakani olelo. Muxuttere ni mweettele nnenesene.

Yoxuwa 22:5

Wa soothesene, mwiipasoope weera mwiiwelele nnenesene Nlamulo ni ikano Moisesi, murumeiyi a Yave, oovanghaaweni: Munsivele Yave Mulukwaanyu, mweette mphironimwawe, mwiiwelele malamulowaawe ootheene, mumvarexexe Yoowo ni munrumeeleke ni murimaanyu ni okumaahu wootheene.”

Yoxuwa 23:6

Mwiilipihereke ni mwiipasoope weera mwiiwelele nnenesene sootheene seiye silempwale mulivuruni ya Nlamulo na Moisesi, muhihapuwelaka moono mulopana naari muthiyana.

1 Samuweli 18:14

Sootheene Davide aapakaawe sannamweettela nnenesene, niwoko Yave aari ni yoowo.

1 Samuweli 18:30

Asitokweene a anakhotto a aFilisiti yannapwaherera orowa waawanano aYixrayeli ni imaara sootheene Davide annaakupha yaawo aapwahaka asitokweene akina ootheene a Sawuli. Hiiho aakhalatho ni epili.

1 Samuweli 18:5

Davide annakwanihera miteko sootheene Sawuli aamulamulelaawe opaka moota wooweera Sawuli aamukhaliha vanipuroni noottittimiheyaxa variyari wa anakhotto. Eyo yaasiveliha muloko nitho asitokweene a anakhotto a Sawuli.