1 aKorinto 9:17 - Emakhuwa Bible

¹⁷ Kaalaleiyaka ni otthunawaka, kookhalano ntthuvelo. Wa soothesene, woonaka weera koonyesererihiwa olaleiya, miyo kinkwanihera paahi ikuru seiyo kiroromelihiwaaka.

1 aKorinto 9:17 Iomraidhean Croise

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

1 Nyaha 29:14

Vaheera miyo taani, ni ti eheeni mulokwaaka mpaka niwenraahu ocaangaxa ntoko nipankaahu? Sootheene sinrweela wa Nyuwo, hiyo noovangheni paahi yeeyo enrweela mmatatanimwanyu.

1 Nyaha 29:5

yoovarela muteko wa eyuuma yoorikaxa ni eparatha*, ni wa muteko wootheene wa aneettottho. Vano, taani ori oolikaneene olelo okhumiha soomvaha Yave?”

1 Nyaha 29:9

Muloko waahakalalela mapakelo a ahoolelaaya, niwoko yaamvaha Yave iyo ni otthunawaya, ni murima wootheene. Vano mwene Davide aahakalalaxatho.

Nehemiya 11:2

Muloko waahaareeliha oottheene yiixinnyerenre otthunawaya weera ekhale oYerusaleemu.

Yesaya 6:8

Vano kaahiiwa nsu na Yave, akohaka: “Kimurume taani? Taani anaarowe wa Hiyo?” Vanonto miyo keenre: “Miyo va. Mukirumihe.”

Yeremiya 20:9

Vaheera miyo keera: “Nkimuromolatho hata nkuuluma mwa Nsinananyu,” maswaanyu anlikana mooro ovarelaka mmurimanimwaka; mooro mpuwa mwa makhuvaaka. Miyo kookhulumuwa niwoko na yeeyo; nkingwera opwaherera moota hiiho.

Ezekiyeli 3:14

Vano Munepa waakittukhula onakivenxawo, munepaaka othanananxeene ni owaawanxeene musarani, ntata noolipaxa na Yave nreene mwa miyo.

Yoonasi 1:3

Yoonasi aatthawelatho ottaiwene wa Muluku arowaka oTaresisi. Aarowa mpaka esidade ya oYafa, mwa weiwo aaphwannyaawewo nikula ntokotoko naarowa oTaresisi. Alivakaru musurukhu wa mukwaha, aavolowa, arowaka oTaresisi weera amutthawe Yave.

Malekiya 1:10

“Ii! Mmoha a nyuwosa aawanle milako sa Empa ya Yave! Hiiho naari mano mwaamupattiha vasiiyoniwene mooro valtaariniwaka*. Nkoohakalalenleni,” oneera Yave a ikuru sootheene, “ni nkinaakhulela soovahasanyu.

Matheyo 10:41

Yoowo ommwaakhelela mprofeeti niwoko ori mprofeeti, anaakhele ntthuvelo na mprofeeti, ni yoowo ommwaakhelela mutthu oororomeleya niwoko ori oororomeleya, anaakhele ntthuvelo na mutthu oororomeleya.

Matheyo 24:25

Moone, Miyo kooleenleni ehinaaye.

Luuka 12:42

Apwiya yaamwaakhula: “Vanonto, murumeiyi taani oororomeleya ni a miruku, Apwiya amukhalinghaaya muhooleli a arumeiyi weera aavahe yoocaaya wa ehuhu yootthuneya?

Yohaane 4:36

Yoowo onghepha onaakhela ntthuvelonawe ni onghephela soowiima okumi woohimala moota wooweera yoole aanle nitho yoole onghepha anootteeliwa murima.

1 aKorinto 3:14

Yeeyo mukina otenkaawe yalekela, owo onimwaakhela ntthuvelonawe.

1 aKorinto 3:8

Yoowo omphatteiya ni yoowo onghelela ankhalano otthuna omoharu paahi, ni ooweeli eniiphwanye ntthuvelonaya, ntoko muteko ovanraawe.

1 aKorinto 4:1

Vanonto, atthu yuupuweleke weera nri arumeiyi a Kristu ni noovahereriwa matikhinelo a Muluku.

1 aKorinto 9:16

Wa soothesene, miyo kaalaleiyaka masu ooreeraxa, nkintthuna wiivuwiha, niwoko koolamuliwa olaleiya masu ooreeraxa. Ii! Wa miyo kaahilaleiya masu ooreeraxa!

1 aKorinto 9:18

Vano, ntthuvelonaka tinni? Paahi yeeyo: Olaleiya masu ooreeraxa wa mahalani, hiiho kihivarelaka muteko ikurusaka woolaleiyani.

2 aKorinto 8:12

Wakhala otthuna, ovaha ti woowaakheleya ntoko yeeyo mutthu orinaawe, ehikhanle ntoko yeeyo ohikhalannaawe.

aGalata 2:7

Ohiyanawaya awo yaahaakhulela weera miyo koovahereriwa muteko woowaalaleera masu ooreeraxa amalapo, ntoko Pedru ovahereriwaawe muteko woowaalaleera masu ooreeraxa aYuda.

aKolosi 1:25

Koothatuwa murumeiyi a ekerexa, ntoko muteko Muluku okivanghaawe weera koothalihereni nnenesene masu a Muluku,

1 aTesalonika 2:4

Ohiyanawaya, ninuuluma ntoko asilopwana oowaakhuleliwa ni Muluku avahereriwe masu ooreeraxa. Khannuuluma hiiho weera naasivelihe atthu, mene wa Muluku onsuwela mirimasahu.

Filemone 1:14

Nkitthunnetho opaka etthu, ohikhanle ni otthuniheriwawanyu, weera yakhalaru etthu muneeraanyu mupake, ehikhale yoonyesereriwa, mene etthu yootthunaanyu.